:شتاء سدّم:

:البارت التاسع:

كانت سديم ماشيه للمطار وعيونها على شوارع لندن ماتبي تودعها وبنفس الوقت خاطرها بالسعوديه وشوارعها وتشوف فعالياتهم الي محتله التيك توك بين شعور الفقد والشوق والفرحه سديم ضاعت وصلو المطار وركبو الطياره
عبدالعزيز مسك يد سديم: سدومتي ادري بتشتاقين للندن بس السعوديه بتعجبك مافي شي مثل تراب الوطن
سديم: بس وطني لندن
عبدالعزيز: وطنك السعوديه يا بابا مسك خشمه وباس خدها

في السعوديه
نجد: اف فارس معرف وش اختار
فارس: الي يعجبك اختاريه لا تستعجلين
نجد مسكت جبهته: امم بسم الله عليك فيك شي؟
فارس بضحكه وشال يدها: اخلصي اخلصي
نجد اخذت كل شي من حلاويات وشوكلت و شبسات ومشروبات
فارس : مابغيتي؟
نجد: عاد الي بيجيني غيمي مو اي احد
فارس ضحك وشغل اغنية
"خبروه اني على وصله حييت"
وان تفارقنا ترا موتي دنى
لي حبيبً يوم روح ما سليت
"يعلم الله تو ما ذقت العنا"
ولمعت بعيونه دمعة حزن وفقد من تذكر اخته الي خذوها من حضنه وهي تبكي تبيه
نجد التفتت عليه وهي دايم تسمع هالاغنيه ماتدري وش قصته ماتدري انه جرحه جرح اخت خذوها من حضنه
وصلو لبيتهم ونادت نجد الخدم ينزلون الاغراض من السياره لغرفته
نجد دقت على غيم : ورعه وينك
غيم يلا جايهه في الطريقق بس زحمه
نجد: يوو عاد شوارع الرياض دايم زحمه عجلي تكفين عشان بعد نذاكر
غيم: اف مابي اداوم
نجد : للاسف بنداوم واحنا مانشوف الدرب

وصلت سديم اراضي السعوديه وكلها خوف من المجتمع وعاداتهم
عبدالعزيز: يالله ياحلو ريحة البلاد
سديم بسخريه: كلها هواء ماله دخل البلد
عبدالعزيز: لالا البلد ريحته غير
سديم: طيب ياعجل ياحبيب بلدك تعبانه ابي ارتاح
عبدالاله ضربها على راسها: ياقليلة الادب احترمي
سديم بأنزعاج: تعبت ياهوه
عبدالعزيز : يلا خلاص لا تبكين علينا