بعد م ناموا كلهم نجي عند بيان و اميره :
اميره : ياخي اف شحني ٢ و الشاحن حقي خربان م عندي حل الا اني ادخل عند خلف
بيان : لا تكفين توه فصل علينا م صدقنا طلعنا
اميره : م عليتس بندخل بشويش بعدين ترا خلوف نومه ثقيل م يحس
بيان : بكيفس اخلصي
اميره : امشي ان شاء الله م علينا شر
خرجوا اميره و بيان و اتجهوا لغرفة خلف
بيان : يوه تكفين وربي خفت
اميره : وربي ي بيون اهفتس ب كف م بيسوي شي
بيان : اخلصي عليي بسرعه
فتحت اميره الباب وكانت ترتجف من الخوف و وقفت لها بيان برا عند الباب
اميره : اوف وين حطه ذا الملعون بروح افتح اللمبه
بيان : لااا وش لمبه انتي والله يهبدنا
اميره : خله يولي
فتحت اميره اللمبه و فز خلف ب الضوء الي دخل ف عينه : وجع أن شاء الله وجع
اميره بخوف : ااا
خلف بصدمه : وش تسوون هناا انتم
اميره : والله ب..باخذ الشاحن
خلف بغضب : م تعرفين ان في انسان نايم؟؟
اميره : لا والله صدق كنت احسب حيوان
خلف : اممييرووهههه
نزلت اميره رأسها : اسفه
ابتسم خلف لها وكان م يحب يشوفها زعلانه : خذيه هذا هو هنا و ان خلصتي رجعيه
اميره ب ابتسامه : كفوو كفوو
خلف : هيا اطلعوا و قفلوا كلشي وراءكم
بيان : اههخ يمه وربي قلبي بغا يطلع
اميره : ونا معتس الحمدلله م سوا شي
بيان : والله ان قلبه طيب
اميره : اي والله انشهد
-
اليوم الثاني : و ابو فهد الي كالعاده طول اليوم معصب لأنهم يتأخرون : اخللصصواااا عليي سنههه انتممم؟؟؟
فهد : يبه هدي بيجون اصبر
ابو فهد : صار لي ساعه هنا
أم سلطان : وش علتك من الصبح تصارخ
ابو فهد : يمه للحين م صحوا وراءي دوام انا
ام سلطان : انا بروح لهم من باقي
ابو فهد : سعود و سالم و اميره و سُميه و وليد
ام سلطان بصوت عالي : سعيدانن قمم
سعود : ي جدتي وش بكم م بنداوم اليوم
ام سلطان : يوهه صح نسيت أعلمه ثواني
ابو فهد : يمه انتي تسولفين معهم بعد؟؟؟
ام سلطان : مشاري حنا متفقين امس انهم م يروحون
ابو فهد : أبركها من الساعه
خرج ابو فهد ومعاه سُميه لان عندها اختبار ولازم تداوم
خرج خلف من غرفته بسبب الازعاج : وش بكم انتم تصارخون تصارخون هذا الي فالحين به بس
سعود بضحك : انت بس ادخل كمل نومك
خلف : هو باقي فيها نوم
سعود : اجل اطلع اقعد معي
خلف : طيب خلني اخلص نفسي توني صحيت
سعود : انا و اميره ب الحوش خلصت تعال لنا
خلف : تم
خرج سعود للحوش وكانت اميره تتفطر هناك : يهلا والله
سعود : يهلا فيتس
اميره : أرحبيي بيانيي
بيان : اهخ والله نمت نومه بطله
سعود : بسوي نفسي م شفتكم وانتم داخلين عند خلف
اميره : يوه شافنا وخلصنا
بيان بضحك : توك تعرف
طلع خلف بضحك : سمعت اسمي وش تقولون انتم
اميره : يويلي ي خليف تسمع ونت داخل
ضحك خلف : لا كنت طالع و سمعت
اميره : بعدين وش ذي الكشخه ع وين
خلف بضحك : اتكشخ عشانكم مو رايح مكان
سعود : والله ابوي صحاني من نومي ومعاد جاني النوم
خلف : عمي مشاري كليوم كذا
اميره بضحك : وش فيكم على اخوي
سعود : ترا اخوتس ابوي اهجدي
اميره : ادري ادري
سالم : السلام عليكممم
وقف خلف بفرح : أرحب تراحيب المطر
سالم : البقى البقى / انتم م تردون السلام؟
ردوا : عليكم السلام
سالم : ياسلام بيان هنا
بيان بضحك : اي هنا
سالم : وين عامر
بيان : يصحى المغرب ذا م يقوم هالحين
سالم بتعجب : المغرب؟
بيان : اي
سالم : اي زين
خلف : اقعد شتقت لسوالفك
جلس سالم بضحك : والله انا اشتقت لك انت بكبرك
سعود : سحبتوا عليي الحين
خلف : افا ي سعيدان
سالم : شرايكم نلف لفه قبل لا يجي جدي بسرعه
خلف بضحك : مشينا
أميره : عادي اروح معكم
سعود : لا لا لا
خلف : خلها ي سعود تعالي بس
اميره : بيون تروحين؟
بيان : اجل مشينا
ركبوا للسياره و جلسوا يسولفوا و يضحكون و كمية طرب مو طبيعي م كملوا الطريق الا و اريام كانت برا
لمحها خلف و نزل دريشته : ارياموو
اريام بضحك : وش تسوون بدوني
خلف بضحك : هيا اركبي
بيان و بغيره : أميره من ذي؟.
همست اميره : ابوها يكون اخوو جدي
بيان : اي زين
طبعا كانت اريام ميانه مع خلف م يستحون من بعض لأنهم متعودين على بعض و بين يوم و يوم تجي عندهم
اريام : سلوم قم انا بقعد
سالم : والله م اقوم اذلفي بس
اريام : خللييفف قل له
ضحك خلف عليهم : سعيدان سوي قرعه يالله
سعود : فاضي لكم انا
لف خلف وراء وشاف سعود زعلان عليه : افا ليه زعلان
سعود : انا صار لي ساعه اسولف معك يجي سلوم و تسحب عليي ليه كذا
خلف : لا انتي ولا انت قم بسرعه سعود الي بيقعد
سعود بفرح : صادق
ضحكت اريام : والله م يقعد انا الي بقعد
سعود : طيب اليوم اريام و بكره سلوم و الخميس انا
خلف : زين يالله
اميره : خلصونا بسرعه ابوي بيجي
ركبت اريام جمب خلف قدام وكانو يسولفون و يغنون و غيره من ذي السوالف : اريام : خلوف وينكم امس مختفيين
خلف : طلعنا سهرنا برا
اريام : ياسلام
همست بيان : منجدها تقول خلوف؟
اميره : وش فيتس عادي كلنا نقوله كذا مهيب اول وحده ولا اخر وحده
بيان : اها تمام
كانت بيان غيرانه من اريام وهي تشوفها شلون داقه ميانه مع خلف وهو يناظرها و يضحكون مع بعض : لا اله الا الله
اميره : هدي ي بنت طلعنا نغير جو
بيان : ادري وربي ادري
بعد سوالف كثيييرهه و ضحك قرر خلف يرجعهم للبيت : ريوم انتي عندنا ولا بيتكم؟
اريام : لا بيتنا محمد لو يدري يذبحني
ضحك خلف : هيا انزلي طيب
اريام بضحك : مشكورين طلعه حلوه و مع خليف القلب
اميره : خفي علينا
ضحكت اريام : ي الغيوره
خلف : اقول انزلي بسرعه
نزلت اريام و علطول نزلوا لبيتهم..
خلف : بيان بتقعدون كم عندنا؟
بيان : والله مدري اعتقد يومين ٣ و نروح
خلف : اها تمام
اميره : لا تخاف كليوم بتشوفها
خلف بتعجب : اميره؟
اميره : سم
نزلوا للبيت و صف خلف سيارته ب الحوش على جمب
نزل و كانو كلهم ب الحوش
ابو سلطان : وينكم من الصبح
خلف : طلعنا نمشي شوي ملينا
ابو سلطان بغضب : مهوب على كيفكم كل شوي طلعتوا تتمشون
نزل راسه خلف : ان شاء الله
ابو خلف : يبه خلاص خلهم
ابو سلطان : سلطان انا اتكلم عشان مصلحتهم
ابو خلف : ابشر
لاحظت اميره ان خلف ضاق شوي لأنهم كلشوي يهاوشوه لو طلع : يبه لو طلعنا وش بيصير يعني كلها لفه وجينا
ابو سلطان : تراددين انتي؟
اميره : لا بس اعلمك مو كلشوي فصلتوا عليه
وقف ابو سلطان بعصبيه و راح خلف اخذ اميره وراءه : ي جدي خلاص على خشمي معاد باخذهم بس هدي
ابو سلطان : يصير خير ي اميره
همس خلف : اميره انتي الله يهداس وش تسوين
همس سعود : معليش بس والله انها صادقه
دخل خلف للمجلس و وراءه سعود و وليد
سعود : ي خليف لا تضيق خاطرك
خلف ب ابتسامه : م ضقت والله ادري عشان مصلحتي
سعود : اي زين
وليد : صادقه بيان الحين؟ عامر يصحى المغرب والله جتني صدمه
ضحك خلف : عندهم نظام مهوب زينا كلنا من الفجر صاحيين
سعود : اي والله صادق
خلف : م علينا شتبون نسوي
وليد : والله م عندنا شي نسويه فاضيين
خلف : لو اني مداوم ابرك لي
سعود : تصدق اول مره احس ليتني داومت
ضحك خلف : اي على الاقل معانا شي نسويه مو كذا
دخلت عليهم اميره والي كانت طربانه بشكل مو طبيعي
و تغني : حبيبيييي لو بقوولل انيي احبكك ماهي اتكفي
ولا هيي كلمه توصفف شعور لك سكن فيني
م حسو الا و دخل ابو فهد بغضب : منهو؟؟
اميره : اااء ذا مشاري ولا فيني شي
انفجر خلف ضحك : ي عمي خلها تكمل
ابو فهد : اطلعوا هالحين لا اهفكم قال حبيبي قال
اميره : شدراك ي مشاري ذي الاغاني الصح
ابو فهد : تسكتين ولا كيف
طلعوا من المجلس و اتجهوا للحوش وكانت اميره نفس الحال طربانه بشكل مو طبيعي : روحيي بلققاكك
ابو فهد : ي اممييرههه قسم بالله ان م تسكتين اخليتس تعرفين روحتسس الحين
اميره : مو ع كيفك وربي اعلم ابويي
ابو فهد : علميه يالله
ابو سلطان : وش ذا الصراخ ي مشاري هاه
ابو فهد : اسمع بنتك ازعجتنا
اميره : كل م قلت حرف قال اسكتي
ابو سلطان : متى م صرت ابوها ذيك الساعه قول لها اسكتي
راحت اميره و صفت جمب ابوها : سمعت ولا اسمعك بطريقتي
ابو فهد : لا حول ولا قوة الا بالله
ابو سلطان : وانتي ازعجتينا بذي الاغاني
بيان : أموره كملي صوتس حلوو
ضحك ابو سلطان : جات الي تعزز لها
بيان : اي لازم
ابو سلطان : اقعدوا ولا تحارشين مشاري انتي
اميره : سم
جلسوا ب الحوش كلهم و الي يغني والي يسولف والي يضحك كل شخص يسوي شي..
خلف : يهلا ب الزين يهلا بنظر عيني
ام خلف : يهلا فيك يمه انت م رحت؟
ضحك خلف : والله ي يمه جدي هاوشني م بغيت اروح
ام خلف : ايه احسن اجلس
خلف : هذاني هنا
ام خلف : صوت من هذا الحلو
اشروا كلهم على اميره : وش فيكم وجع
ام خلف : نسأل من راعي الصوت الحلو
ابتسمت اميره : والله عيونس الحلوه
ام خلف : ي حبيبتي انتي
بيان : ليت نروح البر نفس أمس والله الجو حلو
سعود : وش الي بر انتي الثانيه
ضحكت بيان : ابد سلامتك
دق عليهم الباب وهم ف الحوش
خلف : اسكتي يبنت شوي اشوف من جاء
فتح الباب و تطلع اريام بنت عمهم محمد
ضحك خلف و تكتف : ايوا وش تبين
اريام : وجع م بتدخلني يعني
ضحك خلف : حياتس حياتس
همست بيان ل اميره : شتبي ذي كلشوي هنا
اميره : لو سمحتي ذي من عندنا عادي كليوم تجي
بيان : اي بس ناشبه كذا
اميره : اسكتي بس يهلااا ريومي
قرصت بيان اميره في خصرها : ريومي وش اسكتي بس
ضحكت اميره : اخ وش فيتس انتي
بيان : لا ابد كملي كملي
جلست اريام معهم : يالله حيهم شصار بعد م رجعتو مالكم حس ولا خبر
خلف : والله جدي هاوشنا ع الطلعه
ضحكت اريام : محد قالكم تطولون
خلف : تأخرنا بسببتس
اريام : افا ي خليف صار سببي الحين
ضحك خلف : لا ابد
اريام : اي شسمه راكان يسأل عنك
خلف : وينه ليه م يجي
اريام : مشغول الولد
خلف : زين قولي له يمر علينا يوم يفضى
دخل عليهم عامر بعد نومه طويله : السلام
خلف : عليكم السلام ورحمة الله
سعود : م بغينا اخيرا قمت
خلف : ي عامر والله اقولك مهوب زين اربع و عشرين ساعه نوم م تطلع كأنك محبوس
عامر : والله عاد مدري شقول بس جدولي كذا
خلف : جدولك كذا فبيتك مب عندنا هنا من الصبح تقوم
عامر : طيب طيب
ابو فهد : وين فهد؟
خلف : اخر مره شفته الصبح
ام سلطان : انا وصيته يجيب الأغراض الناقصه
ابو فهد : اها زين
خلف : يمه انا بطلع مع اخوياي شوي
ام خلف : زين انتبه لنفسك
خلف : ابشري ان بغيتو شي علموني
ام خلف : تمام
خرج خلف و راح عند اخوياه و الباقي ف الحوش
بيان : انفال شلون الطلعه مع خوياتس
انفال : والله احسن من القعده معكم
ام عامر : بيان يالله ابوتس برا
بيان : وش اسوي؟
ام عامر : وش تسوين سؤال ذا؟ اركبي راجعين
اميره بصدمه : هالحينن؟
ام عامر : ايواا
بيان : يمه ليه نبي نقعد
ام عامر : اخلصي عليي و قولي لاخوتس بسرعه
بيان : يوهه طيب
عامر : وش فيكم ليه بنرجع
ام عامر : وش تبون تقعدون لين متى عند الناس
عامر : اجل مشينا يالله
ركبوا للسياره وكانت بيان زعلانه لانهم رايحين و م تهنت مع البنات
عامر : وش فيتس انتي
بيان : م فيني شي
عامر : الا الا علميني
بيان : ابغى اقعد عندهم يوم بس م تهنيت مع البنات
عامر : م عليتس انتي انا اقنع امي ب البيت
بيان بصدمه : انتت؟
عامر : وش فيتس اي انا
بيان : اجل بنشوف
-
بيت أبو فيصل
ام فيصل : ي ديم تعالي
ديم : سمي يمه
ام فيصل : اليوم رايحين عند بيت ام سلطان
ديم : اما عاد
ام فيصل : ايه اللبسي و علمي فيصل
ديم : بس فيصل مو هنا مع اخوياه
ام فيصل : طيب قولي لحسين اخلصي
ديم : ابشري
-
بيت ابو سلطان
ابو سلطان : اليوم جايين عندنا ابو محمد و ابو فيصل
رتبوا البيت و المجلس
ام فهد : ليه ام عامر راحت لو تقعد شوي بس
ام سلطان : متى راحت ذي م عطتنا العلم
ام فهد : قبل شوي
ام سلطان : م عليتس انا بقول لها
ام فهد : زين
ابو فهد : وين العيال ابغاهم يساعدوني ف المجلس
ابو خلف : هم اساسا ب المجلس
دخل ابو فهد عندهم : قوموا بسرعه
وليد : وشو
ابو فهد : تعالو نرتب المجلس الناس جايين اليوم
شرق سعود وهو يشرب الشاي
ابو فهد : مخبول انت وش فيك كأنك بتشوف جن
سعود : تونا خلصنا من ام عامر من يبي ييجيي بعد
ابو فهد : يلي م تستحي قم رتب المجلس قمم
سعود : سم
خلف بضحك : اجل انا استأذن
ناظره ابو فهد بنظرات : على وين ان شاء الله
خلف : ااا برا برا
ابو فهد : ادخللل رح رتب مع سعود
ضحك خلف : سم
ابو فهد : خمس دقايق القى المجلس نظيف
سعود : يبه ليه م تصير عشر او سته انت كليوم خمس خمس خمس وربي حفظتهم
ابو فهد : اجل خمس دقايق إذا لقيتك تسولف بتعرف العشر زين
سعود : هاه ابشر
ام سلطان : ي مشاري الله يهديك تكلم معهم بدون صراخ العالم كلهم سمعوا
ابو فهد : ان شاء الله يمه ان شاء الله
-
المغرب ...
سعود : بسرعه بسرعه جو الرياجيل
تكتف خلف : أسألك بالله ليه تنتظرني رح بلبس انا
سعود : والله م اروح لين م تجي معي
سالم : اجل انا ووليد بنروح
خلف : اي روحوا و علموا فهد
سالم : زين
سعود : تصدق صرت اخلص قبلك
ضحك خلف : اي ماشاء الله قاعد اشوفك
سعود : خلصت؟
خلف : ايي خلصت مشينا
سعود : مشينا
ابو سلطان : يالله حيهم
ابو فيصل : البقى
ابو محمد : البقى يخوي البقى
همس ابو فهد : وينهو فهد
سالم : بيجي قاعد يلبس
ابو فهد : سنه ونص يخلص
خلف : ي عمي بيلبس اصبر بيجي
ابو فهد : طيب طيب
فيصل : ارحبوا والله من زمان عنكم
سعود : انت وينك مختفي مالك حس ولا خبر
فيصل : الأشغال و غيره والله م كنت جاي بس امي علمتني و رجعت اخذهم
خلف : يجدي انا و العيال بنروح المجلس الخلفي عادي؟
ابو سلطان : زين انتبهوا
خرجوا و اتجهوا للمجلس :
فيصل : ابغا اسلم على جدتي من بيجي معي؟
سعود : م فيني حيل اقوم
خلف : والله م منكم فايده امشي انا جاي معك
فيصل : تم
-
ام سلطان : يهلا والله
فيصل : يهلا فيتس ي جدتي والله الشوق مليون
ام سلطان : تشتاق لك العافيه يارب
ام فيصل : ماشاء الله ذا خلف والله وكبر
ضحك خلف : نسيتيني ي خاله
ام فيصل : لا والله من ينساك انت
ام سلطان : شخبارك عساك بخير
فيصل : الحمدالله
ام سلطان : وينهم الباقي؟
فيصل : مستحيين مع نفسهم
ام سلطان بضحك : من ويش يستحون
فيصل : مدري عنهم عاد
ديم : بنات ذا من؟
اريام : منو؟
ديم : الي مع فيصل اخوي
اريام بصدمه : م تعرفينه
ديم : لا والله
اميره : تعرفين سلطان اخوي؟
ديم : اي؟
اميره : ذا ولده الكبير
ديم : اماا
انفال : سلامات والله
ديم : ماشاء الله جميل
اميره : بسم الله عليه قولوا ماشاء الله
دخلت عليهم بيان بعد م اقنعوا امها يجون
اميره : أرحبي بيون
بيان : البقى
ديم : احس اني ف عالم موازي م اعرف احد الا انتم
ضحكت اميره : واضح من شكلس
ديم : علميني شسم خوانس و عيالهم نسيتهم
اميره : الله يسلمتس اول شي سلطان اخوي الي ولده جاء قبل شوي
بيان بصدمه : خلف جاء هنا؟
ديم : ايوا جاء
اميره : المهم و بعدين مشاري الي اكبر عياله فهد
ديم : ايوا مشاري اعرفه
اميره : و بعدين وليد و....
ديم : ماشاء الله يكثركم
اريام بضحك : تشوفين
ديم : على كثركم محد شل الزين الا خلف
اريام : ايوا خليف القلب
انفال : وجع توجعكم قولوا ماشاء الله
اريام : ماشاء الله
بيان : غيروا السالفه
-
ف المجلس :
سعود : راكان ي الملعون وراك مختفي
راكان : استغفرالله والله مشغول
حسين : الدوام م يبينا نتجمع
خلف : والله م صدقت ان جدي عزمكم
وليد : محمد ليه م جاء؟
راكان : هذا نسانا بكبرنا مسافر مع اخوياه ولا يبي يرجع
ضحك خلف : خله يعيش حياته
راكان : ابك مهيب حياه ذي كليوم سفر سفر
سعود : سافر انت بعد
راكان : صادق انت و الشغل
خلف : خلك من الخرابيط ذي و اقعد مع اهلك
راكان : صادق والله
-
وعند البنات :
بيان : والله ذليت امي ذل حتى وافقت نجي
اريام : مو ع اساس بتقعدون يومين مدري ٣
بيان : والله امي قالت نبي نرتب البيت و ننظفه ومدري وشو
اميره : يالله عادي هنا بيتكم نجيكم و تجونا
بيان : يالله شنسوي الشكوى لله
اريام : اقول انتم الاثنين ترا تسلكون لبعض كلنا ندري الا انتم
اميره : اقول اسكتي بس
بيان : مشتهيه شااييي
اريام : تعالي شرايكم نروح نجيب
ديم : مافيني حيل
بيان و اميره : تم
-
ام سلطان : وش فيكم
بيان : يجده نبي الشاي
ام سلطان : والله ف المجلس عند العيال روحوا خذوه
اريام : من هناك؟
ام سلطان : محد راحوا باقي خلف هناك قولوا له يعطيكم
اميره : زين امشوا
بيان : منجدكم بتروحون؟
اريام : بيان ترا بكف الحين خليف ماهو غريب نعرفه
ديم : بنطركم انا
بيان : طيب امشوا
راحوا للمجلس بعدهم م دخلوا و يوقفوا كلهم وهم يسمعوا خلف الي صوته وهو يغني من قلبه :
ياغايبهه بالله مشتاققق انا رديي طول غيباكك ليه في رحلة الغربا انتي بعيده هنااك واتخيلك ععنديي
اريام بصوت خفيف : اوف اوف مستحيل ذا خلف
اميره : من يقصد ذا الي م يستحي
اريام بضحك : اكيد انا طبعا
بيان : اهجدي
اريام : وش فيتس انتي امزح
دخلت اريام عند خلف و البنات وراها : الله عليك ي خليف وش ذا الصوت الرهيب
خلف بصدمه وضحك : وجع ونتي تراقبين ويش
اريام : لا والله حشى كنت جايه اخذ الشاي و سمعت
خلف : اي زين خذيه
اريام بضحك : بعدين منهي الي طول غيابها هااه
ضحك خلف : انتي من غيرتس
اميره بضحك : ابوك ي التسليك
بيان : يليل اخلصوا
خلف ب ابتسامه : وش فيتس مستعجله
بيان : ها ابد سلامتك
اريام : مشينا يالله خليف
خلف : يالله حفظتس الله
-
اميره : بيان هذا هو الشاي خذيه
بيان : سدت نفسي معاد ابي
اريام بتعجب : عسى ما شر؟
بيان : ابد سلامتس اشربوا انتم
دخلت عليهم ام سلطان وهم يسولفون : بنات يالله امشوا الصاله
اريام : ليه؟!
ام سلطان : تعالو بسرعه اعلمكم داخل اميره انتي امشي علمي العيال يجون بعد
اميره : يجده العيال برا خلف بس الي موجود
ام سلطان : توهم رجعوا امشي يبنت بسرعه
أشرت اميره لسعود بيدها عشان تقول له : سعيدان
سعود : وش فيتس انتي مهبوله
اميره : جدتي تقول تبيكم كلكم هالحين تجون الصاله بسررعه
رفع حاجبه ب استغراب : وليه
اميره : حتنا مدري اخلصوا
سعود : زين
دخل سعود مسرع لعند العيال : جدتي تقول تعالو الصاله سريع
فيصل : وليه؟
سعود : ندخل و نعرف اطلعوا يالله
ام سلطان : هالحين انا بقولكم
وليد : عسى ما شر يمه
ام سلطان : الشر مايجيك اسمعوا محمد هاليوم راجع
راكان : اخوي؟
ام سلطان : ايوا
تكتف خلف ب استغراب : ايوا و المطلوب ؟
ام سلطان : اعلمكم وش فيكم
سعود بصدمه : هالحين ذي السالفه الي تبونا فيها؟
ام سلطان : ايوا
ديم : يوهه ونا قلبي بغا يطيح احسب صار شي
خلف : وهي صادقه ذا كله اخرتها ذي السالفه؟
ام سلطان : والله انتم مب وجهيه بشاره اذلفوا بس
ضحك خلف : يجده نحسب صار شي اخرتها ذي السالفه
سالم : اقول انا برجع المجلس ان خلصتوا تعالوا
ام سلطان : اذلف اذلف
خلف : ونا وش اسوي؟!
ام سلطان : رح سو العشاء
خلف بصدمه : وشووو
وليد : تتخطى ان شاء الله
ام سلطان : خليف عندنا ناس م سوينا الاكل رح سوي
خلف : ومن يساعدني؟!
ام سلطان : انتم م منكم فايده؟
اريام : انا بروح معه عادي بس وحده منهم تجي معي
ديم : مالي دخل
اميره : ولا انا
انسحبت انفال و هربت للصاله
اريام : بيان؟
بيان : والله عاد عشان جدتي بس مشينا
خلف : بتخلوني مع ذول؟
اريام : يلي م تستحي ذول تعرفهم انت
خلف : امشي بس امشي
-
المجلس :
سعود : كسر خاطري خلوف
وليد : رح له
راكان : لا لا سعيدان معي
سالم : وجعه
سعود : توجعك
-
خلف : يلي م منتس فايده جيبي المويه
ضربت اريام كتف خلف : انا م مني فايده
دخل فيصل و وقف جمب بيان : وش فيكم
خلف بتعجب : ابد انت وش تبي؟
فيصل : جيت اشوف تبي مساعده مني مناك
خلف : لا مشكور ونتي ي بيان روحي شوفي مع اريام
فيصل : اجل انا رايح
خلف : الله معك
-
يُتبع..
( ي حلويني خليت البارت شوي طويل و شوي قصير إذا اعجبكم ان شاء الله نكمل )💙💙.
أنت تقرأ
كل الامان في حُبك وكل الاماني قربك
Randomرواية كل الامان في حُبك وكل الاماني قربك للكاتبة : رهف القحطاني ✍🏻 - ثاني إنطلاقه لي 🤎. - ترقبوا معنا الروايه ✨.
