بعد مرور فتره طويله و إختفائهم عن بعض و انتهت بيان من دراستها :
خلف : يمه و يبه بقولكم شي
ام خلف : عسى ما شر؟
ابو خلف : أمر
خلف : انا ابي اخطب
ام خلف : من تبي؟
خلف : بيان بنت خالتي نوره
ام خلف : زين نشوف اذا البنت موافقه
ابو خلف : اجل نروح و نشوف
خلف : تم
-
ام خلف : هلا والله
ام عامر : يهلا فيتس عسى ما شر
ام خلف : والله مدري وش بقول لتس
ام عامر : وشو؟
ام خلف : والله خلف يبي يخطب بيان
ام عامر : أبركها من ساعه
-
اتجه خلف و ابوه لبيت ابو عامر يتقدم لبنته
ابو عامر : أرحب مليون
ابو خلف : البقى يخوي
ابو عامر : ايوا؟
خلف ب ابتسامه : والله ابي اتقدم لبنتكم على سنة الله ورسوله
ابو عامر : أبركها من ساعه والله
ابو خلف : وحنا جايين نشوفكم موافقين ولا
ابو عامر : والله انا خابر ان خلف رجالا كفو و م منه قصور و م شفنا منه إلا كل خير بس نشوف البنت و نعطيكم العلم
ابو خلف : خذوا راحتكم
طلع ابو عامر يعلم ام عامر و بيان
ابو عامر : ي بيان تعالي هنا
بيان : سم يبه
ابو عامر : جونا الخطاطيب
بيان بتوتر : منو
ابو عامر : خلف ولد سلطان
بيان : صددقق؟؟
ابو عامر : ايه انتي الحين فكري و علميني
بيان : ان شاء الله
ابو خلف : هاه شصار؟
ابو عامر : والله البنت تبي شوي تفكر و اعطيكم العلم ان شاء الله
ابو خلف : اجل تم حنا نستأذن و علمونا ان صار شي
ابو عامر : ان شاء الله
خلف : يوه توتر مليون
ابو خلف : م عليك لا تتوتر خلك متفائل
خلف : ان شاء الله
-
بيان : يمه مدرييي
عامر : والله جتس الفرصه بكبرها وافقي ولا محد غاصبتس
بيان : ابي اقعد لحالي افكر شوي اطلع انت
عامر : زين خذي راحتس و علمينا
بيان : طيب
راحت بيان تصلي ركعتين و تفكر مع انها تحبه ولاكن م تدري وش تسوي...
بعد مرور الوقت
بيان : عامر
عامر : هاه فكرتي؟
بيان : خلاص فكرت
عامر : ايوا؟؟؟
بيان : موافقه
عامر : ابركها من ساعه والله
ابو عامر : هاه شصار
عامر : موافقه موافقه
ابو عامر : اجل تم ونا بعلم ابو خلف
بيان : طيب
عامر : والله ان خلف يحبتس خليتس واثقه فيه
بيان : ان شاء الله أن شاء الله يارب
-
خلف : يوهه يبه م فيني صبررر
ابو خلف : ايواا هذا هو اسكت
ابو عامر : ارحب
ابو خلف : البقى ايوا شصار؟
ابو عامر : نقدر نقول الله يتمم لهم على خير
ابو خلف : الحمدالله يارب
ابو عامر : بس نحدد الموعد و نخلص
ابو خلف : تمام
خلف : هااهه يبه شصارر؟؟؟
ابو خلف : مبروكك مبروك
خلف : صاادقق
ابو خلف : اجل وش
ام خلف : الحمدالله الحمدالله
-
بعد م خلصوا أمور الزواج و غيره..
عنـد البنات الي تجمعوا يباركون ل بيان
الجوهره : مبروك يعيوني
بيان : الله يبارك فيكم يارب
اريام : عاد محد توقع ان خلف بيخطبس
اميره : اي والله بدون كذب احسبه يحب اريام
سُميه : الله يهنيكم ويسعدكم
بيان : امين يارب وياتس
اريام : ايوا متى العرس
بيان : والله مدري عاد يقولون ٥ ولا ٤ شهور
اريام : اوهه
انفال : ابي اشوف شكل فيصل بعد م يدري
بيان : يوه ذا النشبه
اريام : خلونا من فيصل اهم شي خلصنا منه
بيان : اي والله صادقه
-
ام سلطان : مبروك ي خليفان
خلف : الله يبارك فيتس ي جده
ام فهد بضحك : خلصنا من الخلف باقي ذولي متى دورهم
ام سلطان : الظاهر ذول معنا معنا
فهد : بيجي دورنا ان شاء الله م عليكم
خلف بضحك : عاد انا م صدقت اني بلقى اصلا
ام سلطان : الله يوفقكم ويسعدكم
خلف : امين يارب
-
و بـعد مـرور خـمـس شـهـور و فـ يـوم زواج بـيان و خـلف
و عند بيان الي الكل متجمع عليها الي يحط لها المكياج والي يعدل شعرها والي يختار لها العطر و يلي ينقي اكسسواراتها و الخلف الي الكل حوله الي يختار له العود و الي يعدل له عقاله و شماغه والي يرتب له البشت غيره وغيره
-
بيان : يمه ي التوتر
الجوهره : لا تتوترين
ندى : بعد شوي بنطلع لا تتوترين حنا معاتس كلنا معتس
بيان : زين
ام خلف : لا تخافين ي حبيبتي م بيصير شي
بيان : ان شاء الله
بعد م طلعت بيان و يزفوها و الكل فرحان بعرسها و فرحتها
ام سلطان : قومي ارقصي نبي نزوجتس و نفتك منتس
اميره : يمهه
ام فهد : ونتي ي سميوه قومي بعد نبي نفتك منكم
سُميه : تعالو بنات خلنا نقوم نطلع الطاقه الي فينا
اريام : تم
و كـان الكل مشغول ف نفسه الي مع بيان و الي ياكل و الي يسولف والي يرقص والي يصور والي غيره و غيره
و عند الرياجيل الي كان الكل يبارك لابو خلف و خلف و وقفوا العيال الي يلعبون
وجات فقرة التصوير : و دخل خلف و بيان فـ غرفه و المصوره الي تعطيهم الحركات وهم يطبقونها
المصوره : هالحين امسكها من خصرها و انتي حطي يدس على ظهره
بيان : طيب
بعد م خلصوا بيان و الخلف تصوير جوو البنات يصورون مع بيان
و بعد تصوير و عناء طويل خلصنا و اتجه الكل لبيته م باقي غير اهل عامر و أهل خلف
جاء عبدالله اخو بيان و ضمها : والله ان بنفقدس
عامر : من بتهاوش معاه الحين
ضمت بيان اخوانها و دموعها ف عينها
مسكها عامر و مسح دموعها : لا اشوفس تبكين
ام عامر : يالله ي حبيبتي عسى تتهنوا ان شاء الله
بيان : يمه تكفين
ام عامر : وش فيتس انتي تبكين ي بنتي تعودي خلاص بعدين خلف م راح يحرمتس مننا بتشوفينا و بنشوفس
بيان : ادري
بعد م ركبت بيان للسياره و وصلوا للبيت و دخل كل واحد ل غرفته و بيان الي دخلت لغرفتها
خلف : م صدققتت واخيرا خلصنا
بيان بضحك : اي والله الحمدالله
بيان : الحين ابيك تفتح لي الفستان
قرب منها خلف وهو يفتح لها الفستان و بيان الي تحس بيده الدافيه وهو يفتح لها
و اتجهت بيان تبدل ملابسها و تمسح مكياجها بعد تعب
و بعد م خرجت دخلت للغرفه وهي لابسه لبس النوم الي لونه ابيض و شعرها الأشقر الي من يشوفه خلف ضاع فيه
خلف : ي البيان ترانا م اتحمل كل ذا الجمال
ابتسمت بيان : جمالي ولا جمالك
خلف : لا والله انه جمالتس
قرب خلف منها وهو يضمها و يشدها عليه : و اخيرا صرتي ملكي لي لحالي
بيان : قلت لك ان انا لك وماني لغيرك
خلف : ي عين خلف انتي
انسدحت بيان و حطت رأسها و نفس الحال خلف
-
اليوم الثاني :
ام سلطان : وش ذا البيت كله نايم مافيه الا اناا ونتت
ابو فهد : ي يمه الناس نايمين بعد السهر ذا و التعب شلون يصحون خليهم يرتاحون شوي
ام سلطان : جاك الاحساس هاه
ابو فهد بضحك : اي جاني مساكين والله نايمين من قلبهم
ام سلطان : طيب طيب
اميره : اخ يراسي
ابو فهد بضحك : قامت قامت
اميره : اما ذا مشاري
ابو فهد : ليه تحسبيني منو
اميره : انت الي من الصبح تصارخ وش بك مروق ليوم
ابو فهد : هدوءءء
اميره : اخ وربي راسي يوجعني
ام سلطان : اميروهه تعالي ساعديني
اميره بتعب : مشاري تكفى قم انت والله اني مصدعه
ابو فهد : قومي قومي خلي التمثيل
اميره : يحماار وش تمثيل
ابو فهد : على ذي الكلمه والله مانيب قايم
اميره : انا اوريك ي مشاري اصبر عليي بس
ابو فهد : روحي روحي امي تبيتس
اميره : شف بيقوموا الحين
سعود : اوف للحين محد صحى؟
اميره : لا والله كلهم نايمين
سعود : الحين خلف يوم انه تزوج يعني بيسحب عليي؟
اميره بضحك : اي خلاص الحين بينسى واحد اسمه سعود
سعود : اناا اوريه هالحينن
اميره : هييه على وين هدي هدي خلاص تراا مهو زي اول كل م زانت الجلسه تدخل عندهه
سعود : اي والله نسيت
ضحكت اميره : لو اني مو هنا كان دخلت يراسي منكك
سعود : اسكتي بس اسكتي
اميره : يمهه اريام جتت بقعد شوي معها
ام سلطان : م منتس فايده روحي بس
اريام : شصار
اميره : سلامتس تعالي الحوش
اريام : اي زين
اميره : هاه شخبارتس بعد العرس
اريام : يوهه ي التعب تكفين
اميره بضحك : والله م الومتس
اريام : وينها هالحين
اميره : اقولتس البيت كله نايم مافيه الا انا و سعود و مشاري و امي
اريام : اماا والله حنا صاحيين من الصبح
اميره : لا وربي تعب للحين م صحوو
اريام : اقولتس فيصل تجنن يوم درا
اميره : وي وي صادقه؟؟
اريام : اي والله امس ديم قاعده تعلمني
اميره : والله مريض ذا مو صاحي
-
وعنـد خلف و بيان :
فتحت بيان عينها بعد نومه و تعب و بدلت ملابسها و تكشخت و راحت تصحي خلف
بيان : خلف قم طولنا والله
خلف : همم
ابتسمت بيان وهي تشوفه : قم
خلف : قمت قمت
قام خلف و راح الحمام ( يكرم القارئ )
و دخل يبدل ملابسه و بيان الي كانت تحط مكياجها خرج خلف وهو يشوفها تتكشخ قرب منها وهو يبوسها على خدها و يمسك شعرها الأشقر الناعم الحرير : وش ذا الزين من الصبح
وقفت بيان وهي تناظره ب ابتسامه : والله الزين كله اكتمل فيك
خلف : ي ابوي انتي
قرب منها خلف وهو يضمها عليه : اكتمل فيني ولا فيتس
بيان بخجل : والله عاد فيك
خلف : هيا كملي مكياجتس و اطلعي
بيان : تمام
خرج خلف و اتجه للحوش و شاف اريام و اميره يسولفون : السلام عليكم
اميره : عليكم السلام م بغينا اخيرا احد صحى
اريام : انت جيت وين زوجتك هاه
ضحك خلف وجلس : شتبين ف زوجتي انتي
اريام : نبيها خويتنا لا تخطفها مننا
خلف : ابد والله قاعده تكشخ و بتجيكم لا تخافين
اريام : اي زين
خلف : ايوا وين الفطور؟
اميره : بعده م خلص
خلف : ليه متأخرين اليوم
اميره : لا والله انتم المتأخرين للحين محد صحى
سعود : خخلييفف هناا
ناظره خلف : بسم الله وش بك انت
سعود : احسبك بتسحب عليي
خلف : افا ي سعود انا اسحب عليك
سعود : شدراني فيك الحين
دخل عليهم ابو سلطان : السلام عليكم ورحمة الله وبركاته
خلف : و عليكم السلام ورحمة الله وبركاته
ابو سلطان بصوت عالي : ي منيرهه
ام سلطان : سم
ابو سلطان : هاليوم نبي نروح كلنا العزبه نتغدا هناك
سعود بحماس : تم تم تم
اميره : صدق؟
ام سلطان : ايه و عازمين الناس بعد زواج الخلف و بيان
اميره : اي زين
ابو سلطان : بعد شوي جهزوا نفسكم و توكلوا
ام سلطان : طيب
بيان : سلاامم
اريام : يهلاا والله
اميره : يحظتس خلصتي نفستس
بيان : ليه شسالفه
اميره : ناويين يروحون المخيم عشان زواجتس وكذا
بيان : اوه زين علمتوني
اريام : طيب بنات انا برجع بخلص نفسي عقب نتقابل هناك
اميره : تمام
بيان : روحي البسي ونا بروح اشوف جدتي و خالتي
اميره : تمام انتظريني هاه بجي
بيان : زين زين
ام سلطان : يهلا والله ي بيان الخلف
بيان بخجل : ي جده عليتس اسامي انتي بعد
ضحكت ام سلطان : ايه تشوفين
بيان : وين خالتي
ام سلطان : جالسين يلبسون نبي نخلص نلحق نرتب كلشي
بيان : اها اي زين
دخلت بيان عند خالتها ام خلف : يخاله تبين اساعدس؟
ام خلف : لا ي حبيبتي هذاني خلصت
بيان : زين اذا تبين شي علميني
ام خلف : تمام
طلعت بيان و دخلت لغرفتها و كان خلف موجود يعدل نفسه عشان يروحون
بيان : خلف
لف خلف وهو يسمعها : عيون خلف
ابتسمت بيان : متى رايحين؟
خلف : متى تبين انتي نروح
بيان بضحك : خلفف ترا منجد اتكلم متى؟
خلف : امزح معتس هالحين نخلص و نروح كلنا
بيان : طيب
خلف : اللبسي عباتس و طرحتس خلصي نفستس
بيان : ليه ذا كله
خلف : وشو ليه في رياجيل ترا
ضحكت بيان : ي الغيورر
خلف : اللبسي اللبسي خلي السوالف
ام سلطان بصوت عالي : يالله خلصنا اطلعوا
خلف : هيا مشينا
بيان : طيب امشي
طلعوا و اتجهوا كل مجموعه لسياره
بعد وصولهم للـ مخيم :
ونجي عند مُخيم الحريم...
ام فراس : ماشاء الله عليتس ي بيان تهبلين
بيان : تسلمين
ام مالك : متى ناويين تفكون نفسكم من فهد و الباقي
ام فهد بحقد : شتبين ف ولدي انتي ماكل حلال ابوتس
ام مالك ب استفزاز : لا بس تفتكون منه
اميره : خليتس ف عيالتس م عليتس مننا انتي
ام مالك : طيب طيب
-
وعند الرياجيل الي كانوا متجمعين يباركون ل خلف
و فيصل الي مقهور و يناظر بحقد و غِيره وهو للحين ناوي على بيان
همس سعود : ي فيصل لا تفكر تاخذ بيان لأنها صارت ل خلف خلاصص
ضرب راكان كتف سعود : مريض انت تبيه يذبحك مخبول ذا يسويها
ضحك فيصل ضحكة استفزاز : بعد شوي بنعرف
عامر : يويلي وش بتسوي من الحين اقولك وخر عن اختي
فيصل : انت اسكت لا اقوم اهفك
مسك فهد فيصل بغضب : بتقعد تسوي ذي الحركات اذلف لبيتك لا تخرب الجلسه علينا
ناظره فيصل نظرات حقد : وخر انت الثاني
وقف فيصل الي قرب من خلف وهو يهمس له : ف الليل انا بعلمك شلون تاخذ بيان ثاني مره
خلف : اذلف يبوي
فيصل : ههه بنشوف ي الخلف بنشوف
وفـ الليل عند الحريم الي يسولفون و يضحكون مع بعض و البنات الي ف الحوش متجمعين عند النار تدفييهم و يسولفون مع بيان و غيره
و عند العيال الي ب المخيم و فيصل الي يهاوش و م سكت من يوم جاء وهو ناوي على شي خرج من المخيم وعينه على بيان
خلف : سعود اطلع بشويش شوفه والله م ارتحت له
سعود : ابشر
خرج سعود وهو يراقب فيصل الي نظراته م وخرت من بيان اتجه لسيارته و طلع شي و حطه ف جيبه و م لاحظ سعود وش حط لانه كان بعيد و البنات الي كانو متجمعين عند النيران قاموا كلهم و باقي بيان و اميره !!
قرب فيصل منهم وهو يمشي بشويش و سعود الي خايف منه م يدري وش بيسوي ذا ال مخبول
و فجأه قرب فيصل من بيان و سحبها له وهو موجه المسدس على رأسها و مسكر على فمها! و اميره الي تصارخ من قوة صراخها طلعت الحريم و الرياجيل
سعود بصرخه عاليه : خلللفففففففف
طلعوا العيال كلهم بخوف : وش بكك
ناظروا كلهم و سعود الي يأشر بخوف على فيصل
وليد : وشش بيسسسويي ذااا
قرب خلف : فيصللل وخررر منهاا ولا بيستوي شي م راح يعجبككك
فيصل بضحك : لو تفكر انك تقرب والله اذبح الثنتين
ابو فهد بعصبيه : فيصللل قسم بالله ان تسوي شي تندم
اميره وهي تصارخ بصياح : مشاري سلطان تكفون سوو شي بموت
ابو خلف : لا تبكيننن اصبري يختيي
همس وليد ل ابو فهد : مشاري رح من وراء الخيمه و امسك بيان و اميره
انسحب ابو فهد بشويش و اتجه وراء الخيمه و مسكهم و لسوء حظه م اخذ المسدس منه
ركضت بيان وهي توقف وراء خلف و عامر و الدموع مغطيه على عيونها
فيصل : والله ان م تجيبها اذببححكمممم قسسم بالله
خلف : اذبح اذبححح
رفع فيصل المسدس و الي كان حاط عينه على بيان و الكل يصارخ غمضت بيان عيونها وهي مستسلمه لكلشي
فيصل : إذا م كنتي لي م راح تكوني له
و يصوب فيصل و يجي الخلف الي يواجه فيصل و للأسف الرصاصه صاوبت خلف "
فتحت بيان عينها الي كانت تحسب نفسها رح تموت الا و تشوف الكل متجمع على الخلف الي مرمى على الأرض و ثوبه الي كله دم
ام خلف بصياح حاد : وللدييي ي سلطان ولدييي مالي غييرهه لا يصير فيه شي
ابو خلف : مشاري بسرعه شغل السيارهه
اخذ ابو خلف و ابو فهد خلف للمستشفى بكل سرعه
و نجي عند سعود الي مو مستوعب اي شي و منصدم : ففيصصصصللللل انتت وششش سوييتتتتت
وليد : سعود خلاص هدي
قرب سعود من فيصل وهو يضرب فيه و يشتم عليه : قسم بالله ان صار ل خلفف شي م أرحمككك قسم بالله ي فيصل اذبحكك انت والي معكك و م اكون انا سعود
ركب فهد للسياره واخذ اهله معاه و اتجهوا للمستشفى
بيان : ي عاامرر والله ان صار له شيي اذبح نفسييي
عامر : استهدي بالله ي بنت م عليه شي ان شاء الله
ام خلف وهي في انهيار حاد : لا تروح و تخليني ي خلف وش بسوي بدونك انا
ام سلطان : اخ ي فيصصلل الله لا يسامحك وش سوييتت فيه انت وش سوييتتت
خرج الدكتور و تجمع الكل يسأله
ابو خلف : هااهه بشرر وش صاارر
الدكتور : والله حاليا م نقدر نقول شي لازم نصبر و نشوف
ابو خلف : طيب الرصاصه شصار عليها؟!؟؟!!!!!
الدكتور : والله الجرح عميق وحاليا غايب وعيه ننتظر يصحى و نشوف وش العلم
ابو خلف : الله يستر يارب
بيان : شصار ي عمييي شصاررر
ابو خلف : والله ي بيان جرحه عميق و غايب عن الوعي م ندري وش بيصير
ام خلف : الله يسسسترر الله يستررر يارب قوم ولدي ب السلامه
راحت بيان الي ف حضن ندى و دموعها م توقف : ي ندى م كملنا يومين الا و صار كل ذا اخ انا السبب الله ياخذني
ندى : بيان وش ذا الكلام هذا قدر الله و ان شاء الله بيطلع ب السلامه ادعي له انتي
بيان : والله ان صار له شي م اخلي فيصل حيي
و سعود الي م يقدر يقعد بدون خلف وكان مو مستوعب الي صار لـ خلف و مو مستعد انه يفقد اكثر شخص يحبه : وليد تكفى ب يصحى صح
وليد : ان شاء الله أن شاء الله
سعود : والله اني مو مستعد اسمع اي شي
و بـعد تعب و صياح ناموا كلهم على الكراسي و باقي بيان الي واقفه عند غرفة العمليات و تصيح مو قادره توقف صياح
-
اليوم الثاني و بعد خروج الدكتور
ابو خلف : هاه ي دكتور بشر وش صار؟؟
الدكتور : الحمدالله رجع وعيه و نظفنا الجرح ومجرد كسر بسيط ف اليد و الحين عطيناه منوم يخفف عليه الألم لا تزعجوه لازم يرتاح
بيان : طيب عادي ندخل شوي م راح نسوي ازعاج
الدكتور : طيب بس انتبهوا
دخلوا للغرفه كل شخص من جهه خايف على الخلف
جلست بيان جمب خلف و مسكت يده وهي تصيح : اخ ي خلف وش بيصير فيني لو رحت وخليتني
ام سلطان : خلوه ينام شوي اطلعوا بس
ابو خلف : يمه انتي و العيال ارجعوا حنا بنقعد معه خلاص
ام سلطان : طيب ان صار شي علموني
ابو خلف : ابشري
ام خلف : ي بيان ي حبيبتي ارجعي ارتاحي شوي ناظري عيونس صار لونهم اسود من الصياح
بيان : يخاله والله م اروح الا و خلف معي
وفجأه بدأ خلف يرمش وهو يفتح عينه و يهمس : بب...بياا..ن
مسكت يده بيان بكل قوه : ها يعيون بيان و قلبها هذاني هنا
قام خلف مخروش : فيتس شي
بيان : م فيني شي انت ارتاح الحين
ام خلف : ي سلطان رح علم الدكتور انه صحى
ابو خلف : تمام
سعود : شصار يعمي؟
ابو خلف : ادخل صحى
الدكتور : عسى ما شر؟
ابو خلف : لا بس الولد صحى تعال شوف
دخل الدكتور للغرفه : الحمدالله على السلامه
خلف : الله يسلمك
الدكتور : حاليا تقدرون تاخذونه للبيت بس لازم تنتبه لنفسك زين و رح نعطيك مخفف الألم
خلف : طيب
ابو خلف : طيب انتم امشوا للسياره ونا بروح اخذ الادويه وبجي
سعود : طيب
خرج سعود وهو متمسك فـ خلف بكل خوف ان يصير له شي و ركبوا للسياره
سعود : ي خلف والله لو صار لك شي كنت بذبح نفسيي
ضحك خلف بتعب : هذاني ي سعيدان لا تخاف م صار شي
سعود : الحمدالله
خلف : شصار على فيصل؟
سعود : ذا ال مخيس هرب بنفسه بعد الي صار
خلف : اهم شي بيان م صابتس شي؟
بيان : لا م صابني شي
سعود بضحك : م تدري ي خلف يوم شافتك مرمي ع الارض انهارتت
ضربت بيان سعود فـ كتفه : اسكت انت بعد
لف خلف عليهم : بس خلاص انتم بعد
سعود : انت لا تلف ارتاح ارتاح
ابو خلف : جينا جينا
ركبوا للسياره و بعد م وصلوا للبيت :
خلف : سعووود تعال شوي
سعود : قم قم م عليك شي
خلف : ايدي م قادر احركههاا
سعود : مخبول انت ولا وش شلون تبي تحركها ويدك مكسوره
خلف : اسكت بس وتعال ساعدني
بيان : ي سعود خله انا بروح له
سعود : زين
راحت بيان عند خلف وهي تسانده و دخلوا للبيت
ام سلطان : يهلا والله ومسهلاا
خلف : يهلا فيتس ي جده
ام فهد : ادخل ارتاح شوي ي الخلف توك راجع
دخل خلف لغرفته و وقف قدام المرايه وهو يشوف ثوبه الي كله دم و يتذكر كل شي صار و تدخل عليه بيان : وش فيك تناظر كذا؟
لف خلف عليها : هاه ابد سلامتس
بيان : طيب بدل ثوبك
خلف : طيب
دخل خلف يبدل ملابسه و بيان الي تغسل وجهها بعد صياح و تعببب طلع خلف وحط راسه بكل ألم و تعب و بيان الي جلست ب الكرسي وهي تناظره شلون نايم وهو يتألم وقالت بكل حزن : ي جعله اخر الاوجاع
خرجت بيان و اتجهت للصاله ...
-
يُتبع 🤍🤍.
( يحبااننيي ارفعوا المشاهدات عشان انزل البارت الي بعده و اعطوني رايكم فـ البارت ذا لانه مليان أحداث حلوه و حزينه 🤍 . )
أنت تقرأ
كل الامان في حُبك وكل الاماني قربك
Randomرواية كل الامان في حُبك وكل الاماني قربك للكاتبة : رهف القحطاني ✍🏻 - ثاني إنطلاقه لي 🤎. - ترقبوا معنا الروايه ✨.
