اسكريبتات روان أحمد ♥️

اسكريبت احببت ابن الوزير 5 والاخير

#البارت_الخامس.
#احببت_ابن_الوزير .

ـ قصدك ان يونس مااات .
ـ يونس وماكملش جملته لان حد من الحرس كلمه روحت استغليت انه اتشغل مع الحارس روحت جبت مسدسى بسرعه وصوبته نحيه مارك .
ـ مارك بإستهزاء :تؤتؤتؤ حاسبى يا حلوه للمسدس يعورك .
ـ بغل روحت ضرباه طلقه فى كتفه بس مش فى مكان حيوى "لانى ما اخدتش امر بقتله فمقدرش اقتله".
ـ تؤ تؤ تؤ ابقى خلى بالك انتى يا بطه وروحى اسعفى الجرح .
الحرس كلهم صوبوا مسدساتهم نحيتى بس انا كنت مصوبه ناحيه دماغ مارك ماهو ياقاتل يا مقتول ...
ـ اتكلمت بثبات:
Put down your weapons or I will kill your boss.
(انزلوا اسلحتكم وإلا قتلت رئيسكم ).
وبزعيق :
Right now.
(فى الحاااال)
اتكلم مارك بتألم :
Put down your weapons and do as you say.
(انزلوا اسلحتكم وافعلوا كما تقول ).
ابتسمت بنصر وقولت :
Go ahead, and follow the progress.
(انطلقوا وتابعوا التقدم ).
مشوا وانا فضلت وراهم ماشيه بحذر واقرب شباك قابلنى
روحت ناطه منه نزلت مش سليمه اوى حسيت انى اتكسرت ودا لانى فى الدور التانى مش مرتفعة اوى وحاولت اجرى  بكل عزمى علشان اهرب منهم محدش يجى ورايا  وبدور بعينى على يونس

على امل انى ممكن اشوفه لانه مش بالنسبالى مهمه وهتفشل لا هو عندى اهم من فشل المهمه او نجاحها .

ـ حل الليل والناس رايحه جايه فكرت ياترى مارك عرف مكانى منين ويونس اختفى فجاه كدا ازااى وراح فين ....دماغى هتنفجر من التفكير قعدت على اقرب مقعد

على الطريق العام وانا مااعرفش انا فين بالتحديد فى يوتا انا اول مره مهمه تكون ليا فى امريكا دايما بتكون فى دول تانيه جايه ابص فى الساعه لقيت حاجه غريبه فيها اكيد دا GPS قلعتها بسرعه ورمتيها و لقيت اسواره فى ايدى .
"دى جات منين قلعتها وبصيت فيها لقيت مكتوب
"Younis "
استغربت جات فى ايدى امتى دى بس ابتسمت لفكره انه ممكن يكون عايش وبينبهنى بحاجه ،
وقف ست معديه واخدت منها الفون ورنيت على محمود ابلغه بالجديد، اتكلمت بسخريه :هه قال هفضل اراقبك قال اتلاقيه بيراقب كويس اوى .
بلغته وقولتله يحجز تذكرتين واحده ليا والتانيه ليونس علشان بالكتير بكرا نكون فى مصر اتفاوض معاياوقالى ممكن يكون اتقتل بس انا متاكده انه لسه عايش ومع اصرارى وافق وهيحجز تذكرتين .
ـ وبعد ما خلصت مع محمود اتحركت من المكان بسرعه لانه ممكن يحدد مكانى تانى وفضلت  لساعات اتمشى تايهه وسط الناس لحد ما انتبهت ليونس ماشى حزين  ومش مركز فى الطريق جريت عليه وانا بنادى بصوتى وطاقتى  كلها بصلى ولقيته ضحك وجرى عليا وخدنى بالحضن وفضل متبت فيا جامد و بيعيط وبيحمد ربنا انه لقانى .
ـ وانا عيطت لان فكره انه يكون مات كانت بشعه وصعبه اوى .
ـ طلعت من حضنه وضربته على صدره انت كنت فين مارك  الكـ...لب قالى انى اترحم عليك انت روحت فين واختفيت فجاه و..و قعدت فى الارض بتعب لانى مش فاهمه حاجه وتعبت اول مره اتعب من مهمه كدا بس انا طاقتى خلصت دلوقت .
قعد جنبى وحضنى وقال :حقك عليا والله انا عديت عليكى الصبح علشان اقولك انى خارج اتمشى شويه لقيتك فى سابع نومه مردتش اصحيكى ولبستك اسواره ونزلت وفضلت اتمشى ماحستش بالوقت وجاى اروح مالقتكيش فى الفندق وعرفت من السكرتيره اللى هناك ان حصل ضرب نار وكدا خوفت عليكى ليكون حصلك حاجه بس اللى هناك قالت انك نطيتى من الشباك وطلعتى تجرى من الفندق مشيت من الفندق على امل انى الاقيكى والحمد لله ربنا استجاب دعواتى ولقيتك .
ـ حضنته اوى وقولت :وانت يا متخلف مش لاقى وقت تتمشى فيه غير واحنا هربانين من عصابه كانوا خطفينك يا اهـ....بل .
ـ ضحك وباس راسى  وقال :  حقك عليا انا اسف .
ـ احنا طيارتنا بكرا الساعه 6 الصبح هرن على محمود اخليه يقدم الرحله للنهارده .
ـ انا اتخنقت من البلد دى اوى .
ـ ضحكت وقولت :والصبح كانت حلوه وبتتمشى فيها .
ـ ضحك وقومت وقفت انسه وكلمت محمود وقالى هشوف وابلغك ... محمود الله يباركلك بسرعه لان الانسه دى مش هتقف كتير .
ـ تمام ثوانى ، وطلبت منها تقف دقيقتين .
رن ورديت وبالفعل راجعين مصر كمان ساعه .
انا وهو فرحتنا كانت لاتوصف ركبنا تاكسى يودينا المطار وكان معايا خاتم دهب اديته للسواق حق الاجره  علشان معيش فلوس .
قاعدين فى المطار ونايمه على كتفه بتعب وفاضل دقايق وينادوا على الرحله بتاعتنا ..
طلعنا الطياره وقعدت وقولت :يونس .
ـ هممم .
ـ هو ايه سر العداوه بين ابوك ومارك علشان يخطفك .
ـ طبعا زى ماانتى عارفه بابا وزير الصحه فمارك كان عايز يبيع لبابا  صفقه ادويه ولما بابا اكتشف انها فاسده مارضاش ياخدها وكان هيبلغ عنه منظمه الصحه العالميه لانه تقريبا كان بيبيع للدول اللى فيها نسبه فقر وجهل وهما مايعرفوش ان الدواء دا مده الصلاحيه انتهت وناس كتير من الناس اللى اخدوا الادويه ماتوا  فعلشان كداا خطفنى  وهدد بابا بيا
وفعلا بابا عمل زى ماهو عايز .
ـ فهمت وميلت على كتفه ....
وبعد وقت كبير اعلنت المضيفه باننا اصبحنا فى ارض مصر الحبيبه.
حسيت ان هم ومسؤليه كبيره واتشالت من عليا .
نزلت لقيت يونس بيقولى :يمنى انا بحبك .
ـ اتصدمت بس فرحت اوى وقولتله :وانا كمان يا ابن الوزير .
عدى على الكلام دا شهرين واللى فيهم مارك اتحول للتحقيق من قبل المنظمه الصحيه العالميه ويونس ولا حس ولا خبر قال بحبك قال بقا ابن الوزير هيحب حته ضابط لا راحت ولا جات انا لازم افوق ..
اخدت اجازه ورجعت بيتى يااه قد ايه وحشانى وامى واخواتى وبابا وكله وحشنى اوى .....
ـ وبعد كام يوم ...
ـ يمنى .
ـ نعم يا بابا ..؟
ـ فى حد طالب ايده منى ايه رايك .
ـ اللى تشوفه يابا .
ـ باس راسى وخرج.
"انا لو رفضته امى هتفضل تقولى فرحت باخواتك كلهم ونفسى افرح بيكى قبل ما اموت فقصرت من بدايتها ."
العريس وصل ومش عارفه البلد كلها مقلوبه ليه .
وزعاريط وكلاكسات عربيتات ولا تقولى ابن وزير يعنى .
ـ دخلت بصيت لقيت محمود والعقيد كامل خضر دا رئيسى فى الشغل و لقيت الوزير صقر القاسمي و..و يونس معقوله بكون بحلم .
سلمت عليهم وقعدت جنب بابا و سابونا لوحدنا .
ـ وحشتينى يا يمُنتى .
=.........
ـ انتى شكلك زعلانه منى بس انا والله كنت كل دا بضبط امورى اللى اتشقلطت بسبب مارك وبقنع اهلى واهو انا قدامك .
ـ بدموع :يعنى اهلك مش موافقين عليا .
ـ قرب منى ومسح دموعى وقال :والله ابدا بس قصدهم انى اتجوز ضابط كانوا مفكرين انك هترفضينى  لانى ابن وزير والكلام الفارغ دا بس لما عرفوا اننا بنحب بعض وافقوا .
ـ ابتسمت وقولت : وحشت يمُنتك والله .

وبعد سنتين جواز ...
ـ عقاباً ليك هتلعب 50 ضغط .
ـ حراام يا يمنى والله .
ـ يعنى لما تخلص الموز كله عايزنى اسمى عليك .
ـ هجبلك غيره والله حقك عليا .
ـ خلاص صعبت عليا براءه من 50 ضغط .
ـ بصوت عالى : حبيبى ابو قلب كبير .
ـ اواااا اواااا اوااا (صوت عياط طفل ) .
ـ يختااى سليم صحى من صوتك ادبًا ليك لتلعب 100 ضغط مش 50 يالا وانا هروح اسكت ابنك .
ـ يا يمُنـى
ـ شيلت سليم ووقفت عنده ابدا يالا .
ـ  ببرطمه :حكم القوى على الضعيف منك لله يا ظالمه .
ـ بتقول حاجه يا يونس .
ـ بقول ربنا يخليكى لينا يا ام سليم .
ـ ويخليك يا ابن الوزير .

#تمت .
اتمنى تكون نهايتها حلوه وتعجبكوا .
لـ روان احمد....☘️