وف الليل :
سعود : انا رايح انام تامرون ع شي ؟
ام فهد : سلامتك.
خلف : ونا رايح بعد
دخل خلف لغرفته و انسدح على سريره و الي كانت ريحة عطر بيان معلقه فيه : اهخ ي البيان وش سويتي فيني وش سويتي
-
و فـ بيت ام عامر :
بيان : يمه تكفين ابي بكره اروح عند جدتي ام سلطان
ام عامر : مريضه انتي كليوم عندهم عندهم خلاص
بيان : البنات يبوني طيب بعدين بيتنا جمبهم اقدر اجي مشي و اروح مشي
ام عامر : طيب بس مو الحين الوقت متأخر
دخلت بيان غرفتها و جلست و غمضت عينها وهي تتذكر كلشي صار معها هاليوم مع الخلف : والله اني مدري وش شعوري هالحين احبه ولا م احبه
-
اليوم الثاني :
اميره : يمه تبيني اساعدس
ام سلطان : نادي البنات بعد
سُميه : ي جده انا جيت
و رن جوال ام سلطان : الوو
بيان : هلا والله ي جدتي
ام سلطان : عسى ما شر
بيان : جدتي تكفين عادي اجيكم ابي اسهر مع البنات
ام سلطان بضحك : اكيد ي حبيبتي البيت بيتس
بيان ب ابتسامه و فرح : ي بعد عيني والله
ام سلطان : ي اميره بيان بتجيكم اليوم تبي تسهر معاكم
اميره : ي سللامممم حييااهاا
ام سلطان : روحي صحي العيال
ام خلف : ي خالتي العيال ب المجلس صاحيين من اول
ام سلطان : اي زين
-
سعود : كيف النومه معكم
خلف بضحك : اوف والله اطلق نومه
وليد : زينه بس مو زينه
سالم : شنسوي ننام متأخر و نصحى بدري
-
اريام : والله م كنت بجي بس دام بيان جايه قلت نتجمع كلنا
بيان : زين انتس جيتي
اميره : اي زين تعالو المجلس الخلفي نسولف
ام سلطان : وين وين وشو مجلس خلفي العيال هناك
انفال : و المجلس الثاني؟
ام سلطان : خوانتس و ابوتس هناك
اميره : وين نقعد طيب
اريام : تعالي بس نقولهم يطلعون يجلسون ف الحوش وحنا ندخل
بيان : لا وين روحوا لحالكم مستحيل اجي
اريام : والله ي بيانوو من سالفة المطبخ ونتي متغيره فوق تحت
بيان بضحك : انا نسيت ونتي بعدتس الله يهديس
اميره : امشوا وراءي بس
-
وليد : يوه الحين بنروح مع جدي يالله بس سلام
فهد : كلهه منكم جعلكم الي مانيب قايل
ضحك خلف : رح بس رح
طلعوا العيال مع جدهم و باقي خلف و سعود
سعود : خليفان قل لي من ماخذ عقلك
خلف : ي سعود اسكت انت و سوالفك
اميره بصوت عالي : سععوودد و خخلفف
انسدح خلف ب الكرسي : يليل ذي بعد
سعود : اصبررر سو نفسك نايمم
خلف بضحك : تم يالله
اريام : سعود شرايكم تطلعون نبي نقعد هنا عادي؟
سعود : لا مو عادي
فتحت اميره الباب : انا قلت لك اطلعع
اشر سعود على خلف : حرام عليكم الولد نايم
ناظرت بيان تشوف منو النايم و اول م شافت خلف قلبها صار يدق بسرعه : بنات خلاص قالكم نايم اطلعوا
اميره : ونتي مصدقه؟
اريام بضحك : انا اعرف اصحيه اصبروا
بيان : يالله نشوف
اريام : ي خليف القلبب
سعود : وجع وشو القلب هدي ي بنت
بيان بصدمه : صادقه ذي؟
انفجر خلف من الضحك وهو يمثل انه نايم : ي سعود والله م قدرت امسك الضحكه
اميره : شفتيي ي بياانن كذوب ذا يمثل
خلف : وش تهبدين انتي
سعود : شف الثلاث ذول يبون يقعدون هنا
خلف ب تعجب : انا اشوف اثنين من الثالث انفال؟
سعود : لا
خلف : سُميه؟
سعود : لاا
خلف : ديم؟
بيان بضحك خفيف : قال اساميهم كلهم الا انا
خلف ب ابتسامه حاده : اجل بيان؟
سعود : ايواا
خلف : وينها؟
سعود : برا ناطره البنات
خلف : صادق انت؟
سعود : اي والله وش بك
اميره : يليل وش تبي ف بيان انت قم بس
وقف خلف وهو يدورها
اريام : اقول يلاا بس برا
دخلت بيان : وافقوا.؟
سعود : اصبري علي ي اميره اصبري بس
سعود : ونت الثاني وين مخك
ناظره خلف : لا تسألني مضيعه
ناظرته بيان و ابتسمت و راحت عند البنات
اريام : يالله بس اطلعوا
طلع سعود و خلف و اتجهوا للحوش
ابو فهد : والله البيت صار فاضي يوم راحوا مع ابوي
ابو خلف : تشوف
ابو فهد بضحك : وين اميره والله اشتقت لصوتها
ضحك خلف : ي عمي انت لحين تقول اشتقت لصوتها و اذا غنت تهاوشها م ندري وش بضبط
ابو فهد : شقصدك هااه
ناظر خلف سعود و ضحك : م قصدي شي والله
خلف : والله لو سلوم هنا سووا لنا جو
ناظره سعود : ونا ي الوسخ وش مقصر فيه
خلف : لا ابد م بك قصور
سعود : لا لا سلوم بينفعك
ضحك خلف : وش بك انت امزح امزح
سعود : طيب وش نسوي الحين لا طلعات ولا سوالف
وقف خلف بحماس : اجلل م عندنا غير الطرب هياا بنا
سعود : تمم
شغل سعود الاغاني و الصوت عاليي و الكل يسمعهم
-
ام سلطان : وقته الازعاج الحين وش ذا
اميره : ي امي خلهم يولون
ام فهد : اي يخالتي والله م عندهم شي يسوونه
ام سلطان : ابي ارقد انا شوي
ام فهد : طيب قولي لهم م راح يسمعون كلامي انا
اريام بضحك : ودي اشوف شكلهم وجدتي تهاوشهم
انفال : امشي نشوف
--
ام سلطان : قفل قفلل بس هذا الي فالحين به
سعود : يوهه
خلف : ي جدتي وش تبينا نسوي الناس اجازه لا طلعات ولا شي ملينا قسم بالله
اميره : طلع لسانه ذا بعد
ام سلطان : اطلعوا تمشوا عادي جدكم مهوب هنا
سعود بحماس : صدقق
ام سلطان : اي اي
خلف : تمم تمم مشينا ي سعيدان
اميره : ببنات نروح معهم؟؟؟؟؟
اريام : ايي ايي مشينا
بيان : لاااا
اميره : الا على خشمتس امشي بس
ام سلطان : يولد اصبر خذوا معكم البنات يغيرون جو
سعود : يليل نشبه نشبه
خلف من بعيد : طيب بسرعهه
ركب خلف وهو مستانس و اخيرا تحرروا من البيت و سعود الي حط المسجل فلل و البنات الي وراء طربانين
معهم : و اخييراا طلعنا من السسجنن
ضحكت اميره : انششهد بالله و اخيرا
خلف : تبون بقاله؟
سعود : ايه ايه وقف
خلف : هيا انزل
اميره : وحنا م بننزل يعني؟
ناظرها خلف : من متى تنزلين هاه؟
اريام : تكفى تكفى شوي م بنطول
بيان : اجلسوا خلاص سعود راح بجيب لنا معه
خلف : اسمعوا الكلام
اميره : خليف تكفى انزل معنا لو تبي
خلف : لو ابي بنزل بدون م تقولين
اميره : يحمار قلنا لك شوي بسرعه
خلف : خمس دقايق ان م جيتوا يويلكم
نزلوا اميره و اريام و بيان الي م تحب تنزل البقاله
ناظرها خلف : وش فيتس م نزلتي معهم؟
بيان : م احب انزل البقاله
خلف : انزلي انزلي سعود هناك م عليكم شي
بيان : انزل معنا و بنزل
ضحك خلف : والله ان تبشري امشي يالله
طلع خلف و طلعت بيان و راحت تاخذ لها مع البنات وهي مو متعوده تنزل للبقاله الا مع اخوانها لأنها تتوتر
سعود : يالله اخلصوا
خلف : خلهم انا هنا خلاص.
اريام : انا خلصت بروح للسياره
مسكها خلف : وقفي وقفي انا اروح و تروحون وراءي لحد يسبق الثاني
بيان و اميره : خلصنا يالله مشينا
ركبوا للسياره خلف : هاه شريتوا و خلصتوا
اريام : اي مشكور مشكور
ضحك خلف : العفو العفو
اميره : بنرجع؟
سعود : اجل وشو
خلف : لفه و ننزل البيت
اريام : ليهه
خلف : والله اني مصدع مب فاضي لكم ابدا
بيان : سلامات سلامات
خلف ب ابتسامه : الله يسلمتس
وصلوا للبيت و لمحوا سياره عند باب بيتهم
خلف : اصبروا لحد ينزل اشوف ذا من
اريام : ابشر
خلف : من انت؟
رد عليه : انا حمد جيرانكم الجدد
تكتف خلف : ايوا عسى ما شر وش تبي؟
حمد : وين ابو سلطان؟
خلف : والله مهو فلبيت اليوم راح و بيرجع بكره او بعد بكره بس ليه وش تبي؟
حمد : لا ابد بس ابوي يعرفه من قبل و يبيني اسلم عليه ومن ذي الخرابيط
خلف : انا بعلمه إذا جاء لا تشيل هم
حمد : يعطيك العافيه
راح حمد و نزلوا من السياره : من ذا؟
خلف : يقول ابوه صديق جدي مدري وش يهبد عاد ادخلوا انتم
بيان : ليه ونت على وين؟
ضحك خلف : داخل م بروح مكان
اريام : بيان و الخلف ادخلوا
بيان : جايين لا تحاتين
ام سلطان : مسرع جيتوا
خلف : والله ي جدتي مصدع شويات و جينا
ام خلف : وش فيك ي يمه؟
خلف : سلامتس صداع بس
دخل سعود و خلف للمجلس و البنات الحوش
-
خلف : ي سعيدان باخذ لي بريك شوي
سعود : ايه نام نام
ضحك خلف و انسدح ف المجلس : قُسطا من الراحه
سعود : طيب طيب خذ قسطا من الراحه بطلع انا
خلف : صحيني بعد شوي هاه
سعود : زين
-
ام سلطان : وش فيك خرجت وين خلف
سعود : راح ينام شوي
ام سلطان : تمام
دخل سعود للصاله يطقطق ب جواله
اريام : سعوددد
سعود : وجع وش فيتس
اميره : وين خلف؟
بيان : اي والله وينه غريبه مو مع بعض؟
سعود : راح ياخذ قسطا من الراحه ع قولته
انفجروا البنات ضحك : اخ يراسي منه
سعود : وش تبون فيه
اريام : نبي نسوي فعاليه كذا معاكم بس مو وجيه فعاليه انتم
سعود : ترا بعد شوي اصحيه م عليكم
بيان : لاا خله خله نايم
سعود : والله عاد هو الي قال اصحيه مب انا
بيان : طيب طيب
-
بعد مرور ساعات و وقت :
اريام : بنات انا راجعه والله محمد اخوي يهاوشني الحين
بيان : تمام انتبهي لنفسس
سُميه : ونا رايحه انام عشان اصحى اذاكر
اميره : موفقه
بيان : باقي انا ونتي
اميره بضحك : عادي الحين سعيدان يصحي خلف و نتجمع م عليتس
بيان : طيب
-
سعود : خلييف قم قم
خلف : خمس دقايق
اميره : وش فيه
سعود : م يبي روحي صحيه انتي
اميره : نومة اهل الكهف قمم ي الخلفف قم
خلف : قمتت قمتت فجرتي اذني وربيي
ضحكت بيان : أرتحتي لحين
اميره : اسمعوا نبي نتابع فلم رعب تكفون
خلف ب تعجب : وين ان شاء الله؟
اميره : هنا وين بعد
خلف : طيب بروح وبجي انا ثواني
سعود : ونا بجهز الفلم و بشوفكم بعدين شلون تنامون
بيان بضحك : من قالك اننا نخاف افتح بس
جلس سعود و جمبه اميره و دخل خلف و كانت بيان جمبه : صادقين انتم؟
سعود : اي م عليك م يخافون
خلف : اجل نشوف
شغل سعود الفلم و جلسوا يتابعون و قدامهم الاكل و اللمبه مطفيه و اميره و بيان ميتين رعب و مسويين انهم م خايفيين وفجأه اميره و بيان : يمههههه
خلف و سعود : بسم الله الرحمن الرحيم وبه نستعين
اميره : سعيدان تكفى اجلس جمبي يمه يخوف
ضحك سعود : م تخافين اجل.
ناظر خلف بيان الي ميته من الرعب ضحك و قال : يخوف ولا لاا
بيان : خلف اسكت تكفى
خلف : لا تخافين لا تخافين
وقفت بيان و شغلت اللمبه و طفت الفلم : يمه تكفون خلاص والله م يجيني نوم عقب ذا كله
اميره : بهرب لغرفتي عند البنات.
سعود : اجل انا رايح الله معكم
ناظرت بيان خلف بخوف : ونت بعد بتروح
خلف : وين اروح و اخليتس لحالتس
بيان : امشي غرفتك
خلف : امشي انتي قدامي بعد
بيان : ليه؟
خلف : تستعبطين ي بيان وين ب تنامين يعني؟
بيان ب ابتسامه وهي تشوفه مهتم فيها جدا : طيب امشي ونا وراءك
دخل خلف و دخلت بيان وراءه
بيان : خلف تبي تنام ب السرير بنام ب الأرض انا عادي
خلف : لا ليه؟
بيان : مو قلت ظهرك يوجعك
ابتسم خلف : لو السالفه فيها انتي انا عادي عندي يصير اي شي ف ظهري
بيان : م يصير فيه شي ان شاء الله بس صدق تبي تنام فيه؟
خلف : لا نامي نامي
بيان : براحتك طيب بس لا تطفي اللمبه!
ضحك خلف : م بطفي م بطفي نامي
بيان : طيب
خلف : اسمعي بس قبل لا تنامين
بيان : وش
خلف : بقولتس شي انا مدري اذا انتي تبيني ولا!
بيان : م فهمت
خلف : إذا خلصتي دراسه بجي اخطبس!
بيان بصدمه : صادق انت؟
خلف : ي بيان انا م اعرف انتي تبادليني نفس الشعور ولا لا بس الصدق والله اني ابيتس ولا ابي غيري ياخذتس
غمضت بيان عيونها و قالت : إذا تبيني ماحد بياخذني غيرك ان شاء الله
ناظرها خلف ب ابتسامه و فرح : اجل تم
بيان بضحك : تم ان شاء الله تم
انسدح خلف و قال : والله الحين تجي النومه البطله
بيان : تصبح على خير
خلف : ونتي من أهل الخير يعيني
-
اليوم الثاني و تحديداً فـ بيت ابو محمد :
ام محمد : الحمدالله ع سلامتك م بغينا اخيرا جيت
ضحك محمد : الله يسلمس ي الغاليه
ابو محمد : عازمين الناس عشان رجوعك
محمد : طيب انا بنام شوي تعرفون مشوار وصداع
راكان : منو جاي!؟
ام محمد : منو بعد
راكان : طيب طيب
-
بيت ابو سلطان :
ام سلطان : اليوم ام محمد عازمتنا على العشاء
ام فهد : عسى ما شر؟
ام سلطان : عشان ولدها محمد رجع
-
يُتبع 🤍🤍.
أنت تقرأ
كل الامان في حُبك وكل الاماني قربك
Randomرواية كل الامان في حُبك وكل الاماني قربك للكاتبة : رهف القحطاني ✍🏻 - ثاني إنطلاقه لي 🤎. - ترقبوا معنا الروايه ✨.
