كل الامان في حُبك وكل الاماني قربك

B 1

وفي يوم من الايام و في بيت ابو سلطان من الصبح
ابو فهد ( مشاري ): يليل وينهم ذول بسرعه وراءي شغل انا بعد
وليد : سنه حسنه يخلصو
ابو فهد : مسوي طالع منها انت بعد
فهد : يبه شفيك معصب
ابو فهد : رح صحيهم بسرعه لا اهفكم بكف هالحين
فهد : سم
دخل فهد بسرعه عند سالم عشان يقوله يخلص
سعود : بسم الله شفيك انت
فهد : اخلص اخلص ابوي معصب
سعود : مهو شي جديد كليوم كذا
فهد : سعيداننن اخلص
سعود : طيب طيب انتم روحوا لعند سُميه
طلع فهد من عند سعود وكان خايف ابوه يهاوشه
ابو فهد : وين سلوم
فهد : بيخلص هالحين
ابو فهد : انا بالسياره ٥ دقايق كلكم عندي ولا بروح
فهد : ابشر
ضحك وليد : انا رايح الله يكون ف عونك
فهد : رح بس رح
خرجت سُميه من غرفتها و كانت تلبس عباتها
ام سلطان : وش فيتس كذا انتي اخلصي ابوتس وراه شغل
فهد : قسم بالله ي سميوه ان م تخلصين اروح
سُميه : اصبر ياخي اصبر بلبس
خرج سعود مسرع وكانت امه تهاوشه لانه بطيئ مره
ام فهد : بسرعه ابوكم معصب
سالم : طيب طيب
خرجوا و ركبوا السياره
ابو فهد : م بغينا
سالم : معليش يبه
ابو فهد : اسكت بس وين سعود
فهد : بيمر عليه خلف
ابو فهد : اي زين
و راح ابو فهد و نزل كل واحد لمدرسته و جامعته وغيره
و ف ال رجعه دخل ابو فهد و شاف امه تسولف و كان سلطان ابو خلف موجود معهم
ابو فهد : يالله حيه
ابو خلف : تبقى يخوي
ابو فهد : سعود و خلف خلصوا؟
ابو خلف : والله توه خلف صحى و سعيدان راح له
ابو فهد : اي زين
خرجت انفال من الصاله و طلعت للحوش عندهم وكانت تصيح
ابو فهد بصدمه : انتي م رحتي معهم؟؟؟
انفال : نسيتني ليه
ابو خلف بضحك : افا ي مشاري تنساها ليه
ابو فهد : والله ي سلطان قالو لي كلهم موجودين نسيت
ابو خلف : انفال روحي مع خلف و سعود بعدهم
انفال : طيب
ام سلطان : وينهم ذول للحين م خلصوا م صارت ذي
سعود : والله خلوف سريع ماشاء الله
اميره : اجل خذوني معكم المدرسه بعد
خلف : مشينا
ابو خلف : انتبه يولد
خلف : ابشر
و ف السياره :
سعود : متى نخلص ونفتك استغفرالله بس
خلف بضحك : بتخلص ان شاء الله بتخلص
انفال : خليف ابغاك تمر عليي م ابي مشاري
خلف : ابشري
اميره : ونا بعد عادي
خلف : ابشري كلكم امر عليكم
اميره : كفو ولد اخوي
ضحك خلف : كفوك الطيب
سعود : افا ونا؟
خلف : انت اول واحد امر لك
سعود : تشوفون شخصيه مهمه
اميره : اسكت بس
خلف بضحك : انزلوا يالله
اميره : طيب اوريك ي سعيدان فلبيت
سعود : يمهه خفت اقول اذلفي بس
خلف : حرام عليك خلها بس
سعود : شرايك نلف لفه
خلف : مو فاضي يبوي
سعود : طيب طيب
خلف : انزل
سعود : زين يالله انتبه
خلف : ان شاء الله
تحرك خلف بعد م نزلهم كل واحد مكانه
و رجع للبيت يقعد شوي مع أهله قبل لا يحرك لدوامه
ام سلطان : وش فيك رجعت
خلف : ابد ي جدتي بس باقي وقت قلت اقعد معكم شوي
ام سلطان : زين سويت
ابو سلطان : اليوم ابو عامر و أهله جايين لنا رتبوا البيت
خلف : عسى ما شر ليه
ابو سلطان : مو شر ان شاء الله بس نتجمع مره وحده دامنا فاضيين
خلف : اي زين
دق الباب عليهم و قام خلف يفتح
اريام : ي صباح الخير
خلف بضحك : صباح النور وش تسوين ذي الساعه
اريام : جايه اسولف معكم
خلف : حياتس
ام سلطان : يهلا والله ريومي
اريام : يهلا فيتس ي خالتي
ام سلطان : اي حياتس اقعدي
جلست اريام و كانو يسولفون وهي مو غريبه عليهم زي بنتهم و اختهم بضبط
اريام : يخاله سمعت ام عامر جايه لكم
ام سلطان : اي والله عازمينهم ليه عسى ماشر
اريام : مو شر ان شاء الله اسأل بس اتأكد لازم
خلف بضحك : خفي علينا اريامو توصلتس العلوم هاه
اريام : اي اي شرايك بس
خلف : مهجده الديره
ضحكت ام سلطان : ماشاء الله عليتس ي اريام
اريام : والله طولت بروح انا تامرون ع شي
خلف : سلامتس
اريام بضحك : ونت ي خليف وراك دوام قم
خلف : هذاني قايم
رجعت اريام لبيتهم وقام خلف عشان دوامه و راح سلم على جدته و جده و علم ابوه انه رايح
-
المغرب :
وليد : خليفان خلص بسرعه عمي جاء
خلف : اصبرررر بلبسسس
سعود : اول مره ف التاريخ اخلص قبل خلف
سالم بضحك : معجزه
تكتف وليد : وراء م تروحون للمجلس انتم
سعود : انا معكم معكم
سالم : ونا معكم بعد
دخل ابو فهد و فصل عليهم : اخلصوا علينا سنه تخلصون الرجال برا محد عنده إلا ابوي
ام سلطان : الله يهداك ي مشاري بيجون اصبر
ابو فهد : خمس دقايق بس
سعود : يلعن ام الخمس دقايق كل م زانت الجلسه ابوي خلاها خمس دقايق
فهد بضحك : استغفرالله اخلصوا
خلف : هذاني خلصت
سالم : اوف شذا الجمال مستحيل ذا ولد عمي
خلف بضحك : امشي امشي عمي مشاري معصب فل
فهد : اي والله
دخلوا للمجلس وكان ابو سلطان معصب عليهم مره لأنهم طولوا
عامر : ارحبب خلوفف اشتقت لك يبوي
خلف : تشتاق لك العافيه
ابو عامر : ارحبوا والله منورين
فهد : انتم والله الي منورين ي عم
ابو عامر : بنورك
ابو فهد : روحوا سلموا على ام عامر
خلف : سم
خرج خلف و سعود و اتجهوا للصاله
سعود : احس اني توترت مدري ليه
ضحك خلف : ادخل ادخل خالتي مهيب غريبه
مسك سعود يد خلف ودخل لانه م يحب الزحمه يجيه توتر وكان خلف ميت ضحك عليه
ام خلف : وش فيكم
خلف وهو باقي يضحك : يمه شوفي سعيدان
ام سلطان : وش فيك ي سعود محد غريب
ام عامر : تعال يمه تعال ي سعود
سعود وهمس ل خلف : يمه ي خلف انقذني
خلف بضحك : رح انا جاي لك
همست بيان ل انفال : ذول خوانتس؟
انفال : لا عيال خواني الي قاعد يضحك خلف والي ماسك يده سعود
بيان : ماشاء الله يزين ضحكته
انفال بضحك : عجبتس
ضربت بيان كتف انفال : وجع وش ذا الكلام
ام عامر : شخباركم
سعود : الحمدالله
ام عامر بضحك : خليفان وش بك للحين تضحك
خلف بضحك : يخاله شوفي شلون ماسكني بغى يكسر ايدي
سعود بهمس : يحيوان اسكت
خلف : ابشر
ام عامر : اي ونت شخبارك عساك بخير
خلف : الحمدلله زين
ام عامر : ماشاء الله ي ام خلف ولدتس كبر
ام خلف : اي ماشاء الله من جمال و رزانه
ابتسم خلف وهو يسمع مدحهم له
سعود : ونا؟
ام فهد : اي و سعيدان ماشاء الله جمال و كمال
سعود : احم احم
خلف : لا تصدق عمرك بس
ام سلطان : والله لا خلف ولا سعود الزين كله عند وليد
خلف بضحك : اي يجدتي امدحي ولدتس
ام سلطان بضحك : والله اكون صادقه خلف شل الجمال كله
خلف ب ابتسامه : ي نظر عيني انتي
ام عامر : وانا اشهد
خلف : لا خلا ولا عدم
ام سلطان : بيان و انفال تعالو هنا وش فيكم هناك
انفال : ايي جايين
بيان : خلهم يروحون طيب
انفال : يبوي وش فيتس مستحيه امشي بس
بيان : طيب طيب
ام خلف : يهلا والله شخبارتس ي بيان
بيان : الحمدالله يخاله ونتي
ام خلف : الحمدالله
همس سعود : خلوف قم نروح
خلف : يلا مشينا
ام عامر : على وين اقعدوا ابيكم انا
خلف : ابد رايحين لا نضايقكم خذو راحتكم
ام عامر بضحك : عشاني ي خليف
خلف : ابشري والله عشانس يخاله
سعود : انا رايح
همس خلف : قسم بالله ارنك بكف
سعود : لا خلاص بقعد
خلف : ايه اعقل
ام عامر : بيان ذول عيال خالتس شوفيهم لا تستحين زي خوانتس
سعود : اي اي زي خوانها
بيان : ادري يمه
خلف : اي شخبارتس شعلومتس عساتس بخير
بيان : الحمدالله تمام ونتم
خلف : الحمدالله
سعود : زينين الحمدالله
بعد سوالف مع خالتهم و ضحك
خلف : يمه انا و سعود بنطلع عند العيال
ام خلف : زين
و ف المجلس :
سالم : يلي م تستحون
خلف : وشو
سالم : رحتوا و تركتوني مع وليد الي م يعرف يسولف
وليد بضحك : هذي جزاتي
خلف : وين عمي مشاري و جدي
وليد : طلعوا راحوا للمخيم حقنا و قال ابوي إذا خلصوا تعالو مع خلف
خلف : هالحين مخيم عجيب والله
عامر : خليفان تعال انا ابغى اسولف معك
خلف : اقول ي عامر ف السياره نسولف الحين اصبر
سعود : على وين
خلف : بقول لأمي اننا رايحين عشان لا تحاتي
سعود : طيب بجي معك
خلف بضحك : امشي م تقدر بدوني
سعود : شسوي ياخي تعودت عليك خلاص
دخلوا خلف و سعود للصاله
خلف : يمه حنا رايحين للمخيم حقنا مع جدي و العيال
ام خلف : الحين؟؟
خلف : اي والله الحين
ام عامر بضحك : ليه م تاخذونا معكم
خلف بضحك : اجل مشينا بس اعلم جدي صبروا
ام سلطان : انا علمته على م نوصل يكون رتبوا المخيم لنا
خلف : اجل مشينا هالحين من معي ومن مع عامر
توزعوا كلهم و كان سيارة عامر زحمه
ام عامر : بياني روحي مع ولد عمتس قبل لا يروح
بيان : منو
ام عامر : وش فيتس خبله انتي خلف بعد من
بيان : طيب طيب
راحت بيان لعند سيارتهم و نزل خلف الدريشه : عسى ما شر؟
بيان : السياره زحمه عندكم مكان اركب؟
لف خلف ل وراء يشوف : سعيدان و سلوم اركبوا وراء اخر شي
سعود : طيب
خلف : هيا اركبي
بيان : تم تم
ركبوا للسياره و عند سيارة عامر :
عامر : يمه شفتيهم ماشاء الله كل واحد يقول الزين عندي
ام عامر بضحك : ونت صادق لازم نخطب ل بيان م هناك
عامر بضحك : عسى خير ان شاء الله
و في سيارة خلف وكانو داقين سوالف و اغاني وحركات
سعود بصوت عالي : خخلييفف
خلف بضحك : لبيه يعيوني لبيه
سعود : ب تذبحني انت مريض ولا ويش
و م قدر خلف يمسك نفسه الا و انفجر ضحك : افا ي سعيدان انا اذبحك
ام سلطان : اعقلوا
خلف بضحك : سمي
ام خلف : خلف يمه الطريق طويل؟
خلف : هذانا ي نظر عيني شويات نوصل
ام خلف : زين انتبه ناظر قدامك خلك من السوالف
همست اميره : بيون وش فيتس
بيان بضحك : م فيني شي بس تضحكون وربي
اميره بضحك : م شفتي شي بعدتس
بيان : م عليتس انتي اليوم بننام عندكم بشوف كلشي
اميره : اجل بنشوف
خلف : تبون أوقف البقاله؟
سعود : والله يكون خير منك
خلف بضحك : اجل م بوقف
سعود : تكفى عشاني
خلف : مشينا
وقفهم خلف و نزلوا العيال ياخذون لهم و للبنات معهم
بيان : خلف عادي تبطل لي الدريشه؟
خلف : ابشري
بيان : تبشر بالجنه
ابتسم خلف : وياتس
جاءت سياره و صفت جمب سيارة خلف و كان فيها عيال وكان الي قدام يناظر ف سيارة خلف م وخر عيونه
خلف ب تعجب : وش فيه ذا
ناظر خلف وراء و نسى ان بيان فاتحه الدريشه و عصب من حركاتهم
خلف : بيان
بيان : بسم الله وشو
خلف : قفلي الدريشه م تشوفين العيال جمبتس يناظرون
بيان : شدخلني فيهم خلهم يولون
اميره بصوت خفيف : بيون قفلي لا يفصل علينا
بيان : عشانتس بس!
اميره : غيور الولد
خلف بنظره تعجب : اميروه تسكتين ولا كيف؟
اميره : سم
جاء سعود و الباقي و ركبوا :
سعود : احس اني تعبت ونا امشي
خلف بضحك : اجلس بس
اميره : اقولتس انا خلوف مزاجه ينقلب ب ٥ ثواني
بيان بضحك : اي قاعده اشوف قبل شوي معصب والحين يضحك ماشاء الله
ام خلف : امشوا يالله
خلف : ان شاء الله يمه
بيان : يوهه نسيت فروتي
اميره : نجيب لتس م عليتس
خلف : عندي انا اثنين زياده الي يبي ياخذ من وراء
بيان : تمامم
بعد سوالف و ضحك و مشوار طويل واخيرا وصلوا
عامر : وش فيكم كذا طولتوا تحركتوا قبلنا وجيتوا أخرنا
سعود : نزلنا البقاله شوي
عامر بضحك : كذا الوضع يعني
سالم : اي والله كذا
خلف : ارحبوا ي الشيوخ
ابو خلف : والله انت الي أرحب
ابو عامر بضحك : ي سلام الاب وولده يرحبون ف بعض
جلس خلف و ضحك : اي لازم كذا
ابو عامر ب ابتسامه : الله يخليكم لبعض
ابو خلف : امين يارب
سعود : ابوي وينهو؟
ابو سلطان : ابوك رجع عنده دوام
سالم : وحنا؟
ابو سلطان : والله شف حنا اليوم سهرانين وانتم بكره قلت لابوك م بتروحون
خلف : ونا؟
ابو سلطان : والله ي خليف انت شف دوامك المدير عادي تغيب؟
خلف بضحك : ازهلها يجدي خويي ذا
ابو عامر : عاش عاش
خلف : عاشت ايامك
ام عامر : بتسوون عشاء ولا
ابو سلطان : اكيد ي بنتي اكيد بنسوي
خلف : اجل الطبخ عليي انا
ابو عامر ب تعجب : ماشاء الله انت تعرف؟
اميره بضحك : اي يعمي من كثر طلعات البر صار طباخ
خلف بضحك : قولي ماشاء الله وجع
اميره : ماشاء الله ماشاء الله
خلف : والله مو واجد بس اعرف يعني
ابو عامر : ماشاء الله تبارك الله عليك
ام سلطان : اجل خلاص الطبخ على خلف
بيان : جده تبيني اسوي شي
ام سلطان : ايوا انتي جيبي كرتون المويه
بيان : ابشري
اميره : وانا؟
ام سلطان : قصي الطماط و ذولي ساعدي خلف
اميره : يوه ليتني ساكته بس
خلف بضحك : امور وش فيتس يعيني
اميره : اسكت بس
خلف بضحك : ابشري
بيان : جدتي وين احطه اخ يدي
خلف : جيبيه جمبي هنا
بيان : سم
خلف : عدوس يسم
ام سلطان : وراه عبود م جاء
سالم : قال لي انه مع اخوياه اليوم
ام عامر : اي والله طالع م لحق يجي لنا
ام سلطان : حفظه الله
ام عامر : امين جميعا
خلف بعصبيه : وش فيه ذا م يجي
ام خلف : ي يمه هدي بيفتح ماله داعي تعصب
خلف : ابشري ي نظر عيني
ام سلطان : سعيدان قم م منك فايده ساعد خلف
سعود : خلوف تبيني؟
ضحك خلف : لا مابيك
سعود : ها سمعتي ي جدتي م يبيني
ام سلطان : قم
وليد : يمه انا بقوم خليه فيه العجز
ام سلطان : انت اجلس مو رجلك تعبانه
خلف : وليد اجلس والله م يحتاج
اميره : تعال انا بساعدك وش تبيني اسوي
خلف : شاطره جيبي البهارات
اميره : خليفان ترا بكف
خلف بضحك : جيبي جيبي
بيان بضحك : والله غريبين
ام سلطان : والله ي بنتي بيان هم كذا قلوبهم على بعض يضحكون مع بعض يزعلون مع بعض
بيان : يزينكم والله
خلف : ليه سميوه م جت
سعود : عندها اختبار
خلف : يحرام فاتها
سعود : خلها تستاهل
ام سلطان : سعيدان وش فيك ع اختك
سعود : ابد امزح
بيان : خلف وين الفروه الزايده؟
خلف : ف السياره تلقينها اخر شي
راحت بيان لسيارة خلف و ركبت اخر شي و لقت الفروه
وكانت نعامه جدآ و ريحة عطره الي موجوده ف الفروه و من وراء اسمه كانت بيان مندهشه مره وكان الكل مطقم وكل واحد اسمه وراء وكان خلف عنده اثنين منها
لبستها بيان و طلعت لعندهم
خلف : تدفيتي؟
بيان ب ابتسامه : اي مشكور
خلف : ولو
سعود : ونت وين فروتك
خلف : ب السياره م ابغاها خلها
ام خلف : بتمرض ي يمه اللبس
خلف : م عليتس يمه والله مو بردان
ام خلف : خلاص براحتك
ناظر خلف امه : ابد الحين اللبسها ولا تضايقين
ناظرته ام خلف و ابتسمت له
همست بيان : شكثر يحب امه ماشاء الله
اميره : والله اعلمتس يحب حب م يعلم به الا الله
بيان : م عنده خوان؟
اميره : لا والله وحيد امه و ابوه بس حنا مع بعض كلنا نعتبر بعض اخوان
بيان : اخ يحظكم مو زينا استغفرالله كل واحد ف غرفته لاحس ولا خبر
وصل عامر بعد م جاب الأغراض الي يحتاجونها
خلف : أرحب مليون
عامر : البقى
خلف : يمه احد يجي يقعد مكاني شوي خويي متصل فيني
ام خلف : ان شاء الله يمه
راح خلف عشان يشوف خويه وش يبي
خلف : الو
غيث : أرحب ي الخوي
خلف : البقى عسى ما شر
غيث : ابد بس سمعت قالو خلف م بيداوم بكره احسب فيك شي
خلف بضحك : ي بعد حيي والله م فيني شي بس سهرانين برا ف البر و بنطول
غيث : اها اجل تم ب العافيه
خلف : الله يعافيك
رجع خلف عندهم و جلس مكانه
خلف : تسلمين ي الغاليه
ام خلف : وش فيه خويك
خلف : ابد يسأل ليه م بداوم يحسب فيني شي
ام خلف : اها زين
عامر : متى تبون ترجعون؟
سعود : نخلص اكل و نحرك؟
خلف : بكيفكم الي تبونه نمشي معاكم
بيان : نبي نسهررر
عامر : اسكتي انتي وش نسهر
بيان : مو شغلك اي نبي نسهر
عامر : سدي حلقك لا اهفك بكف
خلف : عامر وش فيك تكلم معها زين
عامر : خلها تستاهل
ام سلطان : ي ام عامر م تشوفين عامر شلون اسلوبه كذا
ام عامر : مهوب شي جديد كليوم كذا
خلف تعجب : عجيب والله
انفجرت بيان م تحملت كلام عامر : اي بس كل م زانت الجلسه تقعد تهاوشني درينا انك الكبير ومدري وشو
وقف عامر بغضب : يلي م تستحين على وجهتس انا اربيتس هالحين
قفزت بيان بخوف وراء سعود و خلف وكانت تصيح : يمه مسكي ولدتس
وقف خلف بغضب : وش بك انت مريض؟
عامر : اقطع الشر ي خليف و وخر
خلف : امسحها بوجهي خلاص ونا اخوك
عامر : والله عشان خلف ي بيان ولا تدرين انتي
لف خلف وراءه خلاص يخوتس لا تحارشيه انتي بعد
بيان وهي منهاره : وهو لا يحارشني و يسترجل عليي
خلف : خلاص عامر طالبك انا
عامر : والله ان تبشر
خلف : خلاص سمعتي؟
بيان : سمعت سمعت
ام عامر بضحك : والله انك عرفت لهم ي خليفان
همست ام سلطان : ي ام عامر صح ان خلف عصبي بس والله ان قلبه ابيض و م يحب الي كذا
ام عامر : اي والله و انشهد
خلف بضحك : م عليتس يخاله والله م ارضى عليها وهي زي اختي بعد
بيان : تعلم تعلم
خلف : بيان الله يهداتس انتي بعد لا تسولفين معه
بيان : طيب
ام سلطان : روحي غسلي وجهتس هالحين
بيان : تمام يجده
ام خلف : ي يمه عطها من جمبك غرشة ماء
خلف : سمي
بيان : سم الله عدوك
ومسحت بيان دموعها و غسلت وجهها و عدلت نفسها و انسدحت على رجل ام سلطان : جده بنام شوي اذا خلص العشاء صحوني
ام سلطان : ان شاء الله يمه نامي انتي.
وكانو يسولفون و مشغلين اغاني و شيلات و كل واحد و جوه المختلف و بعد ضحك و سوالف و اخيرا خلف خلص العشاء : يالله قربوا
ام سلطان بصوت خفيف : بيان اصحى خلصنا
صحت بيان و اول م جلست تنهدت تنهيده مستحيل ينسوها كمية حزن و تعب
ام عامر : وش فيتس ي امي
بيان : سلامتس يمه ابد
خلف : اقربوا خلو السوالف
سعود : تسلم يديك والله
خلف ب ابتسامه : الله يسلمك ي اخوي
ام سلطان : يالله وش اللذاذه ي خلف
ضحك خلف : ب العافيه
ردوا : الله يعافيك
ام خلف : أقرب تعال اكل معنا
خلف : والله مالي نفس
ام خلف : قم ي يمه قم
خلف : ابشري والله لعيونتس ولا م ودي
جلس خلف جمب سعود و عامر و جلسوا ياكلون العيال ف صحن و الحريم ف صحن
عامر : اوف ي خليف والله أبدعت
خلف : جعله العافيه
سعود : شفت شلون مخبي علينا الابداع
ضحك خلف : سعيدان انت اخر واحد تسولف
سعود بضحك : سم
خلف : ها ي نظر عيني شلون الاكل
ام خلف ب ابتسامه : لذييذذ
خلف : عافيهه
ام خلف : يعافيك يمه
عامر : يعيال الوقت متأخر مره و الطريق م فيه أضواء واجد خلونا نتحرك هالحين
خلف : اجل اغسلوا و خلصوا يالله ب السياره انا
عامر : زين الي مع خلف يروحون عنده و الي معي يركبون
ام عامر : اجل حنا مخلصين باقي انت يالله
بيان : اروح مع من؟
عامر : محد يبيتس روحي مع خلف
مشت بيان وهي منزله رأسها بضيق من أسلوب عامر لها و راحت للسيارة و شافت خلف من بعيد مشغل شيلات و داخل ف الجو طربان مره
ابتسمت بيان يوم شافته شلون فرحان و ركبت للسياره وكانت اميره معه و يغنون و يضحكون
دخلت بيان للسياره و جلست ف مكانها وكانو مكملين و م حسوا ان بيان دخلت عليهم
بعد م تعبوا قفل خلف الاغاني : يالله والله هذا الجو الزين
اميره : انشهددد
بيان بضحك : اخيرا خلصتوا
خلف بصدمه : هااه
اميره : اااء في احد معنا ولا اسمع شي ثاني!
لف خلف وراءه و شاف بيان تضحك و انصدم انها كانت معهم و شافت العجب و العاجيب معهم
خلف : معليش والله م حسينا عليتس
بيان بضحك : لا ابد خذوا راحتكم
دخل سعود وكان مستغرب : وش الصوت ذا واصل لين عندنا
انفجر خلف من الضحك وهو يشوف شكل سعود وماسك كل الأغراض : ادخل بس لا تطيح علينا
سعود : خللووفف انا م صدقت اني فتكيت من ذوليك تجي انت؟؟؟!
ضحك خلف : اركب اركب
سعود : امك و جدتي يقولون بيروحون مع عامر
خلف بتعجب : امي؟
سعود : ايه امك و الباقي معك
خلف : طيب اركبوا خلصوني نلحق عليهم
سعود : اميره عادي تركبين وراء انا بقعد جمب خلف
اميره : لااا
سعود : تكفين طلبتس
ابتسم خلف لهواشهم من بيقعد عنده
وكان مكمل الطريق وهم يتهاوشون و م حسوا الا وبيان قالت لهم : لا انت ولا انتي قومي بس انا الي بقعد
لف خلف بصدمه : منهو الي يسولف؟
استحت بيان و م حست بنفسها وهي تقولها : معليش
سعود : اجل نسوي قرعه من يقعد
اميره : تم
سعود : يالله بسم الله
اميره : واحد
سعود : اثنين
بيان : ث...لا...ثهه
ضحك خلف : لو سلوم معنا كان جلدكم هالحين
سعود : وش القرعه ذي
ضحكت بيان : قومي قومي
خلف : وش صار
اميره : جات على بيان
ضحك خلف على اميره : يعيني ي أموره انتي المره الجايه بدون قرعه انتي الي تقعدين قدام
اميره : اجل يوم الخميس انا الي بقعد قدام مب سالم
خلف : اممم اجل تم
وقف خلف عشان تركب بيان وكان هو خجلان منها نوعا ما ولاكن زي م قلنا يشوفها زي اخته و عادي
بيان بضحك : سعود و اميره الجايات اكثر ههههههههههههههههههههههههههههههههههههههههههههههههه
اميره : اسكتيي بس تراه ولد اخوي والله اخليه يقومتس
بيان : سمي
سعود : ايه اعقلي
و ف الطريق إلي كان شبه مرعب و مظلم وكان عامر متقدم و خلف وراءه اخذ عامر بريك و للحظات كان خلف بيصدم فيه
اخذ خلف جواله و اتصل ف عامر بغضب : وش بك انت مجنون بتذبحنا
عامر بصدمه : والله الطريق جاب لي الصداع م تحملت
خلف : ي ورع تحمل بتموتنا انت
ضحك سعود : مريض وربي
بيان : اي كفو اجلده يستاهل
ناظرها خلف وضحك : الله يهديكم
ابتسمت بيان : جميعا
و ف الطريق كانت اميره حاطه رأسها على الباب و غفت
و نفس الشي بيان
خلف بصوت خفيف : سعيدان حط رأس اميره عليك مهو زين تنام كذا توجعها رقبتها
سعود : و بيان؟
خلف : جب لي الوساده الي وراء
سعود : خذ
خلف بصوت خفيف : بيان ي بيان اصحي
صحت بيان بصدمه : يمه وش صار
خلف بضحك : حطي ذي وراءتس و نامي زين
بيان : خرشتني
خلف : معليش بس النومه ذي مو زينه
بيان : تمام مشكور
كمل خلف الطريق و كان حذر جدا أن يصير شي
و بعد م وصلوا و اخيرا بعد طريق طويل و متعب
خلف : يالله اصحواا وصلنااا
سعود : اهخ اخيرا
خلف : اميره و بيان يالله عاد مهو نوم ذا
اميره : هااه هاا صحيت صحيت
بيان : اوف ودي ادخل انام
خلف : يالله عاد بقفل السياره انزلوا
نزلوا و دخلوا للبيت :
خلف : بعدهم م جوو؟؟
سعود : أعمى انت سيارة عامر برا
خلف : اي زين م شفتها
دخل على للصاله وجلس يطقطق ب جواله
همست اميره : تعالي بروح اسرق الشاحن حقه
بيان : مدري من هو بس مشينا جوي
اميره : اي نصحصح مره وحده
ضحكت بيان : يالله تمم
دخلوا بيان و اميره للغرفه بهدوء و طار حس بيان اول م دخلت للغرفه كانت مرتبه و ريحة العود الي يفوح فيها
اندهشت : غرفة منو ذي حبيتتهااا بنام فيها هاليوم
اميره بضحك : هههههههههههههههههههههههههههههههههههههههههههههههههههههه احلمي بس غرفة خليف ذي عنده خط أحمر لو يدري اني دخلت بيذبحني الحين
بيان : ماشاء الله عليه محافظ جدا
طلع سعود و خلف و دخل سعود معاه لغرفته عشان يسولف معه قبل لا ينام اول م دخل
انصدم خلف من الي قدامه و انفجر بعصبيه : وش تسوون ب غرفتي هااه
هربت اميره وراء سعود : سعيدان تكفى
وكانت اميره تعرف ان بيان حساسه و تبكي بسرعه سحبت سعود و تخبوا وراء ظهره : سعيدان تكفى تكفى
خلف بغضب : اميروه قسم بالله ان تدخلين من جديد م تشوفين خير
سعود : اقطع الشر ي اخوك وخلهم امسحها ف وجهي
اميره : وربي ان تقرب ي خليف اعلم سلطان اخوي
خلف : استغفرالله العظيم واتوب اليه اطلعي الحين
مشت اميره و كانت بيان ماسكه يدها بخوف ابتسم خلف و تذكر حركات سعود إذا توتر يمسك يده كذا
همست اميره ل بيان : تشوفين الحين يبتسم مزاجه يتعدل بسرعه اعرفه انا
خرجوا و راحوا كل ينامون و بعد م خلصت سوالف سعود و خلف اتجهه سعود لغرفته و نام خلف
-
إذا اعجبكم البارت حطوو النجمه عشان اكمل و انزل البارت الثاني 💙💙.