يوميات المجانين ال7

هابي فلانتاين

في بيت الزواحف السبعه يجتمع الزواحف في الصاله يشاهدون فيلم السمكه نيمو بينما يأكلون الفشار والشيبسي
جونغكوك:عوم واتمختر مختر مختر
شوجا:عارف لو مقفلتش بقك دا هقفلهولك انا بطريقتي
جونغكوك:انت بتتلكك عشان تضربني يعني؟ انا عملت اي دلوقتي؟
شوجا:لا ولا حاجه بتفرجنا ع فيلم كرتون ف الفلانتاين
نامجون:هو انا مش فاهم وجهة نظرك ي هيونج بصراحه انت زعلان عشان دا فيلم كرتون ولا زعلان عشان مشغله ف الفلانتاين؟
جيمين:وهيزعل ع اي يخويا حوووش البنات حواليه زي الرز كدا
شوجا:طب لم نفسك بقا عشان مقومش انا المك زي الرز بتاعك دا
جيهوب:والله انا هتشل من ام العيله دي...يعني مش كفايه البغل دا بيفرجنا ع فيلم سمكه لا كمان قاعد مصدعنا معاها.. عوم اي واتمختر اي ي بغل انت
جونغكوك:شوف عشان انت هيونج انا مينفعش اقل منك عشان مببقاش قليل الادب بس انا بقا قليل ادب
(قام ولسع جيهوب بالقفا وجري)
جيهوب:ولااااا خد وربنا لا اساوي وشك بالاسفلت
(طار جونغكوك ووراه جيهوب )
تاي:يااه كان نفسي ابقا سمكه
جين:سمكه من جحش مفرقتش كتير ي تاي
تاي:قصدك اي ي هيونج
جين:قصدي انت عارفه كويس واقفل بقك بالفشار اللي بتطفحه دا خلي ليلتك تعدي ع خير
نامجون:الواحد نفسه ف جواز والله
جين:طب لم هدومك من دلوقتي وعليا العروسه المهم مشوفش وش امك هنا تاني
نامجون:انت لي محسسني اني عبأ تقيل ع قلبك؟
جين:مش لوحدك اصلا انا عايز اخلص منكو كلكو وارتاح بقا
شوجا:عايز ترتاح خش الحمام متعملهاش ع الانتريه
جين:ي ابن ال....
(طار جين وراء شوجا الذي ركض كسلاحف النينجا)
بعد نصف ساعه من النفخ
شوجا:اي الصوت دا؟
تاي:دا باينه الواد جيمين مشغل اغاني جوا
جين:دا فرح امه مش اغاني
جيهوب:حوووش مين بيتكلم اللي بيرقص وهو بيغسل المواعين
جين:خلي ليلتك تعدي ي جيهوب لااحسن وربنا...
جيهوب:باااس بس من غير حلفان هسكت اهو
نامجون:هو ماله معلي الصوت كدا لي
جونغكوك بينما يحشر كبشة شيبسي ف بقه زي البقره :اصله بيغني م الشباك للبت شيماء جارتنا
نامجون:الللللبس
(دخل الزواحف لغرفة جيمين واقفين يراقبوه)
جيمين:واخده حته من الملايكه...
شيماء:يواد انت زي العسل كدا لي وبعدين من امتا بتقوللي كلام حلو كدا
جيمين:النهارده الفلانتاين بقا ف قولت اروق عليكي
شيماء:طب انا عايزه دبدوب
جيمين:هجيبلك بينديم حاضر
شيماء:لا خلاص انت دبدوبي
جيمين:حبيبة قلب دبدوبك
جين:دبدوبي؟؟!!! دانا هدبك ع وش اهلك الوقتي هي حصلت؟
(دخلت شيماء وقفلت الشباك)
جونغكوك:قال دبدوبي قال.. جيمين اللي بيغسل شعره بزيت الاكل بقا دبدوبي
شوجا:بتغسل بزيت الاكل؟ نهار ابوك اسود انت عارف الازازه بكام؟
نامجون:دا اللي همك دلوقتي؟!!! اه ي شرف العيله يمااااا
تاي:وبعدين ملايكة اي اللي بتغنيهالها هي فيه ملاك بتشرب شيشه ع القهوه؟
جيهوب:انا طول عمري كنت بشجعك بس بعد دبدوبي دي انت تستاهل اللي هيحصلك
جين:تعالالي ي ابو الدبادييب
جيمين:ابوس ايدك ارحمني
جين:وسعولي كدا...الضربه المزدوجه
جيمين:لا كله الا المزدوجه لاااا
(ركض جيمين ووراءه جين ثم ضربه بالشلوت تزامناً مع رمية الشبشب ثم اكمل شوجا بالحزام على توتتة جيمين الغاليه)

بعد ساعه من نفخ جيمين اتى الماكنيز الثلاثه ل جين
جونغكوك:جايبنلك هديه ي هيونج
جين:ودا بمناسبة اي يعني
تاي:انت عارف غلاوتك عندنا وانت تعبان معانا كدا ف قولنا نفاجئك ف الفلانتاين
نامجون:لا تخاف ولكن احترس.. انا مش متطمنلكو
جيمين:ع فكره احنا كنا محضرينلك واحده بس طالما انت واطي ومش واثق فينا مش هنديلك حاجه
جيهوب:وانا ي شق مليش حاجه؟
جيمين:يلا يااض
جونغكوك:يلا ي هيونج افتحها
(بدأ جين بفتح الهديه وبمجرد ما فتح العلبه صاروخ طلع وفرقع ف البيت)
شوجا:ي ولاد الكااااالب
جيمين:يخربيتكو انا قولت صاروخ صغير انتو هببتو اي
تاي:انا قولت اجيب اللي بيطير
جين:بيطير؟!!! دانا هطيرك م الشباك انت وهو
شوجا:تعالوووليييي
فيمينكوك:الحقونااااااا
انتهى اليوم بفرشحة الماكنيز ف الارض فوقهم الهيونجز الاربعه يقومون بنفخهم
النهايه

رأيكم ف البارت؟

جيمين مش بيتوب😭

الماكنيز الثلاثه؟😭

شكرا جدا ع 11 ألف بجد مش عارفه اقول اي انا لما نزلتها اول مره عمري ماتخيلت انها هتوصل للعدد دا
يمكن مفيش كتير بيعملو فوت او كومنت بس يكفيني ان فيه حتى لو عدد صغير بيفرحني ف الكومنتات بكلام لطيف وبشكر اي حد بيقراها بجد واي حد دعمني اني اكمل فيها و حقيقي انا مبسوطه اني كنت سبب ف رسم الضحكه ع وش حد وبجد بحبكو من قلبي ع كلامكو العسل دا ودعمكو ليا😭💗