# سجينة العائث
# ام الغريم
لا تنسون ⭐ لان دعمكم فخر النا
وتعليقات بين الفقرات...
حلو سرد القصه لو تحبون نغيره 🤍
••••••••••••••••••••○○○••••••••••••••••••
لما رأيت القوم قد رحلوا
وراهب الدير بالناقوس مشتغل
شبكت عشري على رأسي وقلت له
يا راهب الدير هل مرت بك الإبل
فحن لي وبكى بل رق لي ورثى
وقال لي يا فتى ضاقت بك الحيل
إن الخيام التي جئت تطلبهم
بالأمس كانوا هنا واليوم قد رحلوا
رنس : مبهذله والشعر مفتوح ولابسه تراك واكفه
اريد سياره والناس كلها تباوع عليه لان شي
غريب عليها وهل شي مصاير قبل لان محافظه
العماره محافظه عشائريه تسودها التقاليد والحكم
العشاير لا قانون ولا هم يحزنون
عدهم عيب البت شعرها يطلع وهل شي صح
واني ابد ما اكول تخلف لو الومهم لان عاشرتهم
17 سنه واعرف اطباعهم لكن ما اكدرت التزم
بكلشي وياهم خصوصا اني جنت انسانه وحيده
ام ميته واب كل مده يله اكدر اشوفه وبيبي مره
جبيره ومحتاره بمرضها اخلص وقتي وحيده
وكف رجال جبير وركبت وياه وانطيته العنوان
والكروه يحجي ويريد يعرف سالفتي بس بالي
بعيد الي تزوجني ما اعرفه بس اعرفه ضابط
بيبي من تدري شنو راح يكون موقفه ودوامي
شلون اكيد هسه الخبر طش من وره طيبه
وكف على شارع ونزلت دخلت دربونه وجوارين
يباوعون حقهم واعرف شيفكرون هل مده كلها
وين جنت وشنو صايرلي وهيج بكل برود جايه
وحدي صدك لو كال المثل الايده بالنار مو مثل
الايده بالثلج تعالي يا رنس برري هوه اني لحد
الان ما قانعه بلي صار وياي كله دكيت الباب
ماكو محد يفتح بقيت اصيح
بيبي افتحي اني اجيت وينج حبيبتي ضل بالي
عليج اجت ام محمد هيه وزوجها تقربت يمي
ام محمد : البقاء الله يمه كل احنه على هل
الدرب وام هادي مره مريضه وجبيره ومن
تأخرتي وكعت وما لحكنا عليها وين جنتي
كل هل اسبوع
رنس : خاله جاي تشاقين وياي لان غبت موو
رجعت ادك بالباب واصرخ بكل صوت عالي
ولج يمه رحيمه وينج ولج ما اكدر على غيابج
لا تعوفيني منو الي ما عندي لا ام ولا اب بس
انتي وحتى انتي عفتيني غوشت الرؤيا وكعت
فتحت عيوني بالصاله ام محمد بصفي انطتني
المفتاح وراحت كمت ورحت لغرفة بيبي وكعدت
بالكاع
اصرخ باعلى صوتي ولعل يطلع هل حجي جذب
اعرف بيبي ما تتحمل بجيي هسه تجي تسكتني
ولج بيبي كلبي وكف وينج وين رحتي وعفتيني
اني اخاف منو بقى الي صوتي اختفى الغصه
الي بكلبي احاول اطلعها خنكتني كلش
عضيت ايدي ولعل اكدر اصرخ كطعت
شعري اسمع الباب يندك وكفت بروح خاويه
وجسد منهمك صار اسبوع واني حالتي تصعب
على كافر سجن تعذيب اغتصاب تحت قانون
الزواجهذا اي زواج وهوه الي ما يتسمى تراهن
وياييا سجن يا اهلج تخليت عن روحي مقابل
اجيج واشوفج واشبع من ريحتج وتالي رحتي
أنت تقرأ
سجينة العائث
Actionكان يا مكان في بلد العجائب أحداهن تبحث عن الأمان يحكى أنها تقع بيد أحدهم لا يعرف الأرحام... انها هي ؟؟ ومن هو!! عواطف تشتعل فرحة ومشاعر كالثلج وأبرد نهارٍ ينتهي فرحة ونهارٍ ينطلي بأسود إلى اين اذهب انا إلى اين اسير بمفردي في اي محطة أركب هل سأبقى...
