မေတ္တာ 'လွန်'

Ep-30

အပိုင်း(၃၀)

သွင်တစ်ခေတ် အကိုနဲ့‌ ယောင်းမကိုနှုတ်ဆက်ပြီး ကြီးကြီးအိမ်သို့အငှားကားနဲ့ပြန်ခဲ့လိုက်သည်
အကိုနဲ့အတူရန်ကုန်ပြန်လိုက်မယ်ဆိုပေမယ့် ကြီးကြီးနေမကောင်းတာကြောင့်ခနပြုစုရန်ကျန်ခဲ့ရလေသည်
အိမ်ပြန်ရောက်ချိန်တွင် အိမ်ရှေ့တွင် ကားမဲကြီးတစ်စီးရပ်နေတာကိုတွေ့လိုက်ရသည် ခေတ်လည်း ကြီးကြီးဧည့်သည်ထင်ပြီး တက္ကစီခပေးကာ အိမ်ထဲဝင်‌တော့မည်အပြု   ကားမှန်ချကာ သူမကိုလှမ်းခေါ်တဲ့ လူကြီးကြောင့် ကြည့်လိုက်ရာ အနောက်တွင်ကျက်သရေရှိလှတဲ့အမျိုးသမီးကြီးကိုတွေ့လိုက်ရသည်
မြင်လိုက်တည်းကခေတ်သိပါတယ် မမညှို့ရဲ့အဖွားဆိုတာ 
ခေတ် တည်ငြိမ်စွာနဲ့ပဲပြုံးပြလိုက်သည် 
"သမီး သူဌေးမက သမီးနဲ့စကားပြောချင်လို့တဲ့ သမီးအချိန်ခနပေးလို့ရမလား"
"ဟုတ် ရပါတယ် အိမ်ထဲကြွပါရှင့်"ခေတ်အိမ်ထဲသို့ခရီးဦးကြိုပြုလိုက်သည်

အမျိုးသမီးကြီးလည်းဆင်းလာပြီး ခေတ်ခေါ်ရာသို့လိုက်ဝင်လာပြီး အိမ်ထဲကိုလည်းဟိုကြည့်သည်ကြည့်နှင့်ပင် ဧည့်ခန်းတွင်ထိုင်လိုက်ပြီးချိန်တွင်တော့
" ဘာသုံးဆောင်ဦးမလဲရှင့် "
"ဘာမှမလိုဘူး"လက်ကာပြကာပြောလိုက်သည်
"ဟုတ်ကဲ့ ဘာကိစ္စများ ခေတ်နဲ့ပြောချင်လို့ပါလဲရှင့်"
"မင်းက ငါ့မြေးနဲ့ချစ်သူတေဆို ငါ့မြေးသည်းသည်းလှုပ်ချစ်နေတဲ့မိန်းကလေးဟာဘလိုလူမျိုးလဲဆိုတာလာကြည့်တာ"
"ဟုတ်ကဲ့"ခေတ် ခေါင်းလေးငြိမ့်လျက်မျက်လွှာချကာပြောလိုက်သည်
"ဟင့်..ရုပ်ရည်လေးကတော့မဆိုးပါဘူး အရည်ချင်းကလည်းမဆိုးပါဘူး...ဒါမယ့် သာမာန်ပါပဲ ငါ့မြေးကဒီထက်တော်တဲ့လှတဲ့သူနဲ့မှ လိုက်ဖက်တာ"
"..."ခေတ်ခေါင်းလေးကိုအသာငုံ့ကာနားထောင်နေဆဲ စိတ်တေအရမ်းလှုပ်ရှားနေပေမယ့်  အပြင်သို့မရောက်အောင်ထိန်းထားနေမိသည်
"ငါကငါ့မြေးကိုအများကြီးမှန်းထားတာ ငါ့ရဲ့ပိုင်ဆိုင်မှုတေအားလုံးကိုလည်း  ငါ့မြေးကိုပေးထားပြီးသား  သူကြိုက်သလိုသုံးနိုင်ဖြုန်းနိုင်တယ် အရင်ကလည်း သုံးခဲ့တယ် ဖြုန်းခဲ့တယ် ........ကဲပါကဲပါ ရှည်ရှည်ဝေးဝေးပြောမ‌နေတော့ဘူး မင်းအတွက်နစ်နာကြေးဘလောက်ပေးရမလဲပြော"
"ရှင်."ထိုစကားကြောင့် သွင်တစ်ခေတ်အံ့ဩမိသည်အမှန်ပါ
"အဟက်! ဘာလို့လဲ မယုံတာလား ငါတကယ်မင်းကြိုက်တဲ့ပမာဏအတိုင်းပေးနိုင်ပါတယ် ပြောသာပြောလိုက် ပြီးရင်ငါ့မြေးနဲ့ဝေးဝေးမှာနေပေး "
ခေတ်သက်ပျင်းတစ်ချက်ချကာ မျက်လွှာချလိုက်ပြီး အမျိုးသမီးကြီးကိုသေချာစွာပြန်လည်စိုက်ကြည့်ရင်းတည်ကြည်စွာပြောလိုက်သည်
"အဖွားကျမကိုဘလိုလူစားများထင်နေလဲ ကျမကအဲ့ပိုက်ဆံတေနဲ့ဘာလုပ်ရမှာလဲ "
"ပိုက်ဆံမမက်ချင်ယောင်မဆောင်စမ်းပါနဲ့ ဒါငါကြားဖူးနေကြစကားလုံးတေပါ နင်ငါ့မြေးကို ပိုက်ဆံလိုချင်လို့ချဉ်းကပ်ခဲ့တာ မဟုတ်လား"
"မဟုတ်ဘူး ကျမ မမညှို့ကိုတကယ်ချစ်တာ မြတ်မြတ်နိုးနိုးနဲ့ကို ချစ်တာ "
"ဆိုတော့ကာ ပိုက်ဆံမမက်ဘူးပေါ့"
"မက်တာပေါ့ ပိုက်ဆံဆိုတာ second God ပဲဟာ လူတိုင်းမက်တာပဲလေဒါမယ့် ကျမ မက်တယ်ဆိုတာ ကိုယ့်ခြေထောက်ပေါ်ကိုယ်ရပ် ကိုယ့်အားကိုယ်ကိုးပြီးရိုးရိုးသားသားဖြူဖြူစင်စင်ရလာတဲ့ပိုက်ဆံကိုပဲ ကျမ မက်မောတာ  နှလုံးသားနဲ့ရင်းပြီးရလာတဲ့ ပိုက်ဆံတေကို ကျမမလိုချင်ဘူး"
"ဒါဖြင့် ငါ့မြေးနဲ့ယူပြီးရလာတဲ့ဂုဏ်သိက္ခာတေနဲ့ စည်းစိမ်တေကိုပါမောင်ပိုင်စီးချင်တာပေါ့ဟုလား"
"ကျမအဖွားရဲ့စည်းစိမ်တေကိုစိတ်လည်းမဝင်စားဘူးသိလည်းမသိချင်ဘူး ဘာဂုဏ်သိက္ခာမှလည်းမလိုဘူး  ကျမမှာ ကိုယ့်ဂုဏ်သိက္ခာနဲ့ကိုယ်ရှိပြီးသား ကျမ ကိုပိုက်ဆံပေးပြီးမခြိမ်းခြောက်ပါနဲ့ ဘလိုလုပ်လုပ်အသုံးဝင်မှာ မဟုတ်လို့"
"ငါ့မြေးသာ နင့်ကိုရွေးခဲ့ရင် ငါအမွေဖြတ်ပစ်မှာ"
"ကောင်းတာပေါ့ မမညှို့ထမ်းထားရတဲ့ဝန်တေပေါ့သွားတာပေါ့ အဲ့ကျရင် သွင်တစ်ခေတ်တို့က က ပြီးတောင်ရှာကျွေးလိုက်ဦးမှာ "မထိတထိနှင့် ကဟန်ပြုကာဆိုလိုက်သည်ကြောင့် ဒေါ်သက်လျာဒေါသထွက်သွားပြီး
"ဒါဖြင့် နင်ကငါ့မြေးကိုလုပ်ကျွေးမှာလား ငါ့မြေးကလုပ်ကျွေးရမှာလား...ပြော.."
".ဘယ်သူလုပ်ကျွေးတယ်မကျွေးဘူးဆိုတာထက် နှစ်ဦးသဘောတူ ညီတူညီမျှလုပ်ကိုင်‌လို့ရရုံနဲ့တင် ဘဝတစ်ခုဆိူတာ လုံလောက်နေပါပြီ "
"စကားအပိုတေမပြောစမ်းနဲ့ ငါ့မြေးနဲ့ဝေးဝေးနေမလားမနေဘူးလား"
"အို မမညှို့တောင်ဘာမှမပြောပဲဟာ ဘာလို့နေရမှာလဲ မနေပါဘူး "ခေတ်လည်း နှုတ်ခမ်းလေးဆူကာ ခေါင်းလေးတဖက်လှည့်ကာပြောလိုက်သည်
"ကျစ်...ဒီကလေးမတော့..နင့်ဘဝတက်လမ်းတေငါပိတ်လိုက်လို့ရတယ် နားလည်လား"
"အဖွား သားသမီးချင်းကိုယ်ချင်းမစာရင်လုပ်ပေါ့"
လက်လေးပိုက်လျက်ပြန်ပြောလိုက်သည်
"ငါတစ်ခွန်းပဲမေးမယ် နင်ဘာလိုချင်တာလဲ"
"ခေတ်လည်းတစ်ခွန်းပဲဖြေမယ် မမညှို့ပဲလိုချင်တယ်"
"ကျစ်.."ခေတ်အဖြေကြောင့်ဒေါ်သက်လျာစိတ်တိုပြီး အိတ်ဆွဲကာ ထထွက်သွားတော့သည်