مرت ايام عاديه بس ضياء يجي وميضايقنه خطيه
يجي بليل والصبح يجيب مسواك ويرجع للشغل
ودحرته هو وكناري متخلص
بديت اشوف اكو اعجاب بعيون كناري وتنتظره وتحسب اوقات رجوعه للبيت
مهتمه باكله بشربه بملابسه تنظيف غرفته
وحتى ضياء اشوفه من يدخل يدور بعيونه عليها
فرحتلهم ثنينهم انظلموا بهالدنيا اتمنه الله يسعدهم
بس زيد كاسر واهسي هاي كم يوم ميجي لا يمر ولا يسئل معقوله طلع هالكد حاقد
بعد نفذ صبري كلت اليوم الا انتظر ضياء بليل من يجي اسئله
صدك ظليت منتظرته
دخل من شافني جفل
ضياء/ هاي شكو عبالك شرطي واكفه خير
/ منتظرتك ضياء
/ وكاني اعرف ليش منتظرتني
روحي للمطبخ هسه ابدل واجي اتعشه وسولفي
/ تمام رايحه احضرلك العشه
رحت حميت الاكل مجهزته كناري وخليته على الميز عدنه صغير مخلينه بالمطبخ وكراسي ثنين
كعدت انتظره
شويه ودخل غسل ايد وكعد
سولفي مينا اسمعج
/ شخباره وليش ميجي
/ اخباره زين وديشتغل ويجمع فلوس حتى
/ حتى شنو ليش سكتت
/ يريد يشتري بيت ويستقر
بداخلي فرحت مكدرت اضم الابتسامه فضحتني
/ الله يوفقه
/ امين واما ليش ميجي باجر اخلي يجي اصلا اني داتوسل بي اكله تعال نام يمنه ميرضى ينام بالورشه وهم ابو الورشه دينطي راتبين راتب الشغل وراتب الحراسه
/ هسه مو الا يجي ينام هنا بس يجي انشوفه ضياء اذا هو بعده ممصدك سالفة هاشم اني مستعده اثبتله
/ صدكها وغلاج اصلا هاشم فضح نفسه من ظل يسئل عن مكانج وراقبنا وشفنا وين يروح بس خوش سويناله گرصة اذن
/ عدلت نفسي شنوشنو بله بربك ليش متسولفلي
/ ههههه لج شسولفلج هاشم من يوم الي اختفيتن من بيته وهو بالدقايق تجي تليفونات و اتصالات وكل ميسده يفتح موضوعج وينها وشتتوقعون
زيد هنا شك وظل يراقبه من يخلص شغله ف شافه يم بيت ابو ماهر الي بالنهروان البيت الي اخذوج اله
/ وشنو ردت فعل زيد من شافه الله عليك
/ مينا صح زيد متندم بس مقهور منج حيل لان انتي غلطتي من طلعتي ويا هاشم
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
