مَن مِثلي .

(البارت الاول )

لو كُنا نعلم كم الحُب صعب لما خاطرنا في قلوبنا ...

السلام عليكم حبايبي ..

وياكم الكاتبة (رُسل الـعَبد).

اليوم اكتب اول قصة من قصصي واحجيلكم عن القصة بتفصيل وراح نبدي ب بطلة القصة( زينب )..

هلا ياحلوين اني زينب صاحبة قصة (مَن مِثلي) القصة يمكن عادية وقصيرة لاكن اثرت بيه وحبيت اشاركها الكم .

زينب من احد المناطق الشعبية العراقية العشائرية المتمسكة بالعادات والتقاليد عاشت زينب طفولة جميلة ولطيفة في وسط اب وام واخوات اثنين.

طفولتي جانت ڪُـلش حلوة كوني البنت الصغيرة المدللة ام خريجة لاكن هيا مو موظفة ابوي دكتور عشت طفولة حلوة مليانة دلال وحب واهتمام اب مُحترم وام جميلة وحبابة ڪُـلش

دخلت المدرسة الابتدائية بااحد المدارس القريبة من المنطقة وجان مستواي زين ومتوسط درست الاول والثاني وجنت ڪُـلش متونسة وكل يوم ابوي يجي ياخذني من المدرسة اني وخواتي وكل مايصير مطر او عجاج بابا ياخذنه بالسيارة وجنا احنه البنات الوحيدات الي نروح بسيارة ابونه هاذا الحجي بسنة 2006 و2007 طبعا غير الونسات الي جنه اروحلها والموصل😍😍 جنه كل خميس اروح للموصل ونستمع باجوائها الحلوة وازدحاماتها الي اجنن🥹🥹.

وجانت كل الناس تحسدنة ؏ هاي عيشتة الحلوة طبعا عشت حياتي من اول ماولدت لحد الثالث ابتدائي اني مايوم شفت ابوي يحجي ؏ امي او يعلي صوتة عليها صح ماخذين عن حُب بس علاقتهم اجنن مليانة حُب واحترام 😔♥️✨.

جان يجي العيد من احلا ايام السنة روح نشتري ملابس من محلات راقية كُلش واحلا الملابس نشتري ونبقى سبوع منومين ملابسنه ويانه 🥺 ويجي اليوم قبل العيد باليل امي جانت تسويلنه( حنة ) ونخليها ؏ ايدينه ونسبح ونام ونكعد الصبح من ال5 نسمع صوت الاذان ونعيد بابا وناخذ العيدية ونعيد ماما وناخذ عيدية وبعدها نتريك ونطلع نفتر لجوارين 😂😂 لدكلولي مجنتوا تفترون قبل ؟؟.

ونطلع بعدها نشوف عمامي ونتغدة يمهم ونرجع ورة الغدة اروح ؏ خوالي ونشبع ونسة احنه وبنات عمي وخالي 🥰.