تحت جناح الشيخ //

تحت جناحه// البارت ..12..

دخلت وشفتهه مليانه نسوان بيهن ال١٠ نسوان هنه وبناتهن..صبحت عليهم واجيت سلمت وباوستهن وحده وحده لحدما طار خدي..

خديجه: تعالي يمه كعدي يمي..

عمه عزيز"رانيا": ماشالله ياشيخه جنتج مثل فلقه القمر عين البارده عليهه ..

خديجه: يبعد روحي تسلمين..

بنت عم عزيز"استبرق": اي والله ماجذبت لمياء يوم كالتلي مرت اخوي تخبل فعلا جمالهه اصفى من الوصف بس اريد اعرف وين شافهه وين لكاهه ابن عمي ..

خديجه: جان عند اهلهه عرس وجان الشيخ حاضر شافهه وانعجب بيهه وبنفس اليوم حاجه اهلهه عليهه وهمه ماقصروا كالو كبعوهه واخذوهه..

(طبعا هاي القصه الغير حقيقيه يلي عزيز سردهه لامه حتى اليسالهه تعرف تجاوبه)

رانيا: والله خوش هيج بنيه اكيد اهلهه طلبو من الشيخ يوزنهه ذهب

خديجه: لا وداعتج ياخيه ماطلبو ولا ربع دينار بالمهر ناس خيره و تشتري زلم ماتشتري فلوس وعدهم المره ماتثقل بالذهب لانهه اغلى..

علياء: سمعت كلام ام عزيز وحسيت بخيبه امل المايثقلون البنيه بالذهب رادو يثقلون كتابهم بدمي..

استبرق: والله يابيبي ابنج محضوض بهل قمر اكيد امس ماطلع من غرفته😉..

الكل: هههههههه فلشج عيب ولج..

علياء: ياربي وين انطي وجهي هسه استحي ماعندي قابليه اسمع كلامهن..

لمياء: لا وامي الصبح تسالهه اذا نامت مرتاحه لو لا ماتدري بالينام بالاحضان الليل كله يكعد مصيف ومرتاح😉..ههههههه

الكل: ههههه

رانيا: اي والله فعلا كلامجن هيج بنيه اني مره اخذت قلبي بجمالهه شكال الرجال لا وحلاله وبغرفته هم مو زين وطلع من الغرفه اصلا...هههه

الكل: ههههه اي والله

خديجه: هههه كافي ولجن البنيه تستحي عيب..

استبرق:عادي حبي لازم تتعودين علينه بعد مزوجات واجتمعن..

علياء:بخجل... لا عادي حبيبتي

رانيا: اي ماكتولنه شكد عمر عروستنه..

علياء: قبل يومين صرت ٢١ سنه

رانيا: اللهم صلي على محمد..

علياء: باثناء ماكاعد تصلي على محمد دخل عزيز للصاله وسلم عليهن..

رانيا: ولك عمه وين لكيت هاي البنيه

عزيز: ههه ليش

رانيا: ولك انه المره صفنت على جمالهه شلون انت ..صدك لو كالو الشيخ ياخذ شيخه..

عزيز: هههاي

علياء: شفته ضحك من كل قلبه ضحكته حلوه ورجوليه بقيت صافنه عليهه..الله يديم هاي الضحكه..