بريق الأمل & الدنيا حكاية

بريق الأمل 7

#بريق_الأمل
الحلقة 7

هيا بنا معا لنعش حياة أفضل مهما طالت المحن سنبقى معا مهما طال الزمن لن نترك أيدي بعض سنحيى معا مهما قصر الأمل نشبك أيدينا معا لنعش وفرحتنا كلها أمل(كلماتي الجميلة لتخلع من الصدمة😂)

لماذا لا نعطي نعطي فرصة لمن حولنا ونعيش بسلام وأمان وراحة وهناء فرصة واحدة يمكن أن تكلفنا حياتنا أو راحتنا واختر من تعطي الفرصة لمن يستحقها بوضع المعقول

تمر الأيام وليلى كل همها خدمتها وبس وماتعرفش كمية العاصفة لسببها صالح في حوش أهله عشان يتزوجها ليلى

ماتحطيش ثقتك بحد ليبيك بجد يدير المستحيل حتى ترضي عليه مش تقعدي أنتي لتجري وراه وكل شي متاح لأنهم يبوه العملة الصعبة ومش أي كلمة تهدرز طول لكل شي حدود

صالح: أمي أنا بنتزوج
مبروكة: هذا اليوم المبروك من هي نعرفها أنا
صالح: اسمها ليلى لا وماتعرفيهاش
مبروكة: ليش هي من عيلة من
صالح: ماعندهاش عيلة لأنها عايشة في الميتم
مبروكة: مازال الودن تسمع بنت ميتم شكلك تحلم وكان أبصر شن يصير ماواخدها مازال والله مازال
صالح: يأمي شن فيها لو بنت من الميتم أنا نبيها
مبروكة: وفوقها بنت من الميتم بنأمن عليها وبندخلها في حوشي مانعلم أصلها من وين مستحيل وكان تنبت في راسك نخلة ماك واخدها
صالح: يأمي هالكلام مايصيرش منه البنت ماتعرفيهاش ولاشايفتها تي هو أنا على قد مادرت باش نكلمها هي شي مارضتش قالتلي مانخشش في الحرام تبيني تعال اخطبني غير هكي تحلم
مبروكة: هي هكي قالتلك
صالح: ايه بالحرف الواحد
مبروكة: باهي معناها حتى انا بنقولهالك تحلم بيها وتريح على ماعطاك ربي اهو من قلة بنات لفي البلاد بتمشي تخطبلي بنت من الملجأ اهو بنات خالتك وبنات عمك وخالك خيرهم من شن يشكوا
صالح: لشفته في ليلى ماشفتاش فيهم هذا خيرهم
مبروكة: والله ماتتحشم يافرخ تتكلم مع أمك لاحشم ولا حاجة خزي على هالجيل لمعفن
صالح: أنتي يأمي خليتيني نقول كلام زي هذا شن بنديرلك أنا بنتزوج وأنا لبنعيش معاها ولو هي ماتنفعش ترجعلي ليا أنا وأنا راضي بيها ونبيها
مبروكة: برا برا سلم وليدي كان بتخدم أنا مش ناقصاتك
صالح: هي يالا أنا مانبيش غيرها هي وبس وكان نمشي نتزوجها من غير ماتعلموا نجيبهالكم وارضوا بالنصيب
مبروكة: قلتلي وين تخدم هي
صالح: تخدم في المشغل لناخد منه في البضاعة تابع للميتم
مبروكة: ميتم وفاتحينله مشغل
صالح: يجيهم تبرعات وجمعيات خيرية أكيد استفادوا من الشي بالأخص من يومهم يبيعوا زي هالحاجات من قبل المشغل ويبيعوا للمحل
مبروكة: أرفعني بنشوفه
صالح: فرح باهي وتي روحك
مبروكة: قلت بنشوف مش بنشوفها
صالح: تي عارفك ياميمتي قلبك طيب مانهونش عليك
مبروكة: ههههههههه هاللسان لعندك ربي يلطف بحالي ماتهونش عليه كنت نجرب فيك قديش تبيها وشاد فيها

صالح: مشي بالسيارة هو وأمه وحطها في المشغل وقعد يستنى فيها
وهي خشت وتشوف للمكان كان كبير ومشرح ومنظم
طلعتلها مفيدة: تفضلي أختي
مبروكة: جيت بنتفرج على خدمتكم شكرولي خدمتكم هلبا
مفيدة: تفضلي خودي راحتك
مبروكة: تراقب وتشوف
مفيدة: ليلى تعالي شوفي المدام مرات تسأل على شي ساعديها
تلفتت مبروكة: تشوف من البنت لتتكلم عليها وشوي وطلعت عليها كانت ملامح حادة وشافتها ابتسمت ليلى :تفضل خالتي
مبروكة: ابتسمت يزيد فضلك ومشت تشوف في المعروض ... شن نوع قماشته هذا
ليلى: باصمة نوعيته كويسه
مبروكة: ضحكت كويسة أو تمرقي في حوايجكم
ليلى: حاشا وكلا الخدمة هذي مافيهاش بصراحة ونبوا نربحوا الزباين مش نخسروهم
مبروكة: ابتسمت ايه صح
ليلى: تعالي نوريلك أحسن المعروضات لعندنا