وَهن القلـوب البارت الخامس ..
سهير رائد
ماذا لو أتيتني متعباً ..... ؟
لاخبئتك في غرفتي
لجندت رموشي تحرسك
لَأطعمتك قوت قلبي و أشربتك ماء عيوني
لوضعت يدك في حضن يدي اليمنى
و باليسرى أطبطب على كتفك اهمس ڵـڱ " أنا هنا."
لو أتيتني متعباً ... و الله لن أردك خائباً
#ثم ماذا
كل الناس مدوا لك أيديهم
ولكن انا الوحيده من مددت لك قلبا.♥
......
ماما رجعت للبيت بجي وبجي واتخربطت والكل مشغول باله عليها ..
كعدت وي خالتو بالصالة نتابع تلفزيون ومطفين الاضوية وتقريبا الكل نايم او بغرفهم
كالت امج هواب تعبانه وانتي هواي تعبيها ..
حجيت بصوت ناصي يرجف من داخلي .. خاله اني متعبتها شمسويه ليش هيج تتهميني ..
ثورة .. بالعكس انتي طول عمرج مطيعة وممسوية شي بس هيا هلكت روحها من خوفها عليج هل السنين كلها..
متاكلين تنقهر وتوتر
تتمرضين تتمرض قبلج
تضوجين تضوج قبلج
...
واني شنو ذنبي اشوفكم كلكم تلوموني ..
ثورة محد يلومج ياحبيبتي ..
سكتنا شوية وكمت ابجي ..
تدرين خاله اني هواي اتحمل اشياء فوق طاقتي اسكت لخاطرها ..
ثورة .. شنو مشتغله ومعيشتها وتتحملين فوق طاقتج انتي عايشة بخير ونعيم ومدلله ومترفه ..
ليش انتي متفهميني من احجي وياج ..
ثورة .. افهمج بس ماانطيج على مايج بالكلام افهم شتقصدين واعرف شتريدن تكولين بس راح اجاوبج قبل لاتحجين اللي بكلبج امج راح تزوجج لعلاء يعني راح تزوجينه ..
فرحت بداخلي من عرفت خالتي حاسسه بيه مار يد علاء . بس اذا انجبر زواج باطل ..
ثورة .. والله يا حبيبتي العقول اللي عند امج وخالج قافلة اكلج شي يمكن شوية يطمنج او يمكن يريحج ..
شنو خاله ..
ثورة .. علاء هم ميريد يتزوجج يعتبرج اخته بس الامر مو بيده ولابيدج الاكبر منكم هما اللي مقررين ..
من كالت علاء يعتبرج اخته .
خليت ايدي على گلبي وذبيت حسرة فرح عبالك شي انزاح على كلبي كمزت من مكاني رحت لخالتو حضنتها وبسته الله خاله الله عليج تدرين انتي شسويتي اني جبل من على جسمي زحتي انتي ..
العله البگلبي طيبتها بلحظه بهاي الكلمه ..
ثورة . اششش لحد يسمعنا خاله عيب ..
ميهمني يسمعوني لان اني تعبت من هذا الموضوع اريد الكل يعرف اني ماريد علاء ولا اتخيل نفسي اني وياه يجعنا عقد او اسم او طفل او فراش خاله انتي الوحيدة الفاهمتني ..
ثورة .. مناسك انتي تحبين شخص ثاني ؟
هااا!!
ثورة .. اللي بكلبج وبالج انسيه تماما لان غير علاء مراح تزوجين الجماعة قافلين عليكم ماكو اي مجال لتغيير رأئيهم ..
