وَهن القلـوب
البارت الاول
لسهير رائد ..
مناسك .
واكفه اعدل بشالي اخر مرحلة الترتيب الصباحي الشال مو يومية يجي عدل سبحان الله اووووووي
رهف . هااا خير اوووي من الصبح .
مناسك . لج الشال دمرني بالقران والله لو مستعجله جان هسة اللفه اجت عدلة وتخبل ومرتبه وبيوم اللي اريد ارتبه سبحااان الله يشلعه لگلبي .
رهف . بهاي حقج لان اني هم رااااح اعيط بسببه صارلي ساعه اعدل على المرايه وماكو . هسة لو ينطوني مجال الا انزعه .
مناسك . اني هم لو ينطوني مجال الا انزعه واخلي ماما تنجلط
رهف . شنو رأيج ننزل هسة بدون حجاب ونخليهم كدام الامر الواقع
مناسك . والله ولا اسويها شبيج صدكتي واخذج الحماس اني لابسته من صغري ماكدر احس مرتبني ومكملني
رهف . اي انتي حلو عليج اني محلو يطلع وجهي عبالك وجه نملة .
مناسك . واني يطلع وجهي وجه نحلة خليني الفه شلون مجان وانزل قبل لا ماما تصعد من اتأخر وخطيه
رهف . نازلـة وياج بس شطالعه انتي اليوم عبالك مستشارة مو طالبه وضحكت .
مناسك . شوفي يمكن احنه بهذا البيت وخصوصا اني بس دخول التواليت تكرمين باارادة وممفروضه عليه والله البقية كله فرض واجباري من ماما حتى القاط اللي لابسته اختيار عمتج تكول هيبه عليج والمقابل من يشوفج يحترمج ويشوفج رزنه وا وووو..... الخ .
رهف . حب عمتو وتعلقه بيج وخوفها عليج جنوني .
مناسك . صفنت لحظة على حياتي جريت حسرة وكلت الحمد لله والشكر على حبها واهتمامها واخذت جنطتي وطلعت من الغرفه طلع بهاء كال صباح الخير حجيه .
مناسك . ضحكت مثل كليوميه صباح النور حجي
نزلنه نتسابق اني وبهاء اصغر مني سادس علمي .
لكينه الكل كاعد يتريك وريحة الجاي والكهوة ترد الروح
مناسك . صباح الخير على الجميع .
ماما . صباح الانوار ياروحي يلا ماما تعالي تريكي هياته الريوك التحبينه .
ايي ماما جايه كعدت بصف خالتو ثورة اسمها ثورة عمرها 50سنه بس تبين اصغر مني موظفه كبيرة المنصب غير متزوجة لان جان مايعجبها اي واحد يتقدملها تدور مقامات مثلها وبقت على قولها عانس من ايدي عنست روحي . طبعا هيا انيقه رقيقه شفافه الحمرة والمكياج شنو عبالك جوكليته من تطلع ومن تصعد سيارتها تعجبني ترفع خشمها واليشوفها يكول شكد مغرورة ومتكبرة بس هيا اطيب قلب وحنينه ومتواضعه بس طبعها غير اجتماعية ومتعرف تجامل ابد .
ومقابيلي خالو ابو علاء اللي مرات يكعد يغني ويضحك ويفرفش ومرات ماله خلك روحه اليوم ماله خلك روحه ابد ابد . وبصفه علاء ابن خالي الجبير ؟
ماما . اليوم اني اوصلج للكلية .
