اسكريبتات روان أحمد ♥️

اسكريبت 31

ـ أكلت معلقه مكرونه ومسكت طبق الشوربه وشربتها وعملت صوت وانا بشربها .

=........؟؟!!

ـ رفعت حاجبى فى استمتاع وقولت :مالك بس يبرنس قرفان كدا ليه ومسكت دبوسه الفرخه واكلت منها .

ـ بص حوالينا واتكلم بعدم تصديق: يععع بتشربى الشوربه بصوت ، و إيه برنس دى ،وغير كل دا حد ياكل الفراخ كدا بجد حاجه اخر قرف.

ـ بقا انا تقولى يععع و قرف طب تعالى بقا ياابن شوقى والله لوريك مين فينا اللى يععع .

= قومت من الكرسى اللى انا قاعده عليه وروحت عند كرسيه مسكته من شعره اللى احلى من شعرى شخصيا دا وبغل شديته منه واديته بالروسيه فى دماغه وطردته .

ـ رجعت على الكرسى بتاعى بعد ما خرج وكملت اكل بهدوء عكس اللى كنت بعمله من شويه .

{انا منه ودا كان عريس زى ماتوقعتوا بس دا مش اى عريس دا لقطه زى ما بيقولوا بس مش علشان هو حلو وكويس وضابوطه يبقى كدا اوافق .}.

رجعت البيت ودخلت وانا بتسحب علشان بابا لو مسكنى هتكون ليله بيضاء ...
دخلت اوضتى والحمد لله تقريبا بابا وماما نايمين فغيرت ونمت .
تانى يوم.
ـ صباح الخير .
ـ الاتنين : صباح النور .
ـ همست بصوت منخفض : باين ان محدش عرف باللى حصل امبارح .
ـ بابا : بتقولى حاجه يا حببتى .
ـ أبدا يا بابا .
ـ بابا : العريس موافق ياحببتى انتى رأيك إيه.
=.......؟؟!!
ـ ماما :مالك مبلمه وساكته ليه ..؟
ـ فوقت من صدمتى وقولت : سبني افكر وارد عليك يا بابا.
ـ قومت دخلت ولبست ونزلت قعدت اشرب قهوه علشان اعرف انا هعمل ايه فى الورطه دى .

ـ وصلنى إشعار واتس فتحت لقيت الفيديو اللى انا بضرب إسلام (العريس) دا فيه ومكتوب تحت الفيديو ارفضى بقا علشان سياده اللواء يشوف الفيديو اللى بنته المحترمه بتضرب فيه ابن زميل عمره بالشكل دا .

ـ اتخضيت من الفكره اكيد بابا هتكون رده فعله غير عاديه ولان دا فعلا دا ابن صديق عمره ...

كل اللى فكرت فيه وصلنى لإجابة واحده واكيد كلكوا خمنتوها هضطر أوافق......
ـ وصلت البيت وعرفت بابا موافقتى .
ـ وبعد اسبوعين كانت كل حاجه تمت واتخطبنا .

جيه بعد الخطوبه بيومين وطلب من بابا اننا نخرج وافق وادينا بنتمشى على الكورنيش .
ـ اتكلم بعد صمت وقال : ممكن افهم عملتى فيا كدا ليه فى اول مره اتقابلنا فيها .
ـ تقدر تقول كنت بطفشك بالحداقه ،ممكن انا اسالك وافقت عليا ليه .
ـ حط ايده فى شعره واتكلم : اممم بصراحه مش عارف ممكن تقولى حبيت اربيكى على قله ذوقك وممكن تقولى كنت بحبك من قبل كدا .
ـ اتكلمت تلقائيا: حبيتنى امتى ..؟
ـ لما جيتى عندنا من سنه كدا وانتى مروحه اخدتى حاجه معاكى .
ـ بـاستفهام : اخدت إيه بقا يا حضرت الضابط .
ـ بصلى فى عنيا وقال بصوت حنين :اخدتى قلبى .
ـ بصيت بكسوف فى كل الاتجاهات ماعدا هو ....
واتكلمت بعدها وقولت انا عايزه اروح .
ـ ابتسم وروحنى .

لقيته بعتلي على الواتس :.عامله ايه يا منون .
ـ ابتسمت لانى حبيت وجوده فى حياتى ورديت بمرح : حضرت الظبوطه ذات نفسه بيسأل عليا اكيد بخير يا باشا .
ـ بعتلى ايموجى بيضحك وفضلنا نتكلم كتير ...

بعد شهرين طلبت منه يجى يخرجنى ويودينى نفس المطعم اللى كنا فيه اول مره .
ـ قعدنا على نفس الترابيزه ...
ـ ابتسمت وقولت : فاكر ايه اللى حصل اول مره.
ـ ضحك وقال :ودا شيئ يتنسى يا روحى .
ـ ابتسمت وقولت : بس انت كنت نايتى كدا وسيبتنى اشد شعرك ولما مشيتك مشيت علطول .
ـ ابتسم وقال: الصراحه يعنى كنت مصدوم من رده فعلك علشان كدا مشيت بس بصيت عليكى لقيتك بتاكلى كويس ورجعتى على طبيعتك عرفت نيتك كانت إيه .
ـ تعرف يا ضبوطه يا قمر انت لما خرجنا اول مره سوا وروحتنى اخدت منى إيه .
ـ ابتسم بفرح وقال : إيه يا روحى .
ـ بغمزه :أخدت منى قلبى يا ضبوطه .

"النيه كانت تطفيش بس الواد صعب عليا 😂💟".
ـ تـمت.💙
ـ لـ روان احمد.
ـ رايكم يا لُطاف 💝.