شمسة حياتي ☀

part «1»

شمسة حياتي ☀
#................༺༻part«1»༺༻............... #

كانت قعدة بتتفرج على الاشجار قدامها وحركتها بسبب الهواء وجت مامتها من ورا بتناديها

نشوى: بت ياشمس ياشمس.
شمس: نعم يانشا.
نشوى: تعالي ياختي الدنيا ليل خشي عشان تنامي.
شمس: بس ياماما انتي محسساني في مدينة فيها ناس، انتي مش شايفة الجو حلو اوي والقمر بقولك ايه تعالي اقعدي جنبي وبالمرة نادي بابا.
نشوى: اسكتي يابت وبعدين اه مفيش ناس بس انتي رايحة مع باباكي مشوار الصبح.
شمس: حاضر.

(شمس عايشة ف الريف بس في حتة جميلة بيتها ف حتة هادية مغيهاش ناس ولا دوشة بعيدة عن المدينة بس فيه مدرسة وكام بيت قريب شوية منها بس مش قريب اوي بيتها حواليه شجر والارض كلها زرع زي الجنينة بيتهم متوسط الحجم مكون من تلات طوابق الطابق الاول عبارة عن ريسبشن صغير ومطبخ وحمام وسلم يؤدي الى الدور التاني اللي عبارة عن اوضتين وكل واحدة فيهم حمام صغير والطابق التالت صغير جداا بس فيه شباك مدور من غير ازاز جنبه بالظبط سرير شمس فشمس بتحب وهي قاعدة ع السرير تقعد تبص ع القمر قبل ما تنام ولما تصحى تسمع صوت العصافير)

♡شمس بنت عمرها ١٨ سنة ف تالتة ثانوي جميلة لطيفة هادية ذكية طولها١٦٥ شعرها اسود متوسط حرير بس هي محجبة عيونها بني وخمرية، بس ملامحها جميلة وهادية.♡

♡نشوى ام شمس عصبية عنيدة تمزح قليلا لكنها طيبة ♡

شمس: يعني بابا مش قادر يروح لوحده وبعدين مشوار ايه دا ان شاء الله!
نشوى: بت قومي فزي شوفبه واتصرفي معاه انا مالي توجعوا دماغي ليه.
شمس: عشان انتي امي، الست دي امي شالتني طول عمرها.
نشوى: يارتني ماكنت امك، يلا يابه.
شمس: جاية.

قامت شمس من مكانها ودخلت البيت وقغلت الباب وراها

شمس: هااا ياحج عايزني ف مشوار ايه بكرا؟
علي: حاجات مهمة كدا هنجيبها وهترجع تاني.
شمس: يعني احنا هناخد مشوار من الصبح للمغرب مثلا.
علي: اه فعشان كدا اطلعي نامي عشان متقرفيناش الصبح.
شمس: حاضر، تصبحوا ع خير.
الاتنين: وانتي من اهله.
طلعت شمس وبصت ع القمر شوية وراحت ف النوم

& في الصباح&

نشوى: انتي يابت ياخربيت نومك، اكيد منمتيش ع طول لما ابوكي قالك نامي صح!
شمس: يوووه صاحية اهووو.
نشوى: واضح انك صاحية.
مسكتها من شعرها المنكوش وقعدتها
شمس بتوجع: ااااه ايه يانشا براااحة دا شعري برضو.
نشوى: قومي بقى انا هجهز للاكل الاقيكي تحت لابسة وجاهزة ومصلية الصبح.
شمس: حاضر حاضر.
نزلت الام تحت وشمس اتوضت ولبست وصلت الصبح ونزلت قعدت ع السفرة
شمس: امال فين الحج اللي بسببه صاحية دلوقتي.
علي وهو بينشف شعر راسه بعد ماغسله: انا اهوو ياختي، انتي مالك بيا على الاقل نومي مش زي نومك التقيل.
شمس: اه صح عندك حق.
نشوى وهي بتحط الفطار: لا شوف البت اللي مقطعة نفسها من شغل البيت.
شمس: اه طبعا، كل اللي بعمله بروح مع سامي واخته بسملة الجنينة اللي فوق الجبل اللي فيها ورود حلوة دي وباجي اروق بس.
نشوى: بس!
علي: يوووه انا بشك انكوا بنت وامها بجد.