يابدايات الوله يانهايات المحبه

البارت الاول 🫶🏻

اول يوم في الاجازات بعد كرف الاختبارات تجمعوا العايله في بيت عبدالله ابوهم وبدا حديثهم عن قال وقيل وطبعا لااحكيلكم عن شعور جملا بعد ماترجت ابوها يكلم زوجها عشان تجي وجت بعد الدموع اسمها الشهير في العايله (ام دميعه )وجابت البنوته الي اسمها رؤى معاها وش اتكلم ووش اقول عن فرحة العايله رغم شخصية عبدالقادر الا انه يعشق اخته الوحيده ومايداني عليها اي شي اما طيف زي ماقلت لكم تكرهه احد مادينه
ابو جايز :هاه كلمتوا العرب يجون للعشاء عشان سلامة المسافرين (عاده عند عبدالله اي واحد من عياله سافر وطول اول مايجي يسوي ياعشاء او غداء )
ام جايز :اي لكن اعلمكم من الحين كلكم تشتغلون معي انا وجملا وطالعت في طيف وهي تخزها
عبدالقادر والي يعّرف باابوا ثامر :لا عاد تكلمنا وزدنا في الموضوع طيف ماهي ماسكه شي معكم المره حامل
جملا باستهزاء:اجل تذلف بيت اهلها مو مكلوفين فيها
عبدالقادر :اقول سدي حلقك ومابي اعيد كلامي
جملا:حاضر ياولد طيف
ابو جايز :اسمعع ياعبدالقادر قسم بالله وتالله كلامك الي ماله ملح ابدا ماتعدل مع امك والله اني لاطردكم واخلي عويلي (احفادي)واحرمكم منهم بما ان ابو جايز شيخ القبيله سهل انه يحرمهم
عبدالقادربعصبيه:صوتك لا يرتفع والكلام موجه لهم
جايز ماسك نفسه لكن بعد كلمته قام هو واخوانه وضربوا عبدالقادر لين امه صرخت باعلى صوتها وهي تشوف عبدالقادر وجهه كله دم من الضرب وبصدمكم شوي طيف معجبها الوضع وتحب عبدالقادر ينضرب عشان تقوي شخصيتها عليه المهم مالكم في الطويله اغماء على عبدالقادر وبحكم ان اخوانه جبرين بمعني الكلمه كتوف عريضه  وعظم قوي لانهم من صغرهم يشربون حليب البل من هم  كانو في الشهور نروح لبطلنا
عاتق دايم يطلع من البيت ومايجي الا لمن ينام ويروح البل حقت ابوه وهاذي حياته عشان مايسمع كلمه تجرح من امه ....
عبدالقادر في الستشفى وهو ماسك راسه وجنبه ابوه وحوله اخوانه اول مافتح عيونه اخذ نفس واعتذر
عبدالقادر(بعد مااستوعب غلطته من الغضب  :اسف يايبه والله اني كنت معصب
ابو جايز :لاحول ولا قوة الا بالله خلاص وانا ابوك انسى الي صار
جايز :انسى انت انا ماني ناسي ولا بنسى عبدالقادر من هاذي الساعه انسى ان عندك اخوان خلك وحيد زوجتك اجل تقل ادبك على ابوي
عبدالقادر :مرواح جدي عساس انا متشفق عليكم
ابو جايز نزل راسه وهو يتمنى انه حلم لان تفرقوا عياله بشكل هاذ وعارف حقد اخوانه لعبدالقادر وعارف ان بينهم حزازيات

خوي عاتق والي اسمه حسام
ام حسام :حسومي طلبتك تدف عن البرد
حسام :ههه ابشري من عيوني
ام حسام :تعشيت ولا اقوم اسوي لك عشاء
حسام :تعشيت جعلني فدوه
قفل الخط من امه وناظر في عاتق الي باين عليه ملامح الضيق
حسام :عاتق ليه تسوي في نفسك كذا ياخي تزوج او خذلك شقه
عاتق :اصلا ناوي اخذ شقه لان الوضع ماعاد اتحمله تدري اني اتمنى اني اموت ولا اتعامل مع الي المفروض تكون حنونه علي صارت اكبر عدو لي انا تدري وش الذنب الي ارتكبته اني ولدت عند ام متخلفه لا عدوتي لان مو معقوله الي يصير لي دمعت عيون عاتق وانصدم حسام لان عاتق بطبعه كتوم وبنفس الوقت حساس جدا بس للاسف  الصبر له حدود وعاتق مل وتضايق من العيشه وخصوصا بعد ماشاف حنان ام حسام لولدها ماقدر يصبر
ضمه حسام وقال :مايضيق خاطرك وانا اخوك ابشر بالي يجي لك ام جديده
طبع حسام مايعرف يواسي او خلونا نقول يفكر بصوت عالي 😂
ضحك عاتق اقوى ماعنده وهو يدري ان حسام اغلى شخص على قلبه ويحب حسام حب ماهو طبيعي
حسام :هاذ وجهي ايذا واسيتك مره ثانيه يالبعير
عاتق :جعلني فدوه والله ياحسام مهما ضاقت الدنيا علي تهونها انك اخوي قبل ماتصير خويي المهم بكلم ابوي في موضوع الشقه وناخذ انا وياك شقه حلوه بس ادعي ان ابوي مايسفهني
حسام :يارجال سهلها وربك يسهل
مشى كل واحد بيته وعاتق قعد يفكر ودخل وشاف امه تصلي قرب يبي يبوس راسها قالت بصوت عالي :اعوذوا بالله وش بلاك 😒
عاتق :يمه تعالي ابيك
الام: وش فيك ؟
عاتق :وينه ابوي ووين جملا
الام وهي ضايق صدرها لانها تعامل واحد من عياله بًهاذي المعامله ضاقت وهي تقول :شفهم في الصاله ولا الحوش بس ماقلت لي وش فيك
عاتق :مافيني شي  اعذريني ازعجتك مع السلامه اتوقع هاذي اخر مره تشوفيني فيها
الام :من غير شر (ملاحظه الام ضايق صدرها من المعامله لكن حاولت اكثر من مره بس ماقدرت فيه شي بداخلها يمنعها )
عاتق بصوت عالي :يبه ياجمول ياعرب
جملا وهي جايه من المطبخ بفرح :لبيه ياصوتٍ يعذب البشر
عاتق :ياليت كل الاذاني اذن جمول وين زوجتي (روئ لانها تحبه ومن كثر الحب تقول بتزوجك وابشرك اختاروا بيتهم 😭)
جملا :عانها تلعب مع ورعان عبدالقادر في المشب
عاتق :اسمعي ابيك انتي وابوي في سالفه
جملا :عسى ماشر فيك شي
عاتق وهو يضحك : انتي ماتفكرين الا بشر علامتس
جملا :والله من بعد وافاة جميله وانا ماشفت خير
عاتق ضاق من ضيقة اخته تعالوا تعرف على جميله المرحومه جميله كانت قريبه من عاتق وجملا بشكل مو طبيعي بس يوم من الايام جات تبي تروح هي وعاتق البقاله ماحسبت حساب انها اخر يوم في حياتها وسووحادث (الله يرحمها )ومن بعدها عاتق تقفلت عليه ابواب الفرح وجملا تنتظر احد يجي ويقول عظم الله اجرك في اخوانك لان جاها وسواس
عاتق :ابي واسطه 😉
جملا :تحزم وانا اختك (بصوت خشن )
جاء ابو جايز على صوت عاتق وهو يقول يبههه تعال :عسى ماشر وانا بوك يعورك شي
عاتق :لا جعلني ماافقدكم بس تكفى طلبتك لا تسفهني
جملا :قول اعجل وراي شغل
عاتق :وش شغله تحشين بالعرب 😂
جملا بصدمه :ماتدري ان فيه عشاء اليوم
عاتق :هههه جمول عساس لو دريت بحضر
ابو جايز :يابوك وليه ماتحضر
عاتق : ماعلينا ابيكم في موضوع مهم
ابو جايز :وشهو تكلم فيك شي تبي فلوس
عاتق: لا يبه يكثر خيرك الموضوع الي ابيكم فيه اني ودي لي بشقه وانتوا ادرى محدن في البيت طايقني بجي بشقه مع خويي
جملا بصدمه :معصي والله ماتروح
عاتق بحده :ليههه انا ماني مرغوب افهمي يجملا
جملا تبكي :تكفى لاتروح
ابو جايز وهو داري معاناة ولده من جهه امه ومن جهه اخوانه
:يابنتي اريح له كنك ماتعرفين اخوانه وامك
عاتق بحنيه ؛قلبي جمول انا بجيكم بس ابي اريح راسي مابي اقعد مشرد لمتى يعني
جملا وهي تمسح دموعها :خلاص روح صادق بس اوعدني تجيني كل يوم بفقد حسك ياحيوان
عاتق :امداتس تفقديني وانا اصلا مااعرف بيتي (لانه مايقعد كثير )
جملا :طيب انا عندي حل
عاتق :اسلمي
جملا :ليش ماتجي تسكن عندي
عاتق :ههههههه ايوه وين عايشين
جملا بضحكه :في وسط قلبك وعينك لاامزح هاه اكلم سلطان
عاتق :امسي انتي وسلطان انا بروح شقه عشان حسومي معي
جملا :المقرود معك عز الله انك في داهيه احس انه متزوجك بالسر
عاتق بصدمه :هيههه وين عايشين حرام عليك وجهه برييييً
جملا: واضح 😏
عاتق :عن اذنك بروح ادور لي شقه
جملا :اذنك معك
عاتق اشر على اذنيه :اي هاذي هيه تبينها 😂
جملا :اقول طس يالظريف 😫

عند بطلتا
في اول الاجازات وطبعا زي ماقلت لكم الاجازه جات من عادات وتقاليد اهلهم انهم يجون في بيت واحد ويسهرون لين الساعه واحده اما عن الشيبان لين الساعه ١٠عندهم واو 😂المهم  الاب عنده ثلاث اخوان وثلاث اخوات ويحب خاوته ومايرضى عليهم الكلمه اما عن بطلتنا فجدتها عوضتها عن الحنان الي فاقدته تقدرون تقولون امها وابوها وسندها في الحياه مالكم في الطويله
الاب مهند : عندي راي ياعرب ابيكم تنصتون
الاب راشد اخو مهند :اسلم يابو مطلق
الاب مهند :جعلك سالم وش رايكم نروح صوب ابها ونغير جو حن والشباب
الاب مفلح :بس يابو مطلق الاهل من يقعد عندهم
الاب مهند : خلني اكمل اكيد بيروحون معنا
الاب مفلح :شورّ زين والله من زمان ماسافرنا اجل متى ناوين
الام حصه :وش رايكم بعد بكره
الام حنان :لا يختس ماجهزنا
الاب مهند :يمديكم يابعدي
الاب مفلح :اجل عن اذنكم والتفت لعياله :يلاه ياعيال مشينا
الاب مهند :وين امي
الام حنان :مع جليله تعبانه البنت وماهي قادره تقوم
الاب راشد :يابو مطلق ابيك في كلمة راس
الاب مهند :ابشر .وطلعوا لوراء الحوش اسلم يابوا وكان وش بغيت
الاب راشد :بغيت تخف على البنت شوي البنت وانا اسلم عليها لاحظت في رقبتها كدمات من غير يدها متى تخف انت عليها بالله عليك ايذا زوجتك حيه بترضى آنك تهين وتضرب بنتها متى تحسس انت اسمع والله انها نعمه بس انت مو حاس فيها حرام عليك ايذا الرسول صلى الله عليه وسلم وصى فيهم من انت عشان تخلف الوصايا ولا اذكرك المرحومه زوجتك وش قالت قبل وفاتها قالت انتبه لها ماقالت اضربها واهينها خلاص افهم هي مالها دخل في موت امها افهمممم البنت مالها دخل تدري من له دخل انت ليه لانك من اول تقول لك امش يامهند للمستشفى احس بالالم وانت تقول دلع دلع اجلسي ولادتك باقي عليه شهر صح ولا لا
الاب مهند انصعق لانه اول مره احد يتدخل في معاملته لبنته من بعد مطلق هنا تأكد صدق انها مالها ذنب وكل شريط حياته جاء في ربع من الثانيه تذكر لمن كانت ماتاكل الا وهو معهم وتذكر لمن حلفت عليه يروح المستشفى عشان تتطمن وتذكر لمن جاته جلطه هي الي كانت منومه معه وماعمره سمع منها غير كلمت ابشر وسم وحاضر دمع ودموعه حاره بالحيل
الاب مفلح لاحظ كيف دمع وهو اخر مره شافه يبكي في وافاة زوجته وحبيته راح للغرفه الي جالسه فيها امه وجليله وجاء وقال :سلام عليكم
ردوا كلهم السلام وبعدين التقت على جليله الي كانت تجدل شعر جدتها وقال :جليله ابوك يناديك
جليله وقفت وقالت :وينهو
الاب مفلح :عانيه وراء الحوش
جليله :تمام
راحت واول ماجات تمنت انها ماجات شافت ابوها يبكي زي الطفل لانه من بعد كلام ابو مفلح تأكد انه هو المذنب ركضت لين عنده :يبه قلبي فيك شي يعورك شي طيب مطلق فيه شي يبه دموعك غاليات
الاب مهند :اهخ تكفين ياجليله سامحيني وحلييني
جليله ببكي :يبه قوم قوم جعلني فداك انا اصلا مازعلت منك عشان احللك
وبعد نص ساعه من الفضفضه لبعض رجعوا وهم مبسوطين والفرحه ماليه صدورهم
الجده :عسى ايامكم ضحكه ياخلي
الاب مهند :امين وانتي معنا يارب
الاب مفلح :اجل اسمعي ياميمتي رايحين رحله باذن الله في ابها
الجده :عز الله انها فكره منها نغير جو ونستانس
الاب مهند :اجل استئذنكم بنروح نجهز
وبالفعل كلن راحه لحجرته(غرفته ) وبدوا الا حلام الوردي

ادري البارت قصير كالبدايات 🫶🏻