أشرقت شمس يوم جديد وأشعة الشمس تضئ العالم بأشعتها الذهبية وتبث في أنفسنا أمل جديد، يوم الجمعة اليوم المفضل لأفراد بيت سليم ف هو يوم العطلة الذي يجتمع فيه أفراد البيت معاً.
تسللت أشعة الشمس إلي غرفة سحر لتتملل في نومتها فهي تريد النوم وبشدة فهي ظلت مستيقظة طوال الليل تدرس لإمتحاناتها، رن المنبه معلناً عن تمام الساعة العاشرة صباحاً لتفتح عيناها البنيتان وتقوم من فراشها وتتجه إلي المرحاض. إغتسلت وتوضأت لتصلي صلاة الصبح وقرأت وردها ثم إتجهت لبهو المنزل لتري والدتها جالسة.
- سحر/ صباح الخير يا ماما.
وقبلت وجنتي والدتها.
- فريدة/ صباح الخير يا قلب ماما.
- سحر/ امال بابا وعمر فين.
- فريدة/ أبوكي بيقرأ الورد بتاعه في الأوضة جوا والبيه عمر لسه نايم لدلوقتي.
- سحر/ مش مشكلة يا ماما انا هصحيه دلوقتي
- فريدة/ ماشي صحيه وانا هقوم أحضر الفطار بسرعة عشان يفطروا ويلحقوا الصلاة.
وإتجهت سحر لتوقظ أخيها عمر
- سحر/ عمر إصحي يلا عشان تفطر وتلحق صلاة الجمعة كلنا صحينا ماعدا انت.
- عمر/ هي الساعة كام؟
- سحر/ الساعة ١١ الا تلت دلوقتي يلا قوم.
- عمر/ طيب قمت خلاص.
ثم قام من فراشه وإتجه إلي المرحاض ليغتسل ويتوضأ
وإتجهت سحر لتساعد والدتها في تحضير الفطار.
خرج سليم من غرفته بعدما إنتهي من قراءة ورده صباح الخير يا حبايبي.
- سحر وعمر وفريدة في آن واحد/ صباح النور يا حبيبي.
إنتهي كل من سحر وفريدة من تحضير الفطار وشرعوا في إحضار الطعام ليفطروا جميعاً معاً، شرعوا جميعاً في الإفطار بعدما إنتهوا إتجه كل من سليم وعمر إلي الصلاة وشرعت سحر وفريدة في تنظيف الأطباق.
*في فيلا الشريف*
نزل من غرفته ببدلته الانيقه واطلالته الساحره رائحة عطرة تفوح في الارجاء معلنه خصلات شعره المصففه بعنايه تجعل مظهره جذاب كالعاده......
- مالك: صباح الخير يا ماما.
- خلود: صباح النور يا حبيبي.
- مالك: امال فين بابا ولؤي؟
- خلود: فطر هو ولؤي وسبقوك عالشركة.
- مالك: طيب هروح أنا بقي أحصلهم.
- خلود: طيب مش هتفطر الأول؟
- مالك: لا هفطر هناك في الشركة عشان متأخرش متقلقيش.
- خلود: ماشي يا حبيبى.
وإتجه مالك إلي الشركة بسيارته الفخمة..
*بالمقر الرئيسي لشركات الشريف*
في مكتب حسام
- حسام: إزاي يا لؤي تبقي بالإهمال ده أوراق مهمة زي دي مينفعش إنك تضيعها مالك لو عرف إنك ضيعت أوراق مهمة زي دي مش هيعتقك.
- لؤي: أنا معرفش إزاي حصل كده وضاعوا مني متقلقش هدور عليهم قبل مالك ما ييجي ويعرف إنهم ضاعوا.
- حسام: لازم تلاقيهم وتجيبهم علي مكتبي هنا فوراً يا لؤي نفسي تتعلم حاجة من مالك أخوك شوية بلاش الإهمال اللي انت فيه ده.
- لؤي: مالك ، مالك خلاص يا بابا هدور عليهم وأجيبهم علي مكتب حضرتك علي طول.
- حسام: أوكي إتفضل روح علي مكتبك ودور عليهم يلا.
- لؤي: تمام.
وإتجه لؤي إلي مكتبه وهو قلق بشأن تلك الأوراق المهمة التي أضاعها.
