تحت جناح الشيخ //

تحت جناحه//البارت ..3..

علياء_

كملنه اكل واني كوه اكلت لعبانه روحي من الاكل واحس بشبع من بعد المغذي خلصت وكمت ردت اشيل  الصحون وياهم كالعاده بس وكفتني مرت عمي..

ساجده: خليج علياء احنه نشيلهم روحي لغرفتج ارتاحي وشربي علاجج لا تنسينه

علياء: خليني اشيلهم وياكم

ساجده: لا تعاندين روحي لغرفتج ارتاحي عوفيهه نقص نسوان شنو هسه احنه نشيلهم يله بنيتي صعدي

علياء: اوك انشالله

سندس: مبارك هيه تكضيهه متختخه نوم واحنه نخدمهه تردين

ساجده: محد عتب على وحده بيجن بان تخدمنهه كلمن يخدم نفسه بنفسه هيه هم مو خدامه عدج انتي وبناتج حتى تكعدن انتن وهيه تغسللجن الصحون
منا ورايح بالدور كل يوم على وحده غسل الماعين مو بس علياء تغسل..

سندس: لا والله مو انتي ام البيت وتامرين بكيفج

بيبي: التحجي ساجده صح اني من زمان ساكته عنجن بس خلاص البنيه تعبت وتمرضت من وراجن عبالجن مادري بيجن من تتامرن عليهه ومسوياتهه خدامه ..
هنا بيت جدهه والهه حق تكعد وتنام وتاكل حالهه من حالجن ماجبت علياء من بيت خوالهه حتى تصير خدامه الجن خوش..

سندس: انشالله عمه التكولينه يصير..
(اني الج ياساجده وياعلياء اذا ماشردتجن من البيت هذا مايكون اسمي سندس)..

ساجده: بصوت ناصي.حللل نسوان ماتجي الا بالعين الحمره..

علياء_
صعدت فوك لغرفتي وبقيت اكلب بنقالي واحجي ويه صديقاتي الي ماشايفتهم من ٥ سنين بس مراسله وياهن بقيت احجي وياهم لحدما نمت من اثر العلاج ..
كعدت الصبح واحس نفسي شويه احسن من اليوم الي قبله كمت سبحت وبدلت ونزلت اصبح على جدو وبيبي وابوس راسهم ..

صباح الخير جدو ..

جدي: هلا هلا صباح الخير بنيتي

علياء: صباح الخير بيبي

بيبي: هلا يمه صباح النور حبيبتي شلون صرتي اليوم

علياء : الحمدلله اليوم احسن

بيبي: اي الحمدلله

جدي: يله اني رايح للمزرعه محتاجه شي بنيتي اجيبلج وياي

علياء: لا سلامتك جدو ترجع بالسلامه

بيبي: ديربالك بالطريق يارجال لا تسوق بسرعه

جدي: انشالله يله مع السلامه