#سجينة العائث
#ام الغريم
لا تنسون التصويت⭐
والتعليق بين الفقرات
حتى انزل بارت ...
••••••••••••••••••••••••••••••••••••••••
Flash Back
سنة 1998 "ذبل ورداً"
ولج هناء يمه حبيبتي وينج اخوج على جيه
خلي نجهز الغده
هناء: هياتني ماما اجيت نزلت واني لازمه سلة الملابس نزلت الي ناشفات وشريت المغسولات ونزلت.
ام هناء : ساعه لحد متشرين الملابس اني طالعه بالحوش اخبز وانتي جهزي السفره.
هناء : خلي اسولفلكم شويه عن عائلتي اني من عائله وضعها المادي جيد بيتنا ملك والدي فرحان قبل سنوات توفى وترك النا البيت و البستان عندي اخ واحد هادي اوووف يا هادي بس مشاكل اسمه جايب النه المشاكل انفعالي بسرعه وعصبي ومخبل هم وطايش رغم عمره ٢٥ سنه مكمل دراسه وماكو تعيين بس يشتغل بالبستان مالنه امي رحيمه اسم على مسمى ماكو احن منها بيتنا حلو والي محليه الحديقه بين فتره وفتره يغيرها هادي لان يشوفني ما عندي احد لا صديقه ولا بنات عم وخال من اضوج اكعد بالحديقه اني صف ثاني متوسط وتركت بدون سبب مع العلم ماما تحب دراسه وهيه خريجه تجاره عمري ١٥ سنه امتلك بشره بيضاء وعينان كالعسل وشعر طويل بلون عيوني .
رحيمه: صارلج ساعه تسوين بس زلاطه وين جنتي
هناء : كملت يمه شبيج هياتني احمي الاكل بين ما يجي هادي
هادي : السلام عليكم
ردوو وعليكم السلام
هناء : هلا بيك خويه ناوشني المسواك واصعد اسبح وصلي بين ما اصب الغده
رحيمه : هلا بيك يمه الله يساعدك
هادي : هلا بيج يالغاليه كواج الله
هناء : صعد هادي لغرفته وامي كعدت بالصاله واني بالمطبخ اجهز جبت دواسه وخليتها يم امي ونزلت جدر تمن ومركة باميه وجدر الخبز والخضره والروبه وزلاطه
كملنه غده ولميت المواعين صبيتلهم جاي هادي كمل وصعد لغرفته وامي دخلت لغرفتنه وصاحت هناء كملي المطبخ وتعاي يمي نامي تخاف عليه كملت المطبخ ورحت يمها نمت يوميه نفس الروتين هاي احنه وعائلتي جنت امل من الروتين هذا وبعد ما صارت هل مصيبه اتمنى يرجع الروتين وبيوم كاعدين بالحديقه اجه يركض هادي
هادي : هناء حضري جنطتي ومستمسكاتي بسرعه
رحيمه : هادي شبيك يمه شنو صاير واجيت تركض وين جاي تمشي
هادي : يمه ضربت زلمه جبير وغرك بدمه بالكاع بس سمعت حس زلام وياه اجيت اركض
رحيمه : عزه العزاني مصيبه وكعت على راسنا والله موتتني بعصبيتك على الخالي بلاش
أنت تقرأ
سجينة العائث
Actionكان يا مكان في بلد العجائب أحداهن تبحث عن الأمان يحكى أنها تقع بيد أحدهم لا يعرف الأرحام... انها هي ؟؟ ومن هو!! عواطف تشتعل فرحة ومشاعر كالثلج وأبرد نهارٍ ينتهي فرحة ونهارٍ ينطلي بأسود إلى اين اذهب انا إلى اين اسير بمفردي في اي محطة أركب هل سأبقى...
