تزوجتها زمالكاويه 😔

بدايه لنهايه

-أنتي بتبصي لي كده ليه

-الزمالك لو خسر النهار ده هقتلك سامع

-وانا مالي يا بنتي

-شششش مش عاوزه نفس نص ساعه والماتش هيبدأ

-طب انا قايم

تنظر أميره نظره بها تعجب ودهشه مع صوت عال جدا

-رايح فين!!!مش هتسمع الماتش

يبتلع ريقه بخوف ويجلس مكانه مره اخري

-را...رايح اشوف شيكو نام ولا لأ

-متقلقشي هيبات عند امك النهار ده

ينصدم وينظر في خوف وينظر علي الأرض ثم ينظر لها

-هو انتي نويتي يا أميره

-نويت علي ايه مش فاهمه

-يعني فضيتي البيت كده مره واحده... ووديتي شيكو عند امي ...هو انتي اتأكدتي ان الزمالك هيخسر النهار ده

يبتلع ريقه مره ثانيه وينظر بخوف لها ونظره بها استعطاف وخوف

-فال الله ولا فالك يخسر ايه ده انا اروح في داهيه

-طب ثواني وجاي لك

-هتعمل ايه

ينهج بخوف وينظر لها بصدمه

-في سكاكين حاميه جوه هقوم أشيلها

تقترب أميره منه وهو ينظر بخوف وتحتضنه بقوه ثم تهمس في أذنه

-عيب عليك يا شريف انت جوزي ياعم

-شريف ايه انا اسمي وليد

-مبقبلوش الاسم ده انت تغير أسمك احسن

-وماله يا أميره أغيره كله يهون لأجل الزمالك

#تزوجتها_زمالكاويه

#Essam

#الفصل_الأول

الأسم أميره النمر بنت التالته يمين فتاه جميله طويله ترتدي الحجاب رياضيه نحيفه زمالكاويه متعصبه ذات عينين عسلي قمحية اللون ذات طابع حسن وجمال....اما وليد شاب وسيم ذو لحيه سوداء كثيفه قصير قليلا عن أميره ابيض ذو غمازه واحده في الخد الأيسر متوسط الحجم ذو عين سوداء وشعر ناعم

-طب انا نازل اجيب حاجه قبل ما الماتش يبدأ

تنظر أميره بحزن له ونظره رومانسيه بها استعطاف

-كده يا حبيبي هتسيبني اتفرج عليه لواحدي

-خمس دقايق يا حبيبتي ومش هتأخر

-ماشي مستنياك

ينزل وليد بسرعه كبيره من المنزل ويدخل صيدليه ليجد الدكتور بها  يأخذ نفسه بقوه
فينصدم الدكتور

-ربنا يكون في عونك يا استاذ وليد النهارده الزمالك هيلعب

-يارب يكسب