دخل عليهم ابو سلطان الي كان معصب عليهم : انتم بس كل م زانت الجلسه تروحون البقاله تشترون الخرابيط ذي و محد يعلمني
ام سلطان : وش يعني تبينا نموت من الجوع
انفجر سالم ضحك : شكله كذا الوضع
ابو سلطان : انا م قلت لكم موتوا ثاني مره بتروحون البقاله علموني كليوم حساب حساب بنفلس خلاص
ام سلطان : طيب طيب
ابو سلطان : نادو لي خلف
اميره : يسوي العشاء
ابو سلطان بغضب : انا قلت نادو لي خلف
اميره : سم
دخلت اميره عند خلف و بيان و اريام : خليف ابوي يبيك بسرعه معصبب فل
خلف بصدمه : وشوو شصار بعد
بيان : عسى ما شر؟؟!
اميره : رح شف وش يبي و تعال
خلف : طيب بيان و اريام شوفوا الاكل انتم
ردوا : ان شاء الله
ابو سلطان : تعال انت
خلف : شصار ي جدي سم
ابو سلطان : انا رايح للعزبه و ابيك تجي معي انت و سعود
خلف : اوه تمام متى؟!
ابو سلطان : بعد شوي خلصوا الاكل و تعال
خلف : ابشر طال عمرك
ابو سلطان : تبشر بالجنه
-
بيان : اي وش صار
خلف : م صار شي يبيني اروح معاه بعد م اخلص
اريام : اي زين اسمعوا انا بطلع شوي وبجي
خلف : طيب
بيان بتوتر : يوه بتخليني لحالي معاه
خلف ب ابتسامه : وش فيتس ياخوتس
بيان : سلامتك
راحت بيان عند الاكل تشوفه خلص ولا بعده و راح خلف وهو ضايع في غرامها مشى من وراءها و حط يده على خصرها : ها خلص الاكل ولا بعده
بيان بصدمه و توتر : هااه لاا بعده
خلف : وش فيتس لا تخافين الباب مقفل
مسكت بيان يده بخجل : إذا أحد جاء نروح فيها كلنا اعقل
خلف : انا قلت لتس مقفل الباب ليه خايفه
جت اريام و دقت الباب : افتحواا الباب جعلكم ال مانيب قايله
بيان : خلف رح افتح اخلص
خلف وهو يضمها أقوى و أقوى : واذا قلت لتس ماني فاتح
بيان بخجل و توتر : رح افتح عشاني طيب
خلف : ابيتس انا
اريام : افتححواا
راح خلف و فتح لها الباب : وش فيتس انتي مخبوله تصارخين كذا؟!
اريام : م تسمع انت و ياها؟ صار لي ساعه هنا وش تسوون
بيان : م قاعدين نسوي شي ادخلي بس
اريام : طيب طيب
خلف بغضب : رايح انا شوفوا الطباخ زين
بيان : وش فيك ع وين؟
خلف : سلامتس كملوا الطباخ وااذا بغيتوا شي قولوا لجدتي تجيكم
بيان : طيب
اريام : وش فيكم م تفتحون؟!
بيان بتوتر : وش فيتس تسألين عشرين مره قلت لس انشغلنا ب الاكل م سمعنا
اريام : طيب طيب
بيان : بروح شوي برا و بنادي لس وحده من البنات
اريام : وين رايحه انتي؟!
بيان : باخذ لي بريك بس شوي تعبت
اريام : طيب نادي لي ديوم ابيها
بيان : زين
-
اميره : وش فيكم شصار
بيان : ديم روحي عند اريام ساعديها
اميره : بروح معتس طفشت
بيان : تمام بقعد انطركم
ديم : وش فيتس متوتره
بيان : سلامتس
راحوا ديم و اميره للمطبخ و جلست بيان تنتظرهم ف المجلس الخلفي لحالها و اتصلت على خويتها : سلاام
ندى : ارحببببي
بيان : البقى
ندى : اي عسى ما شر وش صار!؟
بيان : ندوو والله جاني توتر مليون
ندى : وشو تححممسستت
بيان : تخيلي تركتنا اريام وووو ........
ندى : احح بديناا يعنيي
بيان : و تجي مداهمه اخر شي قلبي شوي و يطلع
ندى : احمدي ربس ترا ملايين يتمنوه
بيان : م قلت شي انا بس تخيلي فجأه ونتي تشوفين الطباخ يجي احد وراتس ومدري وشو
ندى بضحك : عادي يقلبي وش فيتس دامه يحبتس اكيد مو نيته شي عليتس
بيان : اخ وربي ادري بس انا شلون اناظره وربي اني مستحيه منه
ندى : م عليتس انتي انسي بس
بيان : زين بطفي بشوف البنات
-
اميره : خلف شف ذا شلون يستوي
اريام : انت م كنت بتروح و معصب ومدري وشو
خلف : اذلفوا بس انا بسوي خلاص
ديم : اي احسن
ناظرها خلف بضحك : اطلعي بس
ديم : طيب طيب
دخلت عليهم بيان الي م تدري اي شي : بنات جيت تبون مساعده
لف خلف وراء و ناظر الباب وهو يسمع صوتها الي خطف حسه ونسى الي حوله
ديم بصوت عالي : بيون تعالي ساعديهم انا رايحه
دخلت بيان اول م وقفت عند الباب و تشوف خلف الي يطبخ : يويلي ويلاه
ديم : ادخلي ادخلي
همست بيان : لا لا انتي ادخلي بروح
ديم : قسم بالله كف
لف خلف وراء يبي يقول ل اريام تجيب ال صحون : اريا..اام
اريام : وشو انطق اسمي زين
خلف : هااه ابد سلامتس بس جيبي ال شسمه الصحون
بيان وهي الي حتى مستحيه تحط عيونها ف عيونه : تبوني اسوي شي
اريام : لا سلامتس اذلفي للصاله
خلف : ايه انا ابيتس تعالي شوفي الاكل
بيان وهي منزله راسها بخجل : تمام
خلف ب ابتسامه : ارفعي راستس ليه منزلته
رفعت بيان رأسها بتوتر : ها وشو
قرب خلف منها وهمس لها من وراءها : لا تخافين بروح انا رتاحي
بيان ب ابتسامه خفيفه : مانيب خايفه أقعد
خلف : صادقه؟!
بيان : ايه
خلف : اقول ل اريام تطلع
بيان : لا لا خلف اعقل
خلف : انا يوم اشوفتس شلون اعقل
بيان بخجل : خلف بس
خلف : وشو
بيان : خلاص اطلع انا و اريام بنسوي الاكل
خلف و يمثل انه زعل : اجل خلاص رايح
ناظرته بيان : خلففف يوه خلاص
ضحك خلف : زين خلاص بطلع بطلع
-
وفي المجلس :
سعود : خلصت؟!
خلف : لا م خلصت قلت لهم شويات و بجي
سعود : ترا والله جدي بيهاوشنا
خلف : تعال نقنع جدي نروح بكره م فيني حيل ليوم
سعود : مشينا
-
ابو سلطان : وش فيكم
سعود : جدي عادي ناجل الروحه لبكره!
ابو سلطان : وش عذركم
خلف : توني مسويين لعشاء والله م فينا حيل نروح
ابو سلطان : زين زين بكره الصبح نحرك
خلف : اجل تم
-
راكان : يعيال انا راجع
وليد : باقي باقي اصبر
راكان : وراءي شغل والله بعد شوي بجي اخذ امي و اختي
فيصل : ونا رايح معاه
وليد : كلكم رايحين؟!
سعود بضحك : انا معك لا تخاف
خلف : انا و سعود م صدقنا ان جدي وافق
وليد : ودي اجي معكم عادي؟
خلف : يكون خير منك
راح سعود و فتح الاغاني و الشيلات عشان ينطربون
سعود : اوف اوف ي خليف انت منو ماخذ مخك
خلف بضحك : اخ ي سعود والله مو مخي اخذوني كلي
سعود : يراسي راساه انسحر الولد
وجلس خلف يكمل غناء و سعود يعزز له
-
اميره : يالله خلصنا
بيان : الحين وش نسوي!؟
ديم : نعطيهم العشاء اجل وش بعد
اريام : انا بعطي الحريم و انتم اعطوا العيال و صحن لنا
ديم : زين زين
انفال : ريوم انا معتس و اميره و بيون مع بعض
بيان : اخلصوا والله الجوع لعب فينا
اميره : طيب تعالي معاي نودي لهم
-
ف المجلس الي كانو طربانين و خلف الي يغني :
منهو وقع في حبهاا م تهنىى
في وصفها تتعبب تعاابيير شاعر
ياليتنا من حبها قدد سلمناا
اميره بضحك : والله جوهم بطلل
دخلوا بيان و اميره عندهم و كانوا سعود و خلف طربانين م حسوا ان البنات دخلوا و هم معطين البنات ظهرهم
اميره بصوت عالي : خلاص تعشوا بعدها كملوا
سعود : يمه يمه متى جيتي انتي
وكان خلف مكمل يغني ولا داري ربه وين حاطه
ضرب سعود كتف خلف : ولد طفي طفي
خلف : هاه وش فيك
اميره : خلص العشاء
خلف : يعطيس العافيه
بيان بضحك : خربنا جوهم تعالي بس
لف خلف ظهره بصدمه : انتي هنا؟؟
بيان : اي هنا
سعود : انتتييي بعد كنتي هنا ؟؟؟؟
بيان : ايه ايه
سعود : ليتك ساكت ي خليف صوتك وصل ل عند الناس
بيان بضحك : لا ابد كمل كمل صوتك حلو
خلف : منهو؟
بيان : انت
سعود بضحك : لا تمدحينه راح عليكم في وحده فبااله
بيان بصدمه : وشو؟
خلف الي انصدم من كلام سعود : وش تهبد انت
سعود : ونا صادق
بيان : اها تمام اجل الله يخليها لك اميره امشي
خلف بغضب : انت مخبول مريض وش قاعد تقول
سعود : وش في امها ذي زعلت؟
خلف : اسكت بس
-
اميره : بيان وش فيتس ضايقه !
ديم : اي والله وش فيتس وش صار قولي لنا
بيان : م فيني شي أكلوا انتم
اريام : والله طعمه ولا أروع
بيان : أموره بسألتس
اميره : ها وشو
بيان : صادق سعود خلف يحب وحده؟
اميره بضحك : اييهه يحب اريامم
اريام : وجع ي اميره شذا الكلام
ديم : لايكون ذا الي شاغل بالتس
بيان : هاه لا ابد
-
بعد م طلع الكل و رجعوا لبيتهم.
ام عامر : والله مدري شفيه ذا طول
ام سلطان : طيب ي بنتي ناموا عندنا الوقت متأخر م يصلح تروحون الحين
بيان : ودي انام نعست
ام سلطان : تعالي اخذتس لغرفه و امتس اعطيها الغرفه الزايده
بيان : طيب مشينا
ام سلطان : خلاص انتي نامي ف غرفة خليف و انا بعلمه
بيان بصدمه : ووشووو و خلف وين ينام؟
ام سلطان : وجع وش فيتس انتي تراه زي اخوتس
بيان : مابي مابي
ام عامر : الا تبين غصب عنس الناس حلفوا علينا ننام عندهم باقي تتشرطين؟
بيان : طيب شوفي خلف إذا هو موافق؟؟
ام سلطان بصوت عالي : خخلللييييفففففف
ركض خلف بصدمه : هااهه ووشوو
ام سلطان : انت م بتنام ب غرفتك اليوم
خلف ب استغراب : اجل وين بنام
ام سلطان : ام عامر و بنتها بينامون عندنا اليوم و م فيه غرفه فاضيه ونت غرفتك الوحيده مرتبه
خلف : و اميره و انفال و سُميه؟
ام سلطان : ذول ثلاث الغرفه ب العافيه بالعتهم
خلف : طيب
بيان : إذا م موافق عادي بدبر لي مكان
ام سلطان بضحك : ماله داعي انا بعطيك فراش و وساده و نام ب الأرض
خلف بضحك : صادقه انتي؟
ام سلطان : ايه وش فيكم انتم مصدومين كأنكم شايفين جن
ناظروا خلف و بيان بعض بصدمه
ام سلطان : يالله أذلفوا الحين
خلف : تمزحون انتم؟
بيان بضحك : الواضح انه لا
دخل خلف للغرفه وهو مصدوم صحيح انه يحبها بس م توقع ابدا بيجي اليوم الي بتنام ب غرفته وهو موجود
ودخلت وراءه بيان الي كانت خجلانه منه و حطت راسها
و فرش خلف لنفسه : بطفي اللمبه ترا
بيان بخوف : لاا لا م انام ب ظلام
خلف : وش فيتس ترا محد بياكلتس
بيان بخوف : طيب
طفى خلف اللمبه و حط راسه و غفى و بيان الي كانت خايفه و مو قادره تنام سمعت صوت من خارج الغرفه و قفزت عند خلف برعب : يمهه خلف قمم
قام خلف منخرش : ووشووو شصصاار أعوذ بالله من الشيطان
بيان : فيه صوت براا
خلف و ناظر الساعه : هالحين؟ من صاحي ذا الوقت
بيان بخوف : مدري مدري قم شف
خلف : يليل طيب اقعدي بجي
بيان : والله م اقعد لحالي
خلف بضحك : امشي طيب
خرج خلف و خرجت بيان الي كانت ماسكه يد خلف وهي ترجف من الخوف و الرعب : وش فيتس انا معتس لا تخافين فجأه وهم يمشون ضرب كتف خلف ف احد : بسم الله
بيان : يمهه وش ذاا
خلف : ي بيان الله يهداس بشويش على ايدي بتنكسر اصبري بفتح اللمبه
اول م فتح خلف اللمبه و تنط بيان ف حضنه من الخوف : هذا ويش جني ولا وشوو
اميره بصدمه : خلفف بييانن وش تسوون هنا قل أعوذ برب الفلق
فتحت بيان عيونها وهي مرعوبه : اممييرهههه؟؟؟؟
خلف بضحك : كسرتي ظهري قسم بالله
اميره : اوببااا قصة حب هنا وش
بيان : ي حيوانه وش تسوين انتي م قدرت انام من الصوت
اميره : اطبخ لي اكل
خلف : م كفاتس العشاء؟؟!؟
اميره : م يجوع الإنسان وشو اذلف بس انت و الي معك
مشى خلف و م استوعبت بيان الا وهي ماسكه ايد خلف بقوه مقدرت تفك منه من الخوف : معليش اسفه
خلف ب ابتسامه : م عليتس امشي بس
دخلوا للغرفه :
خلف : هاه أرتحتي يوم عرفتي
بيان : ايوا
قام خلف يطفي اللمبه
بيان بصوت خفيف و خوف : تكفى لا تسكر اللمبه
ناظرها خلف وهو يشوفها خايفه : ابشري
بيان : خلف بسألك
تكتف خلف ب استغراب : سمي
بيان : صادق سعود؟
خلف : وشو صادق
بيان : يوم يقول في وحده ف بالك و تحب اريام مدري وشو ؟
خلف : ونتي صدقتي الكذوب ذا يمزح
بيان : في ذمتكك
خلف : اي والله بعدين ليه تسألين؟ ي الغيوره
بيان : وشو غيوره اسأل بس بعدين مو مهتمه اصلا في من تحب ومن م تحب
خلف : ونا بسألتس تحبين فيصل انتي؟
بيان بصدمه : لا وين وين
خلف : اشوفه يقرب منتس كلشوي؟
بيان : طيب عادي وش فيها
خلف : عادي؟
بيان : ايه عادي بعدين تراني ميانه معاه اكثر منك
ناظرها خلف بضيقه : تمام بنام تصبحين على خير
بيان : وش فيك؟
خلف : نامي نامي بكره يجي فيصل تقعدين معه
بيان : اي بقعد معه نام بس
-
اليوم الثاني :
صحت ام سلطان و قامت تصحيهم يتجهزون : سعيدان قم يولد قمم والله حتى امهاتكم م منهم فاييده
سعود : هاااه هااهه قمت قمت
ام سلطان : خخليفف و بيان قوموا قوموا لا بارك الله فيكم وش ذا النوم اليوم
خلف : هممم
بيان : هذاني قمت ي جده
خلف : اهخ ي ظهري وش النومه ذي
ام سلطان : وش فيك
خلف : توبه انام ب الأرض ثاني مره
بيان بضحك : قم لا تهاوشنا الحين
خلف : طيب طيب
خرجت بيان و راحت للحمام ( يكرم القارئ )
ام سلطان : ويينن خلففف
بيان : اصبري يجده اشوفه
دخلت بيان الغرفه و لقته منسدح ف السرير و نايم و قالت بصوت خفيف : خلفف قم جدتي بتهاوشك
خلف : قولي لها شوي بس والله ان ظهري تكسر
بيان : خليف قم بسرعه
خلف : روحي انطري فيصل يجي
بيان : يليل م خلصنا من ذي السالفه بشوفه فيصل لا تحاتي تراه برا قم بس
خلف : وشووو وش يسوي
بيان : جاء يتفطر معنا و يسولف
خلف : زين زين
-
ام سلطان : هيا اجلسوا كلوا
فيصل : يعطيس العافيه
اميره : اول مره انام نومه مرتبه
بيان : ابي اقعد وسعوا لي
ام سلطان : اجلسي جمب فيصل
ناظرها خلف بحقد و غيره : اي اقعدي اقعدي
بيان وهي تشوفه متضايق منها و معصب من فيصل : يجده ابي مكان ثاني
فيصل : اجلسي جمبي وش فيتس م باكلتس انا
بيان وهي تناظر خلف : طيب
فيصل : ايوا شخبارتس عساتس بخير
بيان : الحمدالله زينه
فيصل : عسى دومم
خلف : ب العافيه عليكم
ام سلطان : توك جلست م كليت شي
خلف : والله ي جدتي م ابي
فيصل : اقعد اقعد
خلف بحقد : لا خذوا راحتكم و كلوا
اميره : وش فيكم انتم من الصبح منفسين
بيان : والله حتنا م ودي اكل ب العافيه عليكم
ام سلطان : مو وجيه اكل انتم قوموا قوموا
دخلت بيان الصاله و هي تدور خلف : اف وينه ذا بعد
ام خلف : وش تدورين ي بنتي
بيان : هاه لا سلامتس ي خاله
راحت بيان للمطبخ بركض و شافت خلف الي كان يشرب ال ماء و جمبه سعود : يوه سعود النشبه ذا بعد
وقفت تسمع لهم
سعود : وش بك؟
خلف : سلامتك
سعود : خليفان تكذب على الكل الا انا اعرفك وش فيك قل بس
خلف : يي سعوودد والله ذا فيصل لعبب ب اعصابي لعب
سعود بضحك : ذا كله عشانه سولف مع بيان
خلف : اسكت انت الثاني لا اهفك بكف
طلع خلف بسرعه وهو معصب و ضايق من المطبخ و شاف بيان و عطاها ظهره
بيان : يربي الحين صدق يحسبني احب فيصل
طلع خلف للحوش و وراءه سعود
خلف : يمه انا رايح مع سعود شوي نشم هواء
ام خلف : زين لا تطول جدك بيهاوش بعد شوي
خلف : زين يمه ان بغيتو شي علميني
ام خلف : تمام انتبه لنفسك
ام عامر : وش فيه زعلان
ام خلف ب ضحك : م عليتس يتغير موده بسرعه
ابو فهد : وين العيال بسرعه رايحين للعزبه
ام سلطان : توهه خلف طلع بسرعه علمه يرد قبل لا يبعدون
ابو فهد : جعلكم ال مانيب قايل تطلعون ليه وحنا قايلين امس من الصبح بنروح
خلف بضيق : نسيت نسيت
سعود : خلاص يبه هذا حنا هنا مو لازم هواش
ابو فهد : انت اسكت بس لا اسمع حسك
سعود : سم
خلف : ي جدي عادي تخلي وليد ولا فهد يروح بدالي والله م فيني حيل اروح
لاحظ ابو سلطان ان خلف متضايق ولا يبي يزيده : طيب فهد و وليد و سالم انتم تعالو معي و خلف و سعود اقعدوا خلاص
راح خلف و باس رأس جده
ابو سلطان : بارك الله فيك
دخل خلف للصاله و اتجه لغرفته وكانت بيان هناك شافها خلف و رجع يبي يطلع سحبت بيان يده قبل لا يطلع
بيان : خلففف
ناظرها خلف : نعم ؟
بيان : وش فيك ؟
خلف : لا سلامتس م فيني شي
بيان : إذا قصدك على فيصل ترا م بيني وبينه شي م احبه وربي ولا رح احبه وانت تعرف ..
قرب منها خلف وباسها على خدها و قال بصوت خفيف
: طيب انا تحبيني؟
استحت بيان وهي مو قادره تنطق ولا حرف و طلعت للحوش مسرعه عند الاهل
-
ام سلطان : اي تعالي كلي
بيان بخجل : جايه ي جدتي
ام سلطان : اجلسي جمبي هنا
بيان : ان شاء الله
ام سلطان : و خلف وين؟
بيان : مدري مدري
همست اميره : وش فيتس؟
بيان : م فيني شي سلامتس
ام سلطان : قومي شوفي لي خلف و سالم
اميره : وهم ليه م يجون بنفسهم؟
ام سلطان : بسرعه خليهم يجون
فيصل : يالله انا استأذن
ام فهد : حفظك الله
اميره : خلفف و سلوم اطلعوا تفطروا
سالم : همم
اميره : قم انت و خلف روحوا افطروا
سالم : طيب طيب
خلف : جايين جايين
طلع سالم و وراءه خلف : جينا جينا
ام سلطان : اجلسوا كلوا
سالم : نبي ناكل ب المجلس لحالنا
خلف : وهو صادق
ام فهد : و ليه أن شاء الله اجلسوا بس
ام خلف : تعال ي خلف اجلس جمبي و كل
خلف : ابشري ي نظر عيني
سعود : ابي الشاي
بيان : هذا هو خذ
ام سلطان : انا بدخل ونتم كلوا زين
خلف : ان شاء الله أن شاء الله
ام فهد بضحك : متى ناويين تعرسون انتم
فهد : يمه الله يهداس كليوم على نفس الحال
ام عامر : فهد و خلف و وليد كبرتوا والله
ام خلف بضحك : بعدنا ندور ل خليف البنت الزينه
خلف بضحك : نختار على ذوقتس يمه
ام فهد : والله خليف مستقبله واضح شكله
اميره : الحمدلله في احد يحس نفسي
خلف بصدمه : لا تحسون ثاني مره زين
ام فهد : متى نفتك منكم
ام عامر بضحك : و بيان مع من
ام فهد : فيصلل
شرق خلف وهو يشرب الشاي
ام خلف : وش فيك بسم الله
خلف : لا ابد سلامتكم كملوا كملوا
بيان : وش فيصل م احبه تراني لا تهبدون من عندكم
ام سلطان : وش ذي السوالف وراهم عمر بعد اصبروا الصبر زين
دخل عليهم عامر : السلام عليكم
ردوا : عليكم السلام ورحمة الله وبركاته
عامر : يالله يمه
ام عامر : يالله نستأذنكم
ام سلطان : بدري؟
ام عامر : والله وراءنا أشغال
ام فهد : الله يحفظكم.
بيان : يلا بنات سلاام
انفال : لا تسحبين علينا هاه
بيان بضحك : ابشري
-
ترقبوا B 4
أنت تقرأ
كل الامان في حُبك وكل الاماني قربك
Randomرواية كل الامان في حُبك وكل الاماني قربك للكاتبة : رهف القحطاني ✍🏻 - ثاني إنطلاقه لي 🤎. - ترقبوا معنا الروايه ✨.
