ي ابوي مثل حب متعب للريم ما انت لاقي

البارت 31

عطيتك الي ما عطيته اقرب الناس
و علقت فيك احلام عمري و ضاعت

لي قلب ما يقسى و صادق و حساس
و لي عين ما صدت و خانت و باعت

و لك قلب طيب بس ما عندك احساس
و لك عين ما شافت جروحي و راعت

جيتك على وضح النقا رافع الراس
وطوعت لك نفس عزيزة و طاعت
.
.
.
.
دخلن الحريم لقسم الحريم والرجال نفس الشي وكبر الامام لتبدا صلاه العيد الكل بدا يصلي ومن ثم يسمعون الخطبه لينهي الامام خطبته لف عزام وهو يقول بستغراب/ سعود ذا الرجال وراه يناظر فيني كني ماكل حلاله!
لف سعود وهو يشوف رجال يناظر بعيال عمه مطلق بحقد/ اللهم سكنهم مساكنهم وش وضعه؟؟
مد شفايفه عزام بضجر/ امش امش نعيد على الناس ونروح لديره ورانا شغل!
وقفوا وهم يعيدون على الي يعرفونهم""
.....
تكلمت بضجر وخوف لن اهلي موجودين وسيارتهم جنبناا/ يمه وراء تأخروا قالوا بعد الخطبة تعالوا وراء اختفوا!
تكلمت ام متعب بهدوء/ لا اله الا الله هاه هاذا متعب جاء صجيتي راسي الله يصلحك.
وقف متعب وهو يفتح السيار/ اركبوا ابوي يسلم على رجال وبيجي
ركبنا فتحت الشباك وانا اشوف غصون ومعاها يعقوب عند السياره لفيت لمتعب الي قال بغضب مخفي بس واضح من نبرة صوته/ غطي عيونك زين ولا صكي الدريشه!
مالي رغبه اصك الدريشه ابغى اشوف اهلي واروي شوقي غطيت عيوني زين وبقيت اناظر فيهم سمعنا صراخ عالي
تكلمت ام متعب بفجع/ ي ربي لطفك وش صايرر؟؟؟
نزل متعب وهو يقول/ لحد ينزل بروح اشوف وراجع!
راح متعب شوي ويقرب الصوت وصار واضح لنا شهقت وانا اشوف عزام متماسك مع عقاب ويتضاربون
وسعود يحاول يفك بينهم وشفت مساعد زوج ثريا واخو زياد يفك بينهم!!
فتحت الباب غير مهتمه لكلام امي وهي تقول لا تنزلين ولا مهتمه بالي راح يصير لي من اهلي لو دروا عني نزلت وانا اوقف عند يعقوب وبندر وبدر ومعاذ شفت نظرات الاستغراب منهم لكن ما اهتميت الصراحه سمعت متعب مع ابوه ماسكين عقاب الي معه سكينه ويحاول يطعن اخوي!!!
تكلم عزام وهو يبعد سعود ومشعل عنه/ لا تتكلم عنها ي جحش حدك لا اقسم بالله ادفنك في محلك تراك ما تعرف منهو عزام!!
عقد ابو متعب حواجبه وهو يلف لعقاب/ وش قلت لهم ي ولد؟؟؟.
ابتسم عقاب بخبث/ قلت لهم أن خالي ذبح عمتهم الجازي وهي تستاهل لنها خاينه وهو عصب!
تكلم متعب بغضب/ ارفع علومك ي ورع لا تقذف الحرمه الميته ولا تفتخر بفعلت خالك ذا!
تكلم مساعد بهدوء / خاله ذا ترى له اسم وخاله ترى عمك!
تكلم بسخرية/ عمي!! انسى ي مساعد خلنا نشوف ذا وش ناوي يسوي برجالل!
دف عزام الرجال من حوله ورجع لعقاب بشر لنه تعدا حده كيف يهرج في عمته كذا على الاقل يحترم كون الحرمه ميته
رفع عقاب الخنجر غير مبالي بفعلته...
صرخت وهي تتقدم ومعاها نوره الي راحت تركض لولدها وقفت انا عنده غير مهتمه بنظرات الاستغراب منهم جلست عنده لردف بشهقه/ عزامي لا تموت تكفى احتاجك
مسك يدي كنه يقول لي لا تخافين او خايف اني طيف ويهرب او يبغى يصحى ويرميني بالبير من جديد ما ادري وش هدفه حسيت بيد قاسية تسحبني بغضب/ كم عندك روح ي #*##"*# وش جابك!!
كلام ذا الرجال خناجر في وسط قلبي ها هم رجال ونساء هاذي المنطقة لي ينظرون ناظرت بمتعب إلي سحب سعود عني وهي يتكلم بقهر وغيره/ ماهي محرم لك عشان تمسكها احترام نفسك!!!
تكلم سعود بسخرية/ ي حليلك ذي الرايح والجاي يمسكها وقفت علي؟!
عصب متعب من كلامه ليتشابكون هو وسعود وكل واحد يضرب الثاني بقوه وبما ان متعب ضابط وفي الحد الجنوبي فله قوه وكانت الغلبه له
.
.
.

︎
ياحبيبي لهفة الشوق يقتلها الملام
لا تلوم اللـي تحبه تـرا الفرقا تلوع ! .

شفت يدين تضمني وصدر يلمني كان يعقوب سمعته يهمس/ ي بعدي جيتي وجابك الله اروي ضماي اشتقت لك والله اشتقتتت!
همست وانا اضمه اكثر/ خايفه ي يعقوب خايفه
رد بثقه/ لا تخافين انا معك حتى ضد ابوي!
وقف متعب قدامي وهو يتكلم بهدوء ولا كانه الغاضب الي قبل اشوي/ ارجعي للسياره وهاذا رقمي ي ولد اذا بغيت تتطمن على اختك
تكلم ساهي بقهر وغيره على محارمه/ باي صفه تاخذ اختي.؟
تكلم يعقوب/ احسن لها الغريب ولا القريب
رد ابو متعب الي كان قريب منهم/ الغريب ذا زوجه
صدمه على الجميع حتى على متعب والريم تدارك الوضع متعب ليردف/ اي نعم زوجتي وهي عندي بامان!
عم الهدوء ليذهب كل شخص يكمل يومه ومطلق لم يرغب في التحدث معاها دامها متزوجه فا ما يهم وعزام اخذ للمستشفى حتى يتعالج
.

.

.
ارتاح من قِلّ الكلام وكثره
ولا تلقّي لـ البلاوي .. بال

هي هكذا الدنيا وثوب وعثره
وتناقض شعور .. وغرابة حال

توّري ارباب النِعَم ما تكرَه
وتخلي المحتال .. ما يحتال

بين الليال الضاحكه والودره
تبغي سعة خاطر وطولة بال

مرّه رهاويّه . . ومرّه عَسره
على حسب شخصيّة الإنسان.