تحت جناح الشيخ //

تحت جناحه//البارت ..35..

في الصباح ....

الشيخ عزيز_

كعدت الصبح لكيت علياء نازله جوه خليت واتصلت على جد علياء وطلبت كل عمامهه وولدهم يحضرون بالبيت

واني وعلياء راح نجيلهم ..تالي قفلت المكالمه وكمت سبحت وبدلت ملابس رسميه واخذت علاكه نيشان عفه علياء ونزلت لكيتهه بالمطبخ هيه وامي....

_صباح الخير

خديجه: هلا يمه صباح النور

علياء: صباح النور شيخنه..

عزيز: بويه علياء صعدي بدلي ملابس وتعالي نطلع عندي شغله وياج..

علياء: باستغراب ...هااا شغله شنو

عزيز: بعدين تعرفين يله استعجلي ..وعلى كيفج من تصعدين درج..

علياء: حاضر شيخ..
صعدت بدلت واني الخوف كاتلني شنو يريد مني وليش حجاهه بنبره جديه وعصبيه معقوله مسويه شي ويا مضوجه

لا ماذكر ضوجته بشي ياربييي شنو يريد مني والله خايفه لا تطلعلي مصيبه جديده واني ماصدكت يمته هدات حياتي ..

بدلت وخلصت ونزلت لكيت عزيز منتظرني باالسياره سلمت على امي وطلعت صعدت بالسياره واني خايفه ووجهي اصفر عبالك راح ياخذني للموت..

بقه ساكت الطريق كله وطابك حواجبه ومعصب واني بقيت ساكته خفت اساله ويعيط بيه ..مسافه الطريق ماحس الا وكف كبال بيت جدي بقيت مصدومه

ليش جابني وشلون راح ادخل وووو وهواي اجت افكار ابالي بهذي الدقايق ال٥ تالي نزل ومسك ايدي ونزلني ونزل وياه علاكه جبيره ماعرفت شنو بيهه دكينه الباب وفتحلنه جدي ....
.
.
.
[في بيت الجد// قبل شهر].....

ساجده_
كعدنه الصبح وهوسه كلهه مخبوصه نحضر لخطبه بنت حماي الجبير ..

قبل اسبوع اتقدملهه شاب مراهق بس يشتغل وامهه اصرت تنطيهه اله ماعرف شافت منه حتى تنطي بنتهه وهيه بعمر الورده ...

يووو شعلي بيهه تنطيهه للتريده شلي علاقه بيهه ..المهم نضفنه البيت وكملنه والبنيه راحت للصالون ومنا للعصر التمت المعازيم وصار البيت هوسه وكالعاده طاح الشغل على راسي اني وبنتي الصغيره ...

خطبو وكملو وطشو المعازيم ونضفنه البيت وكعدنه اني وعمتي وعمي شويه وكال عمي..

الجد: قبل فتره خابرني الشيخ وكالي يريد يجيب مرته تشوفنه..

الجده: بفرحه...اي وشكتله

الجد: كتله مشغولين عل فتره مانكدر نستقبلهه وعمامهه بعدهه قلوبهم مابردت اتجاهه

الجده_

هلت دموعي على خدي وضليت ابجي على هل بنيه المسكينه تيتمت بعمر صغير وانظلمت وتزوجت شخص بعمر ابوهه