صار الصبح واني بعدني كاعده حسيت سلام كعد سويت روحي نايمه
اسمعه يجر حسرات باسني براسي وراح للحمام
خلص بدل طلع وحنت محضرتله ملابسه والجنطه بيدي
قبل لا يطلع هم اجه باس راسي ومسح على شعري وراح
مجرد سمعت صوت الباب انسد واني كعدت على حيلي
الغلط بيك لو بيه لو باهلي
اكيد بيه اني لا بيك انت انت الكبير محتويتني
لا اني يمكن هم محتويته شبيه متعلمت من كناري
صفنت شبيه اتخبلت داحجي ويا نفسي
ظليت صافنه فتره لحد ما نزل عليه نعاس
كمت قفلت باب الغرفه لان اعرفهن ميخلني انام
ونمت نوم الميت
هنه بعدن مني ادم وشمس وهالشي من صالحي وصالحهم يمكن شبعت نوم الا انزلت جوه على عيونهن اتعديت سويت لفه وكوب جاي وصعدت بس قبل لا اصعد صاح عليه عمي
التفتت علي نعم عمو
/ شوفي بويه لا عبالج سلام تزوج انتقام منج الاخته لا بويه سلام اتزوج لانها ام جهاله والخاطرهم رجع امهم وبس والشرع محلل
وظل يحجي احلف نص كلامه ما سمعته ولا فهمته
من خلص كال ها بويه مثل ما كتلج واريدجن تصيرن خوات اتعونينها وتعاونج
كلمه وحده رديت بيها علي
عضيت من اللفه وبلعتها وكتله مو مهم
/ شنو بويه
عفته وصعدت للغرفه اضحك على كلامه ابد مو انتقام
ثلاث ايام سلام بالامام هو وزهره اخذها الكربلا والنجف واليوم مخابر راح يجون
اجت تحرير
/ امشي وياي البيتنه مريدج تنقهرين من اتشوفينها تدخل ويا
/ تردين يكولون عن اختج ضعيفه
/ طز بيهم ما هموني بس خايفه تشوفينهم وتنزل دمعتج وهمه هذا الي يردونه
/ لتخافين متعلمه مو اول مره
/ ما فهمت شنو مو اول مره
اني جنت اقصد زيد بس ممسولفتلها عنه
/ غلسي تحرير لتخلين ببالج
تعالي خليلي مكياج خفيف وساعديني البس شي حلو وانزل
بالاول مقبلت وظلت تلح عليه لتبقين وامشي بس اني اصريت اظل حتى اشوف بعيني حتى اخقد واكره وما اتندم على اي خطوه اخطيها
سوتلي مثل ما اريد وما تركتني لميت ملابس سلام وخليتهن بغرفة زهره
/ ليش مينا اتسلمينها كلشي تره راح تفرح
أنت تقرأ
اولاد الشوارع
Боевикنحن من جارت علينا الحياة ونبذنا المجتمع واستغلونا اصحاب النفوذ نحن اولاد الشوارع
