ـ بس.. بس..
ــ....
ــ بس... انتي يبنتي..
ــ؟! حضرتك بتكلمني انا
ــ يعني في لجنه وامتحان وانتي قدامي وبقولك بس.. بس هيكون مين يعني البنش.. ما اكيد انتي مش ناقصه غباء
ــ انت بتكلمني كدة ازاي وتعرفني منين اصلا عشان تكلمني بالاسلوب دة
ــ هنتعرف هنتعرف، بس قوليلي اي حاجه اللهي ربنا يسترك محلتش حاجه..
ــ شايفني دحيحه الدفعه؟!
ــ قمر الدفعه
ــ نعم!!
ــ بقولك هنسقط سقطه قمر، غششيني اي حاجه انا راضي
ــ يبني انا هابدة انا مش من حواري باريس اقسم بالله، فرنساوي اي دة اللي بتمتحنوني فيه
ــ غشيشيني ونسقط سوا انا راضي
ــ انت اللي جبته لنفسك......
كانت اول مرة اشوفه فيها وطلعت من اللجنه ونزلت من غير ما اكلم حد حتى نورا سيبتها تنادي عليا وطلعت ركبت وطلعت على البحر حسيت اني محتاجه اشوفه اوي، صاحبي اللي مهما لفيت ومهما قعدتمع اشخاص بجيلو وبحب اقعد
اسرح فيه شعور جميل اوي وانت قاعد لوحدك قدام البحر انت والسما وهو وبس والهاند فري في ودنك وبتسمع الاغاني المفضلة ليك..
ــ بس.. بس..
ــ....
ــ يبنتي بقا انتي طارشه
ــ!! انت تاني،انت ماشي ورايا يبتاع انت ولا ايه اي قلة الادب دي، انت واحد مشــ....
ــ اي اي حيلك يماما مش كدة هيطقلك عرق، وبعدين البتاع دة له اسم.. اسمي محمد وامشي وراكي اي من جمال عيونك المكحلة يعني..
ــ اومال اي اللي جابك في مكاني!
ــ اي دة هو مكانك.. سبحان الله اسمك مش مكتوب عليه..
ــ انسان مستفز انا ماشيه..
ــ...
مشيت وروحت البيت وزي روتين كل يوم اكلت ودخلت اوضتي مع قطتي ونمنا، الوحدة هي ونيسي في بيت مفيش حد يعرف فيه حاجه عن التاني غير انه كل واحد بيشتكي فيه مز حاجه سواء شخص او اكل او اسلوب المهم انهم يشتكوا وخلاص، عدى يومين على امتحاناتي ومحدش سألني حتى عملت اي، واضح انه الوحدة فعلا احسن ونيس للانسان.
صحيت من النوم متاخر لبست اي حاجه ونزلت دة تالت يوم اوصل فيه متاخر عشان محدش بيصحيني، يصحوا مين محدش مهتم اصلا اذا كنت في البيت وعايشه ولا ميته..
ــ انا اسفة يادكتور
ــ ولا يهمك كارنيهك وموبيلك وامضي هنا واقعدي في مكانك
ــ حاضر
شوفته بس مكلمتهوش وطبيعي يكون غش من اي واحدة دة صنف واحد وكلهم عينهم زايغه، اي اللي انتي بتقوليه دة ركزي في امتحانك وخلاص...
كنت ببص ورايا وبدور عليه لقيته بيبصلي اتكسفت ولفيت وشي تاني..
كان مخلص من بدري، واضح انه مستني صاحبه عشان يطلعوا سوا
ــ تمم يادكتور انا خلصت
ــ طيب سلمي ورقتك وامضي وخدي حاجتك..
ــ...
ــ موبيلي دة علفكرة
ــ انا اسفة اصلو شبهـ.. انت تاني
ــ انتي اللي خدتي موبيلي
ــ....
ــ استني بس..
ــ نعم عاوز اي
ــ اعرف اسمك
ــ ليه هتطلعلي بطاقة
ــ لا هحطه في بطاقتي انا
ــ ايه؟!
ــ ايه!!
ــ انت عاوز اي
ــ صحاب!!
ــ..!!
ــ صدقيني والله عاوز اغش، ف خلينا صحاب الفترة بتاعت الامتحانات دي
ــ.... طيب ماشي، بس مش اكتر من صحاب
ــ اكيد طبعا.. صوحاااب بقولك، قولتيلي اسمك اي
ــ اسماء
ــ صوووحاب يا اسماء بقولك..
ــ بارك الله لكما وبارك عليكما وجمع بينكم في خيير...
مفوقتش غير وانا في حضنه وصوت الزغاريد بيعلى وهو ضمنني من قلبه جامد اوي، حسيت بفرحه مش سيعاني حسيت انه خلاص الوحده لقتلها ونيس غيري واخيرا لقيت حد احكي للبحر عنه، هو كان احلى حاجه حصلتلي، هو وحدتي وونيسي♡
ــ مقولتليش بردو، مكنتش بتمشي ورايا يوم ما لقيتك في البحر قدامي؟؟
ــ الحقيقة ولا الصراحه؟!
ــ هتفرق
ــ طبعا، الحقيقة انه اة كنت ماشي وراكي حسيت انه مكنش ينفع اسيبك بعد مشوفت نورا صاحبتك بتنادي عليكي وسيبتيها ومشيتي..
ــ ممم.. والصراحه!
ــ الصراحه انه من ساعة ما لفيتي بس وشوفت عنيكي وانا وقعت، مكنتش عارف اوصف احساسي ساعتها، شوفت فيهم لمعه غريبه، لمعه فراغ كدة.. اللي هو انتي مش عارفة انتي عاوزة اي، وبصراحه اكتر مكنتش عاوز اي واحد يشوف العنين دي غيري حسيت انه قدري تكوني من نصيبي وكان بها قولتلك هحط اسمك في بطاقتي وفعلتها..
ــ عنيد انت وتعبتني..
ــ عنيد في حبك ومفيش غيرك اللي تاعبني ومجنني يا قمر الدفعه
ــ بحبك
