مرت يومين احنه عند المره وماكو خبر لا زيد ولا ضياء
المره تخبز وتبيع وتسوي طرشي وكيمر عرب وروب وهاي الامور
وعلمتنه وظلينه انساعدها او نساعد البنات بالتنظيف
راحت تبيعهن واحنه كمنه نساعد البنات بالتنظيف
اجت مروه جايبه بيدها موبايل كالت يردوج
اخذته من ايدها وهاي اول مره بحياتي احجي بالموبايل
/ الو
/ فديت من كال الوو
/ انجب لك
ظليت اسمع بس صوت ضحك
/ اي ليش انجب صوتج دمار والله اوويلي
/ طاح حضك مو صوجك
لج مروه عيني دتعال سدي ومو على كل واحد تردين بعد وذاك ميت ضحك
اجت مروه اتهز بيدها
مروه / هذا ضياء تره
/ شنوو ضياء الخبل شو دجيبي
مخبل وربي ليش هيج تدري كلت طاحو بينه رحنه بيها
.. اششش لج فضحتينه الله لينطيج
دكيت اسئل عليكم شلونه الوضع
... ضياء الوضع ماشي حمد لله بس ليش متجون صار هاي يومين ماكو
دخلت رحمه تتنعوص / هاي منو ديحجي زيدوو
/ لا حبي ضيووو ديحجي
.. اي ضياء شلونه زيد اخباره مشتاقتله بربك بوسه الي
.. لج انتي بيا حال ودتغارين من هالخبله عموما مينا ركزي وياي كلها يومين ونجي ناخذكم من يم المره لان زحمه وهاشم الحقير يحوس على مكانجن لهذا منكدر نجي يمجن جاي يراقبنه
.. حتى تصدكون من كلتلكم هو الي ضحك عليه وكال زيد ينتضرج
.. سكتي مو ببيت العالم روحي هسه ومن انرتب المكان نجي يلا باي
.. باي
باوعت رحمه طالعه حتى نسيتها
رحت طلعت بره صحت فسيفس
اجتلي طايره وتخوزر اتموت ضحك
كناري / ها انعديتي منه مو وصلج الفايروس
/ لج تعالي سمعي اخر التحديثات يكول راح نجي بعد يومين ناخذكم
/ وين ياخذنه والله ملينه
/ اي وربي ملينه يوميه بمكان وكعدت سولفتلها الي حجه بي ضياء
رحمه وجها مگلوب وعافتنه وراحت للغرفه
كناري / شبيها هاي معقوله ضاجت لان راح انروح
/ لا عيني ضاجت لان كلت الضياء بوسلي زيد
/ خبال خبلج مينا
ظلينه كاعدات بالحديقه اني وكناري دنسولف
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
