〽️مقدو فيل زادوه فيلة〽
✒️Chaimae Zr &Hiba jaouhari
🎶الجزء السابع عشر :
بقاو كيتمشاو حتا وصلو للبئر....
لقااو بزااااف د لعيالات هلي كتسقي... هلي كتصبن... هلي غير مسرحة رجليها ا شادة نميمة.....
تمشاو لبناات جيهت البئر شدو نوبتهم باش يسقيو الماء يشربو....
نطقات جمانة: هوووووف ايوا شربنا بكري
ياقوت : غير صبري ا بب معندنا من ديرو
نقزاات واحد المرا من لووور كااع..
المرأة : إيوا لي بغا العسل يصبر ل قريص نحل.. ا لي معجبو حاال يحسب الخطوات....ا لي زااار يخفف...
العيالات لي كانو تماك تفرشخو بالضحك ا بقاو كي وشوشو ...
جمانة تقرصاات ا عرفات الهدرة عليها تواضعااات ا دارت ل عندها ا دمها باارد عكس لداخل ديالها....
تصدمات فاش شافت المراة كانت غليضة فوق القياس...
ا قصيرة كيف الكورداسة هخخخ... ا كتبان متوسطة فل عمر ....
جمانة تمشات بخطوات تقال جيهتها وقفات ا هي تشير ليها زعما تجي عندها خخخ بغاو يتقاسمو طريق زعما خخخخ ....
المرأة عقلها خفيف... فهماتها طايرة تمات جاية...
كتمشا فكل خطوة كرشها كتزعلل فحال آلزا فاش كنقلبوها فطبسيل....
لعيالات دايرين بيهم على شكل دائرة ا ياقوت حتا هي معاهم....
جمانة ا المرأة وسطهم وجها ل وجه خخخ فحال داكشي ديال المصارعة.... فهمتو اش غيجرا ياكو خخخخ...
جمانة بدون سابق إنذار و بدون مقدمات جرات المرأة من عكفتها...نطقات جمانة
جمانة : كلتي لي زار يخفف ايوا ا حبيبة منمشي انشاء الله حتا نخلي فيك طابعي....
كتهدر ا هي شادة لي فعكفتها حكماتها ديال بصح.... لحقاش جمانة طويييلة على المراة
المراة هي تالية كتنقز ا تعنكش باش توصل لعند الخصم ديالها خخخ....لكن بدون جدوى جمانة قايمة بواجبها....
شي عيالات ضرباتهم النفس على صاحبتهم....تلاحو على جمانةكيقمشو فيها و يجرو...
ياقوت هي و شي بنات فالعمر ديالهم تلاحو كيدافعو على جمانة..... داكشي ديال شد ليا نعكل ليك.... كنا فجوج صدقنا ف جماعة...
زغب كيطاير فالسماء....
فوسط جمااعة... هائ بغيت نقول لمرايشة...
ياقوت جات عينها ف عين صاحبتها غمزاتها ا ضحكات بالشر......
جمانة فهمتها طايرة....خرجو من وسط ديك الحريرة بحاليلا خرجتي زغبا من وسط العجينة هخخخخ.....عطاو رجليهم للريح هاربييين موقفو حتا بعدو بشحاااال....
وقفو كيلهتو دارو جيهت جماعة لقاوهم باقين مشادين..... شافو فبعضياتهم كيموتو بالضحك على حالتهم و على هاد الموصيبة لي دارو لي خرجو منها كيف الإبرة من وسط القش....
جمانة حطات يدها على كتف صاحبتها....
و هاد الاخيرة حتا هي حطات يدها على كتف جمانة تمو غادين ا كيصفرو بحالا موقع والو.... نطقات جمانة
جمانة : ايوا هادي خدمة نقية هخخخخ
يتبع
أنت تقرأ
مقدو فيل زادو فيلة🐘مكتملة🐘
عاطفية💎مكتملة💎 ❌حصرية على الواتباد❌ 🌙رمضــان مبــــــــارك🌙 📍قصــة رمضانية قصـــيرة📍 ⚠️محلل النشر مع الإحتفاظ بنفس المقدمة والكوفر⚠️ جبنا ليكم قصة لي غادي تنسيكم فهموم دنيا ....و تخليكم دخلوا فهستيرية من الضحك...🤣 🥀لقصة غادي تكون طاغيا عليها الكوم...
