ليس كل ما يتمناه المرأ يدركهُ
ايام حلوه جانت وهادئه بيني وبين سلام اتعلقت بي وهو هم ظل ميعرف يسوي اي شي من دوني صرت اعامله مثله مثل ادم
رغم رسل اطلع مشاكل من جوه الارض ما هتميت الها
وحتى عمه ليلى دائما تكعد يم سلام وتشكي بالباطل وما يهتم
كم مره كتله اريد اروح لاهلي ما قبل يكلي حدج بيت تحرير
وهاي بسبب خلاف هو وجلال
بيوم جنت اغسل اماعين الغده بالمطبخ وادم يبجي يريد افتحله باب الحديقه يطلع
الحارس مجان موجود واكو اكلاب حراسه ثنين وخفت علي
لح وظل يبجي واني داقنعه اجيبلك هاي اشتريلك هيج ماكو مصر الا يطلع
ما شفت الا رسل اجت خمطته خمط من شعره هزته هزز
متت قهر ظليت اباوع عليها ممستوعبه رحت دفعتها وكعت على الميز اجت حافة الميز بخاصرتها وعاطت
شلت ادم حضنته بعد عمري يفرفر
/ لو مو تعيطين لو تموتين كدامي جفن ميرفلي اذا شفتج اتمدين ايدج علي احركج رسل احركج
رسل / ولج اني محمد ميمد ايده عليه انتي الجايه من الشارع تتجاوزين عليه وتمدين ايدج
ولك محمد الحكني يبوووي
على صوت العياط كلها نزلت والتمت بالمطبخ
محمد بدون ما يفهم شكو اجه ضربني شلون اتمدين ايدج عليها
ليلي/ راحو ولدي راح يتذابحون بسبب بنت الشوارع
سلام اصلا مجان موجود
كمت دفعت محمد وصعدت فوك خليته وراي يصيح اليوم اذا رحلج ما داس راسج برجله اعوف البيت واطلع
دخلت الغرفة الجهال ادم من الخرعه خاف وسكت
سبحته وبس خليته على جربايته نام وشمس اجت اتمددت اتباوع افلام كارتون كلتلها ابد لتطلعين معليج باحد
ورحت اني غرفتي سبحت وغيرت ملابسي ظليت منتظره سلام
دخلت عليه ليلى / شوفي ولج اذا حرف وصل السلام بيدي اطلعج من البيت لا اتخربن ولدي ما ارحمجن ثنينجن
حجت حجت ولغت وراحت ما رديت عليها واصلا اني مجان الي نيه اكول لسلام شي يجي تعبان ميهون عليه
شويه ودخل سلام رحت اتلكيته وحضرتله كلشي وغده صعدته اله فوك
اتغده ونام وكالي حضري روحج بس اكعد انروح اني وانتي والجهال نطلع
أنت تقرأ
اولاد الشوارع
Hành độngنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
