ما بعد النهايه ✈️ - مكتملة

الفصل التاسع

استيقظت رؤي لأداء صلاة الفجر لترى غزل منكمشه على الاريكه فالجو بارد .. حاولت ايقاظها للصلاة و النوم فى فراشها و لكن دون جدوى فتاثير الدواء قوى .. تحركت تجاه غرفتها تجتذب فراش و دثرتها به ..

تعلم الان لما ارادت غزل شريكة سكن رغم تخمينها ان قدرتها الماديه لا تجبرها على ذلك .. كانت تريد ونيس غير مباشر .. حسنت رؤي وضع راس غزل على الوساده و تحركت تدعو لها بالهدايه بعد ان اغلقت التلفاز .. لتتجه هي ايضا الى فراشها بعد الصلاه مكمله نومها ..

استيقظت غزل صباحاً تمط جسدها لتجد الغطاء موضوع عليها .. ابتسمت بحنان فلم تشعر باهتمام أحد من قبل .. ازاحت جسدها ببطئ لتسقط من فوق الاريكه مسببه صوت اصطدام لتخرج على اثر الصوت رؤي بسرعه تتحدث فى فزع : ايه الى حصل انتى كويسه ..

- معلش .. اسفه .. كنت بقوم .

- كده بتقومي يا غزل حرام عليكي وقفتى قلبي .. قومى قومي ..

مدت يدها لها لتستند عليه غزل و هي تنهض واضعه الغطاء فوق كتفها و هي تقول : عندك شغل النهارده و لا قاعده فى البيت .. استناكي على الغداء ..

- لا هروح المركز علشان اخد الجدول الجديد من دكتور الفريد و عندي كام مشوار كده .. كلى انتى و نظبطها سوا بعدين ..

- طيب خلاص هشوف كده هعمل ايه و اشوف لوسيان ممكن نتغدي سوا ..

- هو مش مسلم يا بنتى .. ايه لوسيان دي ..

- لسه مختارش اسم و انا مش عندي اقتراحات صراحه .. قولتله سفيان مرداش ..

اتسعت عين رؤي و هي تردد ورائها : سفيان .

هزرت رأسها و هي تكمل : شوفت اسمه فى المركز على يافطه .. جراح هناك اكيد خدتى بالك منه .. طويل شويه كده ..

- ايوة ايوة .. عرفاه ..

رفعت كتفاها مكمله : معجبهوش الاسم .

- معاه حق ..

- انتى كمان ..

قالتها بحزن لتكمل رؤي : ايه رايك فى الياس .

- الياس .. حلو .. يا رب يعجبه و نخلص ..

ضحكت رؤي و هي تهز رأسها فى يأس .. ليقطعهما هاتف غزل معلناً عن اتصال من عمر .. تبدلت ملامح غزل لتعتزر من رؤي و هي تدخل غرفتها لتجيب بعد محاولات لتجاهل مكالمته منذ الامس ..

فتحت المكالمه لياتيها صوته : هتفضلى تتجاهلى مكالماتى و رسايلى لحد أمتى ؟ .

- عايز توصل لايه يا عمر ؟

- روما .. عايزين ندي علاقتنا فرصه تانيه ..

احتد صوتها فقد بدء الامر يضغط عليها : غزل يا عمر .. قولتلك غزل .. روما خلاص .. عايز روما روح دور عليها فى مكان تانى ..