مصطفى اروح واشوف ليش يدور عليه اني اتذكر كلام ضياء وزيد من كالو ابو ماهر يخاف لا يلاكيها مصطفى
خلي اروح يعني شنو يريد يصير اكثر بعد
مدري ليش فكرت اروحله ما انكر الخوف اتوسد بگلبي لان مصطفى واحد نذل
صعدت كيات ورحت منطقتهم ظليت منتضره يم الباب
صارت الدنيا مغرب اجت سياره حديثه وكفت
نزل منها مصطفى و ويا نسوان ثنين
كلت خلي فتره يدخلون و اروح بصفتي وحده عدها قضايه حتى لو شافوني اهله
شويه وهم اجت سياره ونزل منها رجال شايفته بس معرف وين شكله مو غريب عليه
تعبت واني انتظر صار ليل وكلش بارده واني ملابسه شي
بعد مكدرت لازم اروح دكيت الباب طلع الحارس سئلته عن المحامي وبصفت اني عندي قضيه
مغشيه وجهي جنت راح شويه واجه كال ميقبل قضايه هسه اذا تحبين اخذي موعد
ظليت الح ويا الحارس وبيتنه بمكان بعيد ومستعجله
راح ورجع دخلني للمكتب
مصدكت ادخل شويه اريد ادفه بس
فتره الا اجه مصطفى
شافني وعيونه طلعت بره
اجه اتقرب مني جرني من زندي بدون ولا حرف اخذني طلعني بره
لعنه عليك كلت بس خلي اتدفه شويه ملحكت
شاور الحارس معرف شنو كاله وطلعنه
فتح السياره وصعدني
/ وين موديني ليش متحجي
ما رد عليه ظليت ساكته كلت اكيد راح يسلمني بس بعد احسن خلي الكي مكان اكعد بي على الاقل
ميلت راسي على الكرسي وغمضت عيوني
فتره الا وكفت السياره فتحت عيني اباوع ادور على المركز ماكو هنا بس عمارات
نزلنه وصعدني العماره شكد حجيت وسئلت ميرد عليه عبالك اخرس والمضحك اني مطاوعته جنت بيومها تعبانه اريد بس مكان اكعد بي واتدفه مهتميت وين ما يشمرني خلي يشمرني
دخلنه بشقه مشايفه هيج شي بعمري
مصطفى/ تبقين الليله هنا ونفس ما اطلعين والصبح اني جاي ونحجي
/ وين اتريد اتروح وليش منحجي هسه
/ عندي خطار وشغله بالبيت انخمدي هنا للصبح اشوف سالفتج
/ تمام بس شغلي التدفئه
راح للغرفه شغلها وكال تعالي هنا
أنت تقرأ
اولاد الشوارع
Acciónنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
