اريد اخباركم من بعد ذالك اليوم أصبحت بذمت متعب لا اعلم كيف ولكن هاذا ما حصل الان قد مرت ايام عيد الفطر المبارك ولم يحدث لي شي من اهلي تنفست بملل وانا اجلس جنب امي الي زاد حبها لي كوني زوجت ولدها تكلمت بضجر/ ي يمهه سوي اي شي يحرك خلايا جسمي احس جسمي تكسر من كثر مجلاسي!
ضحكت ام متعب وهي تشرب قهوتها/ اقولك دام تبين الحركه روحي نظفي المستودعات الي باخر الحوش وجهزي شنطت متعب تعرفين بيرجع لشغله بالجنوب!
هزيت راسي بنشاط على الاقل به شي اسويه رحت يم المستودعات ورفعت اكمام الجلابيه ورفعت اسفل الجلابيه على خصري وربطتها بحث ما تعيق شغلي ربطة شعري كعكعه لني ما عاد البس طرحه بالبيت وبديت بحماس بشغل وانا اغني
اول احسب ان الغلا ضحك وامزوحح
سمرت سوالف بين مركا ومسباح
اثر الغلا بلوة احاسيس وجروح
ولوعة مشاعر بين ذابح وذباح .
وكانت تغني ومكملها شغلها بحماس غريب عليهاا.......
.
.
.
دخل وهو يكلم الي معه/ ذا بيتي بنعيش هنا مع اهلي بسافر معك بكره شهر العسل أن شاء الله بس اول شي نسلم على اهلي!
تكلمت بهدوء وخجل ممزوج بتوتر/متعب صعبه اهلك ما يدرون عن زواجنا بعدين خايفه!
ناظر فيها بهدوء/ عادي ما راح يقولون شي تعالي
مسك يدها وهو يدخل معها بيت ابو متعب...
.
.
مسكت بطنها وهي تحس بسكاكين تنغرس ببطناها نزلت دموعها بوجع صرخت صرخه خافته/ اهه يمه عزامم اههه بطنيي
دخل وهو يلف السبحه على يده شهق بصدمه وهو يركض لها ونزل لمستواهاا/ سجىى وش بلاك وش يوجعكك ؟؟
تكلمت بالم/ بولد تكفى بولددد
شالها بتوتر وخوف وانطلق فيها للسياره بعد ما دق على امه تجي ...
.
.
.
جلست جنبه / سعود قوم صلاة المغرب وانت نايم ياخي ي شين نومة العصر كيف نمت!؟
هزته بقوة يوم شافت نومه ثقل/ سعوددد!
سعود بملل/ نعم؟
تنهدت وهي توقف/ صلاه!
ناظر فيها وهز رأسه وراح يوضي
عجيب ذا الإنسان بعض الأحيان يحبني وبعض الاحيان يضرب بي الجدار
..
..
..
تكلم بفرح كبير/ والله عادي؟
هز راسه بضحكه/ ساهي ي يبه طبعاً عادي مهوب الزواج سنة الحياة؟ فطبعا عادي!
قال بحماس واضح بصوته/ ابيها يبه تكفى ابي ريا!
تغير صوت ابوه وبان في وجهه عدم الرضى/ صديقت اختك ال*#* طبعاً لا ولو على جثتي ما تأخذها
.
.
.
.
خلصت شغلي وانا اشوف المغرب حل وقفت وانا ابي اروح اصلي واخلص شنطة متعب اقبلت على الباب وسمعت امي تقول/ تتزوج عليها وانت للحين ما تزوجتها مغل ملكه ليشش ي متعب؟!؟
تكلم بهدوء وعدم اهتمام/ اول شي الشرع محلل اربع وزواجي من الريم انتي اعلم به وانا ابي بنت انا اول نصيبها وانتي تفهمين قصدي المهم ذي زوجتي تقى ولف على زوجته/ تقى ذي امي..
.
.
.
نزلت دمعه شعرت بحرارتها على خدي المشكلة اني اخذت بنفسي مقلب متعب يحبني!؟!؟
اي حب ذا نفس لافي وسعود وزياد وعقاب نفسهم ما يفرق عنهم بشي يمكن عقاب اهون منهم كونه مطلع وجهه لي من البدايه ام الباقي!؟!؟
شفت تقى تروح لغرفته وقتها تكلم متعب/ يمه يشهد علي ربي ان قلبي ما حب الا الريم بس قدر الله وماشاء فعل ...
مسحت دموعها وهي مستغربه شقصده ما به احد يجرح محبوبه!؟!
....
....
حلم عمري دونه سيوفٍ تسل وحرب رده
ما لقيت الي يعاوني عليه من الاقارب
هاربٍ من زحمة العالم وزيف الموده
وابتسامات الوجيه الي تخبي مآرب
كل يوم تمرني عوج الظروف المستبده
مير انا سدّي على الايام سدّ مأرب
يوم حزن ويوم ضحك ويوم لين ويوم شده
الزمان كأنه يحسب الادمي فار التجارب
تاخرت والبارت قصير لسباب ما سمحت لي ذي الفتره بس افضي ابشرو بالخير
أنت تقرأ
ي ابوي مثل حب متعب للريم ما انت لاقي
Romanceبلاكم ي محبين تاخذون القلوب وتخلون لنا الجسد؟ بلاكم ما تعرفون الحب الشريف؟ ... ليكن حب شريف وليكن بحدود! مشاكل ومصاعب وحب كاذب واخر حب عفيف اتمنى تعجبكم الكاتبه/ ريا العتيبي
