كاعده بالسياره وعيني على الطريق وخاصه من وصلنه للاسواق اهواي ركزت هنا حديقه وهاي لافته
وهذا نص بيت ونلف اكو تله من بعد التله كبل بيت مياده
شفته وعصرني گلبي وخفت معرف اذا راح اطلع لو لا
اتقربنه من البيت اختفه الهوى مني البيت عالي وحياطيه عاليه
ومتروس بنات واكيد اكو كاميرات
وكفت السياره السايق كالي نزلي نزلت وهذا اليمي نزل وياي يوصلني للبيت كلش
دخلت هناك البيت بدايته صاله بيها اهواي بنات ونسوان كبار واربع زلم وبيهم هاي ال المايعين لابس مزند ويتمضحك مثل المره وخاط عيونه كحل لعبت روحي من شكله
نزلت غزلان اتلكتني اتباوع بمعاني وجهي اتذكرت كلام رائد ضحكت بوجها وكلتلها هلوو
هيه هم ابتسم وهزت براسها وراحت كعدت يم الشله الوصخه
دخلت لغرفتنه شفت رمانه نايمه وكناري ماكو
انگلبت احوالي رحت يم رمانه كعدتها
بس شافتني طفرت عليه حضنتني وظلت ادور بجسمي شفت عيونها مدمعه وتحجي ها شسوالج خو ما اذوج كسرت خاطري حضنتها وطمنتها عليه
/ كلشي مبيه اطمني رمانه طمنيني عنج شلونج
/ زينه اني بس گلبي عندج اهواي اتاخرتي
/ هنه يومين انتي اتاخرتي اكثر مني
من كلت هيج باوعتلي گلبت خلقتها فتحت الجرار يم راسها طلعت حبايه شربتها
/ هاي شنو الحبوب رمانه شو دجيبي اشوفها
/ خليني بحالي مينا ميخصج ويلا اريد اكمل نومتي
/ هاي شبيج قبل ثواني مسويه روحج خايفه عليه شكو اتغيرتي وها لتغيرين الموضوع اريد اشوف هالحبوب شنوو
غلست مني اتمددت وغطت راسها
رحت افتح الجرار اطلع الحبوب
طفرت عليه خرمشت ايدي
/ وخرري مينا وخرري معليج بيه
دفعتني بس مستسلمت اني دفعتها جنت اقوى منها جريت الجرار كله فرغته بالارض جريت الحبوب جانت بغلاف ابيض
نفس الحبوب الي يشربها زيد لونها وردي وناعمه
لطمت على حلگي
/ لج رمانه تشربين مخدرات شمرتهن عليها ورحت لزمتها من ملابسها نتلتها نتل قهرتتني اشلون ضحكو عليها
دفعت ايديني
/ اهووو مينا شو وخري جايه حاميه عليه همه نطوها اليه واني ارتاحيت من شربتها
/ لج من يمته كلهن يومين عفتج بيهن باعي رمانه بعدج ببدايتها تكدرين تتركيهن الله يخليج
أنت تقرأ
اولاد الشوارع
Açãoنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
