غُـمـوض

اعـلان+مـشـاهد

السلام عليكم ورداتي شلونكم اخباركم مثل ما تعرفون اني حذفت القصه وبديت اكتبها من الصفر 

°تم تغيير اسم القصه
من شـيـرازه عـلي الاكـبـر إلى غُـمـوض

°تم تغيير بعض أسماء الأبطال

°تم تغيير الغلاف.. شنو رئيكم بي؟

°القصه رح تنكتب بلهجتي لان اني مو قوية بلهجات ابطال القصه

اتمنى تنشرون القصه ويرجعن بناتي وورداتي الحلوات

اعوفكم ويه المشاهد

المشهد 1⚜️

كاعده بزاويه الغُرفه المُضلمه
دموعي تنزل خايفه من القادم

  انفتح الباب وصار صوت قوي بل غرفه وصوت أقدام وهي تتقدم رفعت راسي بقله حيله وباوعتلهم بعيوني الي شبهه معدومه الرؤيه بسبب دموعي

اشخاص مُلثمين يضهرون فقط اعيُنهم
يرتدون السواد بل كامل
ضخمين البُنيه

طلعوني سحل من الغرفه واني اعيط وابجي

التفت من سمعت صوت خشن يتكلم بحده

...تركو البنت هي مالها دخل بشغلي

ضحكو ضحكه شريره وتدريجياً اختفت وبانت علامات الحقد والكره عليهم

هدوني واني كانُ لكيت الامان بهل شخص
مثل الغركان وتعلك بگشايه
ركضت ودموعي تنزل واشهك اريد بس اوصل بيني وبينه مسافه طويله صارت اشبهه بعبر القارات

وكفت بمكاني مبحلقه عيني بعين الرجال الواكف كدامي سقطت على الارض بسبب طلقه اخترقت ضهري ارتطم  راسي بل ارض ماسمعت شي بعد غمضت عيني واحس بروحي وسط بحر مظلم
وايدين تحتضني بكل خوف

المشهد 2⚜️

الصدمه والخوف كفيله بان توكفني عند مكاني رجليه ماحس بيهن

واكفه كبال الدرج وايدي ورجليه مربطه مجاي اكدر احرك نفسي من الصدمه الصابتني ضليت اصيح
عليه

ماما اوكفي بمكانج  لتوكعين اوكفي واشتريلج ككو وحلويات

تباوعلي وتضحك ببراءه

تركت محجر الدرج ونزلت وهي تضحك فجأه وكعت من الدرج وادحرجت من اول بايه لاخر بايه اباوعلها بصدمه دمعه مانزلت رافضه الي جاي يصير ممستوعبه بنتي وكعت اريد اكوم ورجليه مانعاتني ضربت على رجلي وفقدت اعيط  وهي بعد  محركت ساكن بس دمها الي غطه وجهه وجسمها

سحلت رجلي وبلكوه وصلتلها  واني اعيط

لااا لاااا ماما لاااا لتعوفيني ولج يمه بنتيييييييي  ولج ماما وين تروحين كومي ياروح روحي

حطيته بحضني وصرت اضحك بهستريهه فجأه رجعت ابجي وأنحب على بنتي الوحيده وراحت من ايدي صرت اركض وأصيح لا معافتنني متموت هي تحبني ماتعوف أمها لوحدها تهسترت وصرت اركع راسي بل حايط فقدت انضرب راسي بل كاع فتحت عيني واباوعلها غمضت عيني ورحت بدوامه الضلام

المشهد3⚜️

صعدنه بل سياره واحنه نضحك

سئلت بضحك -اي عيني وين ماخذنه

-لجهنم الحمره نتعشه يم أبو لهب

ضحكت وجاوبتني :عود كله فد كلاصين جاي مهيلات

اردفت: ع طريق السريع رايحين لاربيل سياحه

ضلينه نسولف ونضحك وهي فرحانه فرح مو طبيعي وروحها ترفرف كأنها حمامه  ومشغلين القصيدة الي تحبها وهي تردد وره الرادود وعيونها تلمع وتباوع بعيني

فجأه طلعت كبالي سياره تريله  كسرت علينه ودعمت سيارتنه ضلت تتكلب بينه السياره 

حسيت بشي حار ينزل من راسي باوعتلها بنضره أخيره وكأنُ اودعها باوعت بعيونها الي احبهم غمضت عيني وبعد ماحسيت بشي 

المشهد 4⚜️

توجهت سيارتته إلى مدينه العشق كربلاء حطيت راسي على الجامه واني استمع للموسيقى الي مشغلتها ودموعي تتسابق رجعت تذكرته رجعت حنيتله

هوَ مجرم قاتل ليش احبه ليش مهتمتله ليش اريده يرجع ويسوي نفس ما كان قبل يسوي ياربي رجعليا حتى لو كان مجرم اني اعدله على ايدي اني اوجهه على الطريق الصح يارب بجاه اسم جلالتك دعيتك ولتردني

مسحت دموعي واني اوعد نفسي بعد ما افكر بي لكن كل هل وعود تتبخر من يجي الليل

وصلنه لسيطره بغداد رفعت راسي من شفت العسكري تقدم باتجاهنه حاجه عمو من حركت السياره صارت عيني بعينه وشهكت ياربي هوَ لا ماعتقد لااا مو هوَ لاا بس شلون نفس العيون نفس ذيج النضره 

انتضرونه بأقرب وقت ان شاء الله انزللكم الحلقات ماكدر انطيكم موعد تنزيل بسبب دراستي بس ان شاء الله كل ما يصير عندي وقت فراغ انزل حلقه

وطبعاً بل تأكيد اذا شفت تفاعل على القصه من ناحيه التعليقات والتصويت والمشاهدات ومشاركات القصه رح اتحمس وانزل باسرع وقت

في امان الله ورداتي