ام سلطان : جهزوا نفسكم المغرب بنحرك
ام خلف : مع خلف بنروح؟
ام سلطان : اي معه علميه المغرب يخلص هو و سعيدان
ام خلف : ان شاء الله
-
بيان : ابي ارجع ابدل ملابسي
اميره : ارجعي طيب علمي خوانتس
بيان : عبود مع اخوياه و عامر م يرد جواله مغلق اخ
اميره : طيب قولي ل سعود يوديتس
بيان : صادقه انتي؟ يعرف يسوق؟
اميره بضحك : لا والله
بيان : يوهه شكلي بقعد كذا
اميره : طيب روحي مع خلف عادي
بيان : مستحيل مستحيل
اميره بتعجب : وشو مستحيل امشي انا بقوله
بيان : لااا تكفين لا
اميره : الا الا امشي حنا بنروح ونتي اقعدي فلبيت لحالتس تبين كذا؟
بيان : اف طيب
...
اميره : خلوف اسمع
خلف : هممم
اميره : شسمه بيان تبي ترجع البيت و خوانها م قاعدين يردون و حنا بعد شوي رايحين بيت خالي ابو محمد
خلف : ايوا المطلوب؟
اميره : عادي تأخذها بيتها؟
ناظرها خلف بتعجب : انا؟
اميره : من غيرك خلف بعد؟
خلف : طيب طيب قولي لها تجي ب السياره انا
اميره : تم
...
بيان : وش قال؟
اميره : وافق بس اسمعي واضح ان مزاجه ماش لا تسولفين معه
بيان ب استغراب : اها تمام
...
ركبت بيان للسياره..: ااء خلف
خلف : هاه
بيان : عسى ما شر وش فيك متضايق؟
خلف : لا والله سلامتس
بيان : خلفف قل وش فيك؟
خلف : ي بيان لا تضغطين عليي الي فيني مكفيني
ناظرته بيان بـ حزن : طيب براحتك
ناظرها خلف ب ابتسامه : لا تضيقين والله م فيني شي
بيان : احلف
خلف بضحك : والله
بيان : اي زين
خلف : بتروحون بيت عمي ابو محمد؟
بيان : ايوا ليه
خلف : نبي نشوف جمالتس
بيان بخجل وضحك : و جمالكك بعد
خلف : يا بعد عيني
بيان : يالله مشكور اشوفك هنااك بعدين
ضحك خلف : يلا زين
..
ام سلطان : خلصتوا؟؟
ام فهد : ايي خلصنا مشينا
ام خلف : باقي سعود و خلف صبروا
ام سلطان : وينهم ذول سنه يخلصون
ام خلف بضحك : يكشخون
سعود : هذانيي خلصت
طلع خلف وهو لابس الثوب الأسود و كشخته الي كلهم م توقعوا ان ذا خلف
سعود : اوببااا وش ذا الجمال ي الخلفف
ضحك خلف : انا ولا انت
سعود : ي بعد حيي
خلف : هيا امشوا
ام سلطان : امشوا امشوا احنا آخر الناس واصلين
...
وفـ بيت ابو محمد :
ام محمد : ي اريام روحي افتحي الباب
اريام : ان شاء الله يمه
ام عامر : ام سلطان اكيد
ام محمد : اي م باقي الا هي
اريام : يهلاا والله منوريينن
اميره : نورتس نورتس
اريام بصدمه : ذذا خلففف
خلف : لا اجل من
اريام : بغيت ادوخ وش ذا
ضحك خلف : ادخلي ادخلي بعدها دوخي
اريام : طيب العيال ب المجلس
خلف و سعود : تمام
و عند الـ بنـات :
اريام : اوفف م شفتواا خليفف
اميره : بسم الله على ولد اخوي قولوا ماشاء الله
بيان : ليه شصار؟
اريام : اوف اوف فاتس بس
بيان : ووششووو علموني
اريام : والله انهه طالع حريقهه
ديم : وش تبين فيه انتي
اريام : يوم قمت افتح الباب شفته بغيت ادوخخخ
بيان : قولي ماشاء الله وجع
اريام : ماشاء الله ماشاء الله
اميره بضحك : الله يحفظه من عيونس ي اريامو
ديم : حمستوني اشوفه
انفال : بتشوفيه بعد شوي بيدخل يسلم على خالتي ام محمد
بيان و ديم : صدق؟
اريام : نااظرييهه هذاك هو
وقفت بيان بكل حماس و اول م ناظرته تجمدت و معاد تحركت
اريام : وش فيتس انتي
بيان : يويلي ماشاء الله
اميره : لا يصيدكم
ديم : عاد والله م ألوم جدتي يوم كل شوي تمدح فيه
ضحكت انفال : اي والله انشهد
بيان : يليل خلاص غيرو السالفه
ديم : وش فيتس م قلنا شي ترا
بيان : سلامتس
وعنـد العيال بـ المجلس :
خلف : الحمدالله على السلامه
محمد : الله يسلمك
عامر : م صدقنا انك رجعت
محمد بضحك : م عليك برجع اهرب منكم
سعود : اهرب اهرب
فيصل : الله يرزقنا برودك ونت تترك اهلك و تروح
خلف : صادق والله
محمد بضحك : م عليكم مني هاه بشروا لقيتوا الي تصلح لكم
فيصل بضحك : والله عاد ي عامر نبي ناخذ اختك
عامر بصدمه : هااهه وشوو
خلف : منووو وشوو
فيصل : بسم الله وش بكم انتم
عامر : مشكور مشكور دور غيرها
فيصل : افا ي ذا العلم
عامر : والله عاد مالي شغل انا اسألها
خلف : صادق؟
فيصل : ايه صادق
قرب سعود من خلف و همس : خلوف وش بك؟
خلف بـ غيره و حرقان : سلامتك
فيصل : ليه؟
خلف : لا بس مو شرايك تاخذ غيرها شف ماشاء الله اريام و ديم و بنات العالم
ضحك راكان و قال : لو سمحتوا وخروا عن اختي
عامر : معليش والله بس حتى اختي
عبدالله : خف علينا ي فيصلوو والله بيان م تشوفك الا زي اخوها بس
فيصل : والله محد يقول لكم شي انتم
طلع خلف بغضب وحقد من فيصل و وراءه سعود
سعود : وش بك انت؟
خلف : ي سعود ان قلتها لك انه حتى انا ابي بيان
سعود : صادققق؟؟
خلف : اي والله
سعود : و بيان تبيك؟
خلف : م اععرف
سعود : إذا تبيك م راح توافق عليه هدي هدي اعصابك
خلف : وشو هدي انا قلت لك ذا فيصل لاعب ب اعصابي لعب من ذاك اليومم
سعود : يولد ادخل بس و سو نفسك م تسمع
خلف : امشي امشي
عامر : عسى ما شر؟
سعود : م يجيك الشر ان شاء الله ابد والله
-
ام محمد : ي اريام تعالي
اريام : هااه يمه
ام محمد : خذي ذا و اعطيه العيال
اريام : ذاا كلهه انا باخذهه
ام محمد : نادي وحده تجي تساعدس
اريام : بنات من بتجي؟
بيان : انا انا
ام محمد : بيان خذي القهوه و اريام خذي التمر
بيان : ان شاء الله
اريام : تعالي معي
راحوا البنات للـ مجلس :
اريام من بعيد وهي تأشر لمحمد انها بتدخل
بيان : يليل امشي يالله
دخلوا بيان و اريام للمجلس وكانت بيان الي تناظر خلف و خلف الي كان معصب من فيصل ولا ناظر فيها حتى
راكان : هيا اذلفي يالله
طلعت اريام : حييوان وربي محد يعطيهم شي
بيان : ريوم شفتي خلف؟
اريام : اي شفيه؟
بيان : مدري حسيته منفس
اريام : م عليتس منه بعد شوي تلقيه يضحك
بيان بضحك : بس تبين الصدق والله انتس صادقه انا يوم شفته بغيت ادوخ معتس
اريام : ماشاء الله تبارك الله الله يخليه لأهله
بيان : امين يارب
-
ام سلطان : الحمدالله على سلامته
ام محمد : الله يسلمكم
ام خلف : اي شخباركم عساكم بخير
ام عامر : الحمدالله زينين
ام فيصل : الحمدالله
ام محمد : والله زين نتجمع كلنا مره وحده
ام عامر : والله صادقه دامنا فاضيين
-
ديم : يوهه بنات والله طفششش
اريام : امشوا نطلع الحوش نشم هواء.
بيان : اي والله امشي اختنقنا
اميره : اجل تم
طلعوا البنات و جلسوا ف الحوش على الدرج يسولفون و يضحكون...
-
عنـد العيال الي كانوا خلف و فيصل يتهاوشون
عامر : يبوي هدو اللعب خلاص بتذبحون بعض
خلف بغضب : والله م اخليه
فيصل : لو انك رجال تجي الحين
سعود : ول ول ول ي الخلففف خله يولي
همس راكان : خذه شوي برا يهدأ و حنا بنكلم ذا
سحب سعود و عامر خلف للحوش و خلف الي كل كشخته راحت في ذا الهواش و شماغه الي معلق على كتفه و العقال ف يده
سعود : خلااص يبوي اهداا
خلف بعصبيه و صوت عالي : انت شايف حركاته و تقول لي اهدا صاحي انت والله م اسكت له
مسكه عامر : خلاص ي خلف هدي هدي
اريام بصدمه : وش بهم ذول
بيان بخوف : ذا مو كأنه خلف و سعود؟؟
اميره : اي والله و ذاك عامر اخوتس
بيان : يمه وش فيهم
اميره : مخبول ذا وش به معصب
ديم : والله شكلها اشتعلت الحرب عندهم
اميره : صبر بروح اشوفهم
سعود : وش فيتس انتي؟
اميره : وش فيكم؟
همس عامر : تهاوشو هو و فيصل خلاص قفلي السالفه تراه معصب فل
اميره : وشش بهه ينزف طيبب
سعود : ي بنت اللذين آمنوا بعدين تعرفين خلاص!!
اميره : طيب طيب
اريام : وش فيهم؟؟؟
بيان : شصار؟
اميره : والله تهاوشو خلف و فيصل من جد
بيان : اي فيه شي؟
ديم : يويلي فيصل م خلا احد الا وهواشه
اميره : والله اخوتس حمار بعد الولد صار ينزف
بيان بصدمه : ووشووو
اريام : يمه فيه شيي؟؟؟
اميره : لا م عليكم جرح بسيط بس والله شكله اشتعلت الحرب صدق على قولة ديم
سُميه : الله يهديهم ويصلحهم
سعود : تدخل؟
خلف : ابي الحمام شوي و بجي أنطر
عامر : طيب ادخل الصاله و انتبه لحد يشوفك
خلف : طيب
مشى خلف و مر من جنب بيان و لأول مره خلف مو طايق حتى يشوف اي احد دخل و راح يغسل وجهه عند المغسله و يعدل نفسه
بيان : بنات شوي لي وبجي
اريام : تمام
-
بيان وهي خايفه تطلع حرف و يفصل عليها وقفت بعيد وهي تشوفه يغسل وجهه و يعدل شماغه و اول م طلع هربت للحوش عند البنات
-
سعود : الحين ادخل و لا تناظر فيه انسى انسى شويات و نرجع تحمل شوي
تنهد خلف تنهيدة تعب : استغفرالله العظيم واتوب اليه
عامر : امشي الحين و خلك معنا م عليك منه
دخلوا و سكروا السالفه و نظراتهم الي كلها حقد للثاني
-
ام سلطان : يالله مشكورين نستأذن حنا
ام عامر بضحك : ها بيان عندكم ولا عندنا
ام سلطان : عندنا عندنا نبيها
ام عامر : اخاف تزعجكم؟
ام فهد : افا وش تزعجنا حرام عليتس والله هاديه البنت
ام عامر : اجل بكيفكم
ام خلف : بنات يالله امشوا بنحرك
خرج خلف و سعود من المجلس و ركبوا للسياره
ام خلف : ي يمه وش فيه وجهك؟
خلف : يمه تكفين لا تفتحين السالفه
سعود : يخاله انا اعلمتس بعدين خلاص لحد يزيد عليه
ام خلف : طيب
ام فهد : الله يهديكم
اميره : امين يارب جميعا
بعد م وصلوا و دخل كل واحد لـ غرفته و بيان الي نفس الحال ب غرفة خلف دخل الخلف يبدل ثوبه و يحط راسه وينام
بيان : خلف
خلف : هاه
بيان : قل لي وش صار معك انت و فيصل
خلف : يليل
بيان : تكفى قل ابي اعرف !
خلف : بيان تدرين ان فيصل يبي يخطبس؟
بيان بصدمه : ووشو وشو وشوو
خلف : اي هذا الصدق
بيان : وهو مصدق اني بوافق؟
خلف : المهم بعد م قال انه يبيتس ومدري وشو خلصنا و جلس يشتم ويتفل ومدري وش يبي يدور الزله عشان يهاوش ونا م تحملت صار لي متى ونا ساكت له والله انفجرت
بيان : طيب الحين يوجعك الجرح؟
ضحك خلف : اي مره مره
بيان : يوه خلف
خلف : لا م عليتس شوي بس.
بيان : طيب اصبر اجيب لك ثلج
خلف : ي عيني م عليتس م فيني شي نامي بس
بيان : صدق؟
ابتسم خلف : صدق صدق
بيان : اجل خلاص تصبح على خير
خلف : ونتي من أهل الخير
-
يُتبع 🤍🤍🤍.
أنت تقرأ
كل الامان في حُبك وكل الاماني قربك
Randomرواية كل الامان في حُبك وكل الاماني قربك للكاتبة : رهف القحطاني ✍🏻 - ثاني إنطلاقه لي 🤎. - ترقبوا معنا الروايه ✨.
