زمن الملوك والرعاع
البارت السابع عشر
قبلة العاشقين
#مملكة الشمال
بنى صياد
صنوع : يعنى ايه ياميمون يا خويا يدينا بضاعه زينا زى التجار الصغيرين
ميمون : ده الى قالهولى يا صنوع واحنا بنتابع الاعدام
يعقوب : بس كده احنا مش هنعرف نسيطرعلى السوق
ميمون : جواد ده بقى اخطر علينا حتى من الجينرال موسى نفسه
صنوع : احنا وضعنا فى مملكة الشمال اصعب بكتير من مملكة الجنوب والرعاع
ميمون : عندك حق يا ميمون يا خويا .. الوضع فى مملكة الجنوب والرعاع كله صراع وده بيسهل علينا نبقى جوه مراكز الحكم .. لكن هنا فى مملكة الشمال ورغم مشاكلهم لكن قلبهم على قلب بعض و عندهم انتماء للمملكه .. خصوصا لما بكون فى ناس كده زى جواد عندهم ضمير وبيخدموا المملكه من غير اى طمع فى السلطه
يعقوب : طيب ايه رأيك يا خويا نشترى جواد ده ونجنده
ميمون : بلاش غباء يا يعقوب مش اى حد تقدر تشتريه بالمال خصوصا ان جواد من اغنى تجار فى المملكه .. وبعدين ده حتى لو مش لاقى ياكل عمره ما هيخون مملكته
صنوع : الناس الى زى موسى وطاهر وجواد بيصعبوا على الراجل بتاعنا انه يقدر يوصل لدواير الحكم
ميمون : ده حقيقى .. الراجل بتاعنا مسيطر على بعض فرق الجيش لكن ميقدرش يقلبهم على المملكه لان الكل شايف ان قادة المملكه مش مقصرين فى حاجه حتى لو مشاكلهم الاقتصاديه كبيره
صنوع : يبقى احنا لازم نخلص من الجينرال موسى
ميمون : ده هيبقى صعب وهيفتح عينهم ان فى خونه جوه الجيش نفسه ده غير ان رجالته حواليه فى كل مكان
يعقوب : عندك حق يا ميمون يا خويا .. احنا كده هنبقى بنعرض نفسنا للخطر
ميمون : احنا الاخطر علينا دلوقت هو جواد كمان لأنه عارفنا كويس كتجار وبيهدد سيطرتنا على السوق والخوف انه ياخد قرارات يأثر بيها أكتر علينا
صنوع : طيب وانت رأيك ايه يا ميمون
ميمون : انا شايف اننا لازم نخلص من جواد .. معندهوش حمايه زى الجينرال موسى واسهل كتير اننا نخلص عليه
يعقوب : دى فكره كويسه يا خويا كمان وقتها مش هيلاقوا تاجر اكبر منك فى السوق عشان يبقى مكان جواد
ميمون : لو ده حصل هنبقى سيطرنا على اقتصاد المملكه
يعقوب : بس لازم نخطط لده كويس لأن لو فشلنا فى اننا نخلص منه هيبقى خطر
ميمون : عشان كده احنا مش مستعجلين لازم نفكر بالراحه ونلاقى شخص يقدر ينفذ الخطه بنجاح
صنوع : احنا لازم نختار مقاتل قوى و يكون من رجالتنا الموثوق فيهم
ميمون : عندك حق ولازم نكون بعيد تماما عن الموضوع تحسبا لأى فشل
يعقوب : هو ايه اخبار الرعاع
ميمون : الاخبار الى جيالنا من نجمه ان امينه تقريبا دورها انتهى وان مملكة الجنوب فربت تخلى تارا هى القائده للرعاع وده فى مصلحتنا لأن نجمه خادمة تارا ودراعها اليمين كمان نجمه بتشتغل كويس واتباعها كتير من الرعاع
صنوع : كويس جدا لان موضوع الرعاع ده كان مقلق وبدأوا يضعفوا جدا
ميمون : عندك حق الموضوع ده كان مقلق لكن مملكة الجنوب حاليا بتحميهم .. الخطوه المهمه دلوقت اننا نخلص من جواد
أنت تقرأ
زمن الملوك والرعاع
Ficción Generalفي زمنٍ طويت فيه صفحات التاريخ، حيث لم يبقَ من الحضارات سوى رماد، كان البشر ألدّ أعداء أنفسهم. أنهكتهم الصراعات حتى صارت الأرض ملطخة بذكريات الفناء والخسارة. الطبيعة، الصامتة منذ أمد بعيد، قررت أخيراً أن يكون لها كلمة، فهاجت وارتعدت، وأرسلت غضبها كع...
