تحت جناح الشيخ //

تحت جناحه//البارت ..30..

#في الصباح..

علياء_
كعدت الصبح على صوت الباب لكيت نفسي بحضن عزيز وهوه نايم صحت ..منوو..

لمياء: حبي الساعه ب٨ كعدي عزيز ينزل للديوان جاييله ناس..

علياء: ماشي حبي

التفتت وشفتهه تحرك وفز من صوتنه..

_صباح الخير شيخ

عزيز: صباح النور يانور عيوني

علياء: شيخ عندك ناس جوه كوم انزللهم

عزيز: اكو واحد يزعج عريس بصباحيه عرسه..

علياء: هههه عريس

عزيز: اي والله احس امس صار عرسنه ..

علياء: هههه يله كوم غسل وبدل لا تتاخر عليهم زحمه..

عزيز : اي يله كايم....

كمت غسلت وصحصحت وطلعت لكيت علياء تحضرلي بالملابس اجيت وحضنتهه من وره وهيه ترتب بيهن

وتشعل شموع قلبي كلما تحرك خصرهه الى ان جهزتهن وخلتهن على الجربايه ..

علياء: يله شيخ عزيز ملابس جهزت بدل على ماروح اغسل واجي..

عزيز: انشالله..

راحت غسلت واني كمت بدلت وعطرت وطلعت علياء من الحمام واجت يم الميز لازمه شعرهه تلف بي والتكاكه لازمتهه بسنونهه خليت ووخرتهه من حلكهه..

_هاي السفايف ماريد تلمسهه غيري ماشي..
تقربت وبستهه بشفتهه وحضنتهه حيل احسهه شويه وتدخل بصدري..

علياء: شيخ عزيز

عزيز: عيونه

علياء: انت تحبني

عزيز: اني افديج بروحي مو بس احبج

علياء: اسم الله عليك ..

عزيز: اي شيخه علياء وانتي

علياء: همم شنو اني

عزيز: تحبيني

علياء: بدلع...همممم افكر..

عزيز_
شفتهه تدلع خليت وكرصتهه من خصرهه

علياء: اااي ليش

عزيز: تكولين لو اذب ضيمي بيج هسه

علياء: اي احبنك🫣

عزيز: هههه افيش ربي شحلاتهه من حلكج ..

علياء_
خجلت حيل منه خليت وحضنته ودفنت وجهي بصدره ..

عزيز: هههه تدرين مرات اشوفج طفله ومرات اشوفج مره معدله وام بيت ومرات اشوفج مره واعي وذكيه كليلي منو منهن انتي

علياء: لعيونك.. اني كلهن..

عزيز: هههه وكلام حلو هم..ولا بدي اعوفج وانزل بس شسوي ماجنت محسب حساب ليله امس والا جان كتبت على بابي مشغول حاليا.