နှောင်ထုံးဖွဲ့ရာ ပြယ်လေသတည်း
ဒါဘယ်နေရာလဲ...
သူဘယ်ကိုရောက်နေတာလဲ...
ပတ်ဝန်းကျင်သည်မှောင်မိုက်၍နေသည်။
နားထဲတွင်ကြားနေရသည့်တီးတိုးစကားသံများသည်ဝေဝါးစွာဖြင့်။မြင်လွှာအားမှိတ်ချထားသော်လည်းအကြားအာရုံမှရလာသည့်ဆူညံမှုများမှာသူ့အားစိတ်အနှောက်ယှက်ဖြစ်စေသည်။
ဘာတွေဖြစ်နေတာလဲ..အမှန်တကယ်ဆိုရလျှင်သူသေဆုံးသွားခဲ့ပြီမဟုတ်ပါလား..သေဆုံးပြီးနောက်မည်သို့သောနေရာမျိုးအားသူရောက်ရှိလာသနည်း။မည်သည့်အရာများကသူ့အားစောင့်ဆိုနေသနည်း။မြင်လွှာအားဖွင့်ကာရောက်ရာအရပ်ကိုစူးစမ်းချင်ပါသော်လည်းအချည်းနှီးသာ။တစ်စုံတစ်ရာမှသူ့အားတားဆီးထားသည်...ထိုအရာမှာမည်သည်နည်း။
""သခင်လေးကနိုးလာမှာပါနော်...တစ်သက်လုံးဒီလိုဖြစ်သွားမှာတော့မဟုတ်လောက်ပါဘူးနော်""
""အဓိပ္ပါယ်မရှိတာလျှောက်မပြောနဲ့...""
""ဒါပေမဲ့သခင်လေးမေ့မြောနေတာ၃ရက်ရှိပြီလေ မမ""
မိန်းကလေးအသံ...အနားတွင်မိန်းကလေးနှစ်ယောက်စကားပြောနေကြသည်အားသူကြားရသည်။သို့သော်ထိုမိန်းကလေးနှစ်ယောက်၏ရုပ်သွင်အမှန်ကိုသူမသိ။မည်သူဖြစ်သည်အား အတည်ပြုရန်အဖို့လည်းသူ၏အမြင်အာရုံမှာအလုပ်မလုပ်ပေ။
ဖြစ်ပျက်သွားသည်မှာမြန်ဆန်လွန်းသဖြင့်စိတ်အေးအေးထားပြီးတွေးတောနိုင်ရန်အဖို့လဲသူ့ဦးနှောက်ကအလုပ်မလုပ်သေး။သူသည်ဝိဉာဏ်အဖြစ်များပြောင်းလဲသွားခဲ့လေသလား။အကယ်၍များထိုသို့ဖြစ်လာသည်ဆိုပါက အဘယ့်ကြောင့်သူရောက်ရှိနေသည့်ပတ်ဝန်းကျင်အားထိတွေ့နိုင်ရန်အဖို့ခက်ခဲနေရပါသနည်း။
သို့လောသို့လောအတွေးများနေရင်းနှင့်ပင် သူ၏မှိတ်ချထားသည့်မြင်လွှာတစ်စုံမှာရုတ်ချည်းဆိုသလိုဖွင့်လာလေသည်။
""သခင်လေးနိုးလာပြီ...မမ..သခင်လေးနိုးလာပြီ""
""ဘာလုပ်နေတာလဲ ဆရာဝန်သွားခေါ်လေ""
YOU ARE READING
နှောင်ထုံးဖွဲ့ရာ ပြယ်လေသတည်း
Romanceဖြူသခင်ဆိုသည့်ကောင်လေးငယ်သည် ××ခုနှစ်၊ဒီဇင်ဘာလ၄ရက်နေ့တွင်သေဆုံးခဲ့ရသည်။သူသေဆုံးချိန်ကသူ့အနားတွင်ထိုသူရှိမနေခဲ့။ ထိုသူမှအိမ်တော်သို့ပြန်ရောက်လာချိန်တွင် ဖြူသခင်၏သေဆုံးနေသည့်ကိုယ်ခန္ဓာမှာရေခဲတိုက်ထဲ သို့သိမ်းဆည်းထားနှင့်ပြီးဖြစ်သည်။ owncreation...နှင်...
