Friends | فريندز

Update 2 - و شويه مستجدات

بما اني في فتره امتحانات وطالع عيني و في دكاتره عامله معانا الجلاشه و فعلا كل الي في دماغي حاليا هو عبارة عن وش وكأن في طاحونه في راسي ف مش قادره افتكر اي حاجة في الحياه غير الدراسه واللاشئ

بس قولت بردو علشان متأخرش عليكم في التنزيل المستمر، قولت أجي اشأر عليكم و اقولكم آخر الاخبار في القصه و ايه المستجدات بخصوصها

انا مش عارفه قولت قبل كده ولا لا بس الجزء الثاني هيكون من ٣٨ الي ٤٠ فصل تقريباً، و ترتيب أحداث القصه كلها خلاص مفاضلش فيها كتير و اخلصه، وفي فصول بردو انكتبت وخلصت ١٠٠٪، فاضل التنزيل بس والي هيكون ان شاء الله أول يوم رمضان

( هو مش اول يوم اوي هو هيكون قبله بيوم هنزلكم فيه 'البداية' زي البداية الي في الجزء ده كده)

و خلاص اتفقنا هيكون التنزيل (يوم و يوم) ف تقريبا هيكون الإجمالي حوالي ١٦ فصل في الشهر، وممكن والله في يوم كده امسي عليكم بفصل زياده كل يوم جمعه في الأسبوع ولا حاجة 😉

واكيد انا هفضل مستمره في التحضير فيها علشان مستمر على نفس الجدول في التنزيل ان شاء الله حتى بعد رمضان

توضيح بالنسبة لشخصيات القصة : الشخصيات الثانويه في القصه هيكون ليها دور اكبر في الجزء الثاني، هيكون في شخصيات جديدة زي ما قولت

ملحوظة بردو : الجزء ده بنسبه ٥٠٪ من تأليفي واجتهادي الشخصي، والنسبه الي فاضله من الواقع

ولله انا عندي أفكار كتير لروايات تانيه و خصوصاً الفتره بحاول بردو اضبط قصه بوليسي و اكشن بحت، و شغاله فعلا عليها بقالي فتره و متحمسه ليها جدا وكل ما انزل حته منها تتمسح يا من البرنامج نفسه يا انا بكون مش واثقه وحاسه انه مش وقته أو محدش هيحبها اساساً ، فلو بتحبوا النوع ده عرفوني مع اني اشك ان في حد بيحبه غيري يعني

وبصراحه مخي سافف اوي وفاصل مش قادره افكر ولا عارفه حتى هذاكر ازاي والله، بس قولت اجي امسي عليكم شويه علشان متنسونيش 👋

ولو حابين مثلاً المره الجايه تكون دماغي راقت شويه احكيلكم على خناقاتي في الجامعه أو خناقاتنا عموماً خصوصاً ليللي كلنا متعهده الخناقات

يلا باي مؤقت يا شباب 🖐️