لاتنسون+ التصويت+ متابعه الحساب+ التعليق ع كل فقره تحبوه +
وما لقلبي الى انت
حوراء
***********************
درت وجهي واشوفه هو واكف مكتف اديه ويضحك
ضربته بخفه.وكلت
حور: ليشش عيني شايفني مثلك مهرفله
اجى ناحيتي كرص خدي وكال
أمير:لالا يمعوده ع كيفج بس شنووو عمى بتج مرمرتني يعني تستحي تنزع كدامي
ياكاع نشگي وبلعيني لٱ ويكولها بكل رفاهيه متت احس جسمي صخن وضليت مدنكه وسويت روحي ما اسمع?
ضحكت امي وكالت
-اي يمه تستحي بعده عروس تتعلم
اخذ الصينيه وراح بعد ما فشلني حضرت الافندي
تغدينه ورا الغده كملنه الماعين وكعدت امي وام صادق وخالتي وبنته كالت امي
-ماتباتين يمه اليوم وباجر ياخذج
-ماعرف يمه بكيفه
كالت امه-:يجي وانا اكله
لشوي كالو يلا راحت ام صادق تكللهم شوي واجت كالت
-يمه يكول خل تلبس وتطلع بعدين عود اجيبها تبات
ضجت كمت لبست وبوست امي وطلعنه احس البوشيه مضايقتني لاكن مجبوره وصلنه للبيت
بسرعه نزعت ورحت نمت بدون سابق انذار?
حسيت بي اجى ويوزع بوسات بكل وجهي تجاهلته وستسلمت للنوم ماعرف شكد مر وقت وانا نايمه''
كعدت وي الأذان لعبانه نفسي وشكد اكره انام لهيج وقت اكعد مزعوجه ومتكئبه رحت غسلت وتوضيت رجعت للغرفه وانا حايره شأسوي. رجعت طلعت اشوف البنات الي تدرس والي يسون ترب واؤل مرة اشوف شغلهم واشوف احد يسوي ترب بهشكل
سألت امه
حور: يمه وين أمير
ردت وهي كاعده بالمحل تبيع
ام صادق: طالع يمه وي جماعته
هزيت راسي بأي ورجعت للغرفه اصلي
كملت ورحت وي البنات اجهز العشى حبيت انتضره واكعد انا ويا ناكل ولو استحي بس حاولت اتشجع كالت امه
-تعاي يمه اكلي وياي رجلج ما يجي هسه ترا يبطي
خجلت اردها ورحت كعدت وياها صفنت اؤل مرة اشوف هيج وهواي اسئله اجت بالي اشوف كل ثنين بصحن ياكلون وانا بلا صحن وخجلت احجي كالت امه وهي تاكل
-مدي ايدج يمه شبيج اكلي
:ءءء شسمة يمه وين صحني
أشرتلي وهي تاكل
-ماشوفين يمه هذاا انا وياج ناكل
سكتت وانا اشوفها ثارده بطاسه وكاعده تاكل وكل ثنين بصحن وابو البيت وياسر اخوهم الصغير وي ابو كذالك بصحن مَآعِرَفتّ هي عادات او ماعدهم ويتقصدون هيج بالبدايه اكلت وانا خجلانه واستحيت اكل اكثر خفت لٱ يقل المواد وهي ما تشبع تحمدت وكمت كالت وهي تاكل
أنت تقرأ
وما لقلبي الى انت
Pertualanganقصة عراقية بقلمي انا الـ كـاتبه حوراء تتحدث عن ،، طفله تتعذب بسبب اقوال الناس وبسبب تحكم وقرارات الأهل الفاشله تعيش اسواء الأيام وبعدد اعوام ترا ??🤍 تعالو نشوف ما يخبئ لـٍهآ الزمن نبلش 2022/9/1
