ادمنت حدة عينيه

بارت 50

يا المعلمني اسولف كلشي لعيونك

مو گتلك گبل لتروح

دورلي وطن بي ريحه من طولك

*****************************

علي ـ ما اريد اطلع برا ولا اريد الناس تشوفني وتنقهر علي

فاتنه ـ لا حبيبي ماكو واحد ينقهر عليك ليش شنو بيك ها رب العالمين خلقك مميز عن باقي الاطفال مو

رفعت راسه ومسحت دموعه وهذا حسن اخوك وفضولي هم يعني عندك اخوان اثنين وانته هيج تحجي

علي ـ بس ماما

فاتنه ـ لا حبيبي انته يله كافي گوم نغسل حتى نبدل ونروح لبيت جدو توفيق تشوف خالاتك اجوا من سمعوا علاوي ومريومه جايين

گالوا نريد نشوفهم مو هيج حسن سدل بسمه مو هيج ماما

حسن وسدل وبسمه ـ اي صحيح

فاتنه ـ عفيه حبايبي يله هسه بدلوا ملابسكم حتى تجون ارتب شعركم ونطلع وراهه نروح لجدو واثق تمام يله حبايبي

راحوا كلهم غسلوا واحد ورا الثاني وراحوا يبدلون گعدت موتني ظهري من الوجع

الضربه جانت قويه حيل والمكان صعب ينضرب بي البشر بطرف الظهر فقرات العصعص رحت جبت عصارة مسكنه مالت نائل

اخذت شوي ودلكت المكان لما هدأ الالم غسلت ايدي وگعدت اجت بسمه مشطتهه وراحت وراهه مريم وسدل وراهم حسن وعلي اجوا نفس الوقت ها منو خلص اول واحد

حسن ـ علي خلص واني وراه

فاتنه ـ عفيه حبيبي تعال علاوي ماما

علي ـ لا ماما خلي حسن اول اگعد حسن

فاتنه ـ تعالو ماما اثنينكم اگعدوا گعدوا اثنينهم رطبت شعرهم ومشطته لبستهم الكبوسات هسه انتم تخبلون

يله حبايبي ماما جهزتوا وينج عمه رحت للغرفه لگيتهه متمدده وعيونهه تجري گعدت قريب على وجهه مسحت دموعهه

كافي عمه هاي اطفاله افرحي بيهم ربيهم مثل ما جنتي تحبين ليش تخلصيهه بجي هاي اني گدامج سنين صارلي ابجي على بلسم

رجعت لا

شفتهه هم لا

ربج انطاج بدال الواحد اثنين مثل الملائكه صح يرادلهم تعب بس تجي وياهم الكلمه مرات

وبعدين ما ننسى وين عاشوا وشنو اثر هذا بنفسهم صعب كلش صعب

ام نائل ـ ادري جاي تتعبين وياهم وما جاي اساعدج بيهم

فاتنه ـ لا بالعكس صح اتعب بس بنفس الوقت جاي اشوف اكو نتيجه يله عمه يله نروح لبيبي تگعدين وياهه شوي واليوم عازمينه لان جايات البنات وهم تغيرين جو