جان يوم مليان مجاملات وسلمي على هاي وذاك وهم اصلا نفسهم
شفت محمد اخو مصطفى وسلام زوج رسل بنت عمو سعدون انسان هادئ وعبالك سلام مو اخو ابد
مصطفى مو مثل ما جنت متخيلته واحد بس يضحك ويشاقي ودائما اتذكر رشا و انقهر شلون ضيعت نفسها بسبب واهام
طول الكعده اشوف تحرير بس تحوس وتاشرلي واني مفاهمه عليها
اخر شي منطاها گلبها صاحتني فوك
رحنه دخلنه للغرفه
تحرير / شنو صار البارحه تعالي سولفيلي
/ وانتي ليش هيج معصبه وبعدين شنو يصير مثلا كلشي عادي
/ لا مو عادي من اجي الصبح ادخل على عروسه بصباحيتها و وجها مليان كدمات وعيونها رايحه احجيلي مينا فدوه
/ صدكي ماكو شي متوهمه انتي وهسه خليني اتمدد مصدكت صحتي عليه
تمددت على الجربايه وخليتها تحجي وحدها اتريد تعرف شبي وجهي
ملت وعافتني وطلعت
دخلت امال الي المفروض خطيبة جلال اخويه
امال / مينا ممكن احجي وياج شويه
كعدت على حيلي
/ اكيد تعالي كعدي واحجي
امال / انتي تدرين اني وجلال واحد للثاني وهو ينتضرني اتخرج
/ اي اعرف جلال كلشي حجالي بس ما فهمت ليش دتحجيلي هسه
/ مينا لتزعلين مني او تفهميني غلط بس اني ما اريد علاقتج انتي وسلام اتخرب عليه اني وجلال
/ امال انتي شتحجين مستحيل اني اخرب على اخويه الي ما صدكت اشوفه واعرفه اشلون تتوقعين اخرب حياته
/ جلال اليوم ما اجه واتصل علي ميرد واعرف بي زعلان بسبب انتي وافقتي وحتى متلاغي ويا سلام
مينا اني كتلج لتزعلين مني بس گلبي مقهور الا جلال مينا
ودنكت تبجي ظليت صافنه عليها مفهمت اني شعليه يعني معقوله موافقتي خربت اتقربت منها
/ شوفي امال جلال يحبج واذا هسه هو زعلان ف هو مزعلان بسببج زعلان عليه اني لان وافقت بس صدكيني مستحيل يخرب الي بينكم بسبب شي تافه
كامت وكفت مسحت دموعها وراحت دتريد تطلع
/ ما اسامحج لا انتي ولا سلام اذا خربت بيني وبين جلال
وعافتني وطلعت
رجعت اتمددت واني اضحك مستهزئه
والله يا الله كاعده بحالي اني وهمه ومشاكلهم يجولي يركضون
بس دفه جسمي نعست واني اصلا بليل منمت عدل بين الي داغفه وبين لا
أنت تقرأ
اولاد الشوارع
Actionنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
