تحت جناح الشيخ //

تحت جناحه//البارت ..13..

علياء: على بختج ياخيه انه موجوده وتطلبين مساعده من استبرق

لمياء: لا يبعد روحي مو انه وياهه متعودين نتكابل نغسل ماعين ونسولف همومه دائما وبعدين منو كلج ماراح نكربج ويانه كلاثتنه بعدين نغسلهن ماشي..

علياء: هههه ماشي اذا ماصير زحمه اجي اغسلهن وياكم

استبرق: لا حبيبتي ماكو زحمه انتي اختنه صرتي بعد ماينضم عنج شي واني شعندي غير همي ويه رجلي حتى اشكي..

لمياء: انه ماعندي رجل اكابلج واضل اسمع همومجن شتكولن

استبرق: علياء شتكولين حماتج عدهه هموم لو لا😉
علياء: هههه اي اضن ماكو واحد ماعده هموم..

لمياء: ولج استبرق بربو.ك انه الج تحالفتن وكاعدات تضحكن علي ماريد احجي وياجن بعد ولن..

استبرق: بعد احسن 🫨

علياء: لاااا خطيه استبرق ليش وياهه راح تبجي..

لمياء: ابجي ها اوكفلي وين المس "خاشوكه التمن"..

استبرق:هههععع يايمه خل نطلع ولج علياء راح تكتلنه

علياء: هههههه امشي نطلع..

خلينه وطلعنه اني واستبرق نركض للصاله ولمياء تلحكنه بالخاشوكه وصرنه نركض ونتلبد وره النسوان الى ان وكفت شويه واجت وراي واني ركضت للساحه واندعمت بشي صلب...
                 .............................
الشيخ عزيز_
بعدما رحت للدوام شفت ماعندي شغل هواي جم ملف وقعتهم وتطمنت على وضع الشركه ورجعت بعد ساعتين للبيت بالطريق نزلت على ابو النبگ واشتريت منه وصعدت السياره وتوجهت للبيت ..

دخلت للبيت واسمع صوت البنات يضحكن ويشاقن ماردت ازعجهن كلت افوت للبيت من المطبخ اجيت للمطبخ وشفت علياء اجتي تركض ودعمت بصدري..

علياء: اااخ شنو هذا..

عزيز: اسم الله شبيجن تركضن

علياء: الشيخ عزيز اسفه لان دعمت بيك ماعبالي راح تجي بهل سرعه الله يساعدك

عزيز: ويساعدج ..تردين ارجع للشركه

علياء: لا لا مو قصدي ..

لمياء: هههه خويه وترت البنيه ماعليج حبي هوه يحب يسوي هيج اذا جان المقابيله متوتر..

عزيز: يله انه صاعد لغرفتي ارتاح ..

لمياء: الله وياك خويه اعذرنه ماننطيك مرتك منا لليل ههههه

عزيز: هههه براحتج..

علياء: خل اروح اجهزله الحمام واجي..

استبرق : وين عيني رايحه ماكو روحه للغرفه ندري بيج اذا دخلتي بعد ماتطلعين منهه 😉

علياء: لا والله بس احضرله الحمام خطيه تعبان

لمياء: اشش ماكو خطيه خلص عمره كله يسوي شغله بيده هسه صار يدلع من تزوج..