الذيـب وڪمرتـه🤍.

باࢪت

هلا يحلوين هاذا بارت مختلط مچانت فكره ابالي اسوي بارت حلو ف سويت مختلط طلبكم هاذا طبعآ
.. 2023/1/22

كعدت صبح لكيت ايسر ماكو!
باوعت ع اطفال نايمين..
غسلت .. ونزلت جوا عجيب البيت هدوء!. ولا واحد موجود
..
كلت هسه يجي ايسر واسئله رحت جبت خاولي ودامسح الصوبه
ماحسيت غير ايد لازمتني   . . من ضهري عاد اني اهنا كلبي احسو وكف من كثر رعبتي
اجيت اوكع ع صوبه..ماحسيت غير الايد سحبتني وصرت كباله عاد اني من شفته حسيت ب أمان.. كبل انضميت بحضنه
..
ـ شبيچ بربوك صايرا تخافين وين نچرتي الاعرفها
حچيت واني ضامه راسي بـ حضنه
ـ شنو ايسر غير البيت فارغ! لا وانوب هدوء
وخرت راسي غمزلي وحچيت بدون وعي . .
ـ اموت بهل غمزه
حچاه بنكها ضحك.
ـ غمزه اربعيني چاد
عاد اني من سمعتو هيچ باوعتلو بنضره غريبه
ـ الاربعيني والظابط
ـ البربوك والظابط
ـ شرأيك اكول ل مهره تسمي اسم روايتنه هيچ!
ـ رحمه لـ ربچ متاكلين خ...
طكيتها ب ضحكه ماتحملت وخرت منو وحچيت
ـ وين الباقين! اشو محد بلبيت
ـ راحو خطار لـ بيت چدو الشيخ
ـ ليش
ـ خاب شمدريني بيا حيل اسئل اني
اخذ جكليته فتحه باوعلي وحچه.. كلتلهم روحو اني ابقا يم مرتي
ـ شكالو..
ـ كالو براحتك
ـ شكتلهم،
ـ كتلهم يمكن العصر نجي اذا اكو شي مهم خابروني
ـ شكالو
ـ كالو ان شاء الله
ـ شكتلهم
ـ سحبني من ايدي صرت بجسمه،كلتلهم ابوچ الكواد
ضليت مندمچه وكتله ـ شكالو
ـ بربووووك مصيرلچ چاره
ـ بضحكه،، يابه غير اندمچت
..
اخذتلي فره ع بيت نضيف رحت صعدت فوك وايسر راح لصديقه رحت يم حور باوعتلها وجها عبالك مخنوك احمر ونفسها هل ايام مو تمام وهواي شغلات بيها متغيره
طلعت قرأن اخذتها ل حضني وكعدت ع چربايه قريتلها ايات كعدت ولعبت وياها شوي وبدتلها
ـ ماماتي حوريتي هسه اني ح اطيچ كل دلال الچ ولـ اخوچ علي ومن تكبرون اريدكم تنسون تعبي واصيرين قويه ورح ادللچ م ح اخلي شي بخاطرچ يروحي انتِ
..

ابتسمتلي صحيح هيا اصغيرا ومتفتهم
بس مادري ابتسمتلي من ابتسمتلي اخذتها شميت ركبتها
ـ اروح فدوا لهل ريحه الحلوا
طب ايسر
ـ ها حبيبي
ـ سچاچين كلبي بدلي وبدلي للحلويين وياج
ـ ليش وين حروح
ـ لبيت چدو
ـ ليش
ـ الكل معزوم اهناك
ـ اها اوك، هسه اكمل حبيبي
بدلت لـ حور و علي كملتلهم صحت ايسر واطيته الاطفال اخذهم چوا وبدلت..
لبست!. بطرون كابوي فاتح وتشيرت ابيض كوت جوزي فاتح ويطي للحليبي شيله بيضه ولبست بوت يچي شون الكعب يعني نازك مرتب خليت مكياج احمر مدري شو عچبني  وطلع لايك وياه لبست محبس ابو الحيه وسواࢪ ومحابسي..
خليت رشتين عطر بس.. كملت ونزلت چوا
.. لكيتو ديلعب الاطفال
ـ كملت حبيبي
كام ورحت اخذت البنيه
ـ ليش ملبست رسمي
ـ لا كلما نچتمع بيت الچد نلبس هيچ تعرفين بعد شيخ عشيره
ـ اوكي براحتك...
اجينا نطلع التفتلي

ـ ميار
ـ يـ راحتها
ـ عطرچ قوي
ـ والحسين مرشيت غير بس مرتين
سكت وطلع اموت بغيرتو
المهم وصلنا 5ونص هيچي لكيت الكل موچود من عمات وخالات كرايب ايسر كلهم موجودين
..
طبينا سلمنا عليهم وكعدنا
ـ يمه اللهم صلِّ على محمد وآل محمد وچ بيبي فستق
ـ ها بيبي
ـ يمه هذول اطفالچ شتوكليهم وصايرين بهل حلا
ـ چمال عيونچ حبيبتي انتِ اروح فدوا لهل حلك الينكط عسل
ـ الله يحفظچ بنيتي
رادتها واطيتهيا وضلو يشاقوهم وميتين ب اطفالي عبالك بس هما موچودين