شغف البدر بقلم هدى كامل

الفصل الاول

بتفتح عينها وبتلاقى نفسها على سرير فى مستشفى وفي جنبها ممرضه بتشيل المحلول من ايدها
الممرضه : حمدالله على سلامتك ياانسه هنادى الدكتور فوراً
بتخرج الممرضه وتفضل هى ساكته وتبص على كل حاجه حولها بتحاول تعرف هى هنا ليه وبتعمل ايه بس مش فاكره اى حاجه
الدكتور : مساء الخير حمدالله على السلامة
هى : الله يسلمك
ببدأ الدكتور فى فحصها بعد وقت قصير
الدكتور : انتى كويسه جداً  دلوقتي حتى الكدمات والجروح اللى عندك دلوقتي احسن وبعد أسبوعين تقدرى تفكى الجبس
وهكتبلك على خروج تقدرى تدينى رقم حد من اهلك علشان نتواصل معاه
هى:  بس انا مش فاكره اى حاجه ومش عارفه انا بعمل ايه هنا ولا جيت هنا ازاى حتى مش فاكره اسمى

الدكتور : حضرتك عملتى حادثه من أسبوعين والشاب اللى خبطك جابك هنا ووقتها طبعاً بلغنا القسم بس مش كان مع حضرتك اى اثبات شخصيه  ولا حتى تليفون وكان فى اثر كدمات على جسمك يعنى تقريبا متعرضه للضرب بطريقه  عنيه حتى كان فى بعض الحروق والجروح
انا لازم ابلغ الشرطة انك رجعلك وعيك عن اذنك

فضلت هى بتحاول تفتكر اى حاجه بس مفيش فايدة وفضلت تعيط
سمعت صوت خبط على الباب ودخل شاب وسيم بس ملامحة خاليه من اى تعبير
الشاب : انا بدر مهران اللي حضرتك طلعتى قدام عربيته وكنت هلبس مصيبة بسببك

فضلت تنزل دموعها من غير توقف وبعدين صوت خبط على الباب ويدخل
الضابظ وتفضل هى زى ما هى سرحانه بين دموعها ولا تنتبه إلا على صوته وهو بيقول
بدر : الانسة تبقى بنت عمى وخطيبتى واسمها شغف عاصم مهران وانا بدر خليل مهران
الضابط :  حضرتك غنى عن التعريف بس لازم حضرتك تشرفنا في القسم عشان نقفل المحضر وبيخرج الضابط
بتفضل هى تبصله وابتسمت علشان حاسه انه انقذها من افكارها علشان مش كانت عارفه هتروح فين فى الوقت ده
شغف : الحمدلله انا كنت خايفه افضل لوحدى ومكنتش عارفه هروح فين.
بدر : غيرى هدوم المستشفى دى الممرضه هتجبلك هدوم
وبيخرج من الاوضه، بعد نصف ساعة هو شايط من الانتظار بتخرج هى جميلة هادية رقيقة
بدر : كل ده وقت علشان تغيرى
شغف : راعى ان ايدى مكسورة وطبيعى اخد وقت حتى الطرحه معرفتش البسها كويس هو انا محجبه اصلى لما فوقت فى المستشفى كنت بشعرى؟
بدر : ايوة محجبة
وبينزلو وبيتحرك بالعربية
شغف : هو احنا هنروح فين؟
بدر ينفاذ صبر : البيت
شغف بفرحه: يعني هشوف بابا وماما
بدر ببرود : لا
شغف : انا بجد خطيبتك؟؟ طيب الدكتور قال ان فى اثر كدمات على جسمى وحروق ممكن اعرف حصلى كده ازاى؟؟ وبابا وماما فين؟؟ وياترى وعندى اخوات؟ هو انا بدرس ولا خلصت؟؟ هو احنا اتخطبنا ازاى؟؟ عند قصة حب ولا خطوبة تقليدية؟؟
بدر بغضب : هو انتى ايه مبتفصليش اسكتى شويه
بتنزل الدموع من عيون شغف وبدر حس بالذنب وانه مكانش فى داعى يتعصب عليها
بدر : انا مكنش قصدي ازعلك بس الحقيقه انا معرفكيش انا لما عرفت فى المستشفى انك فاقدة الذاكرة ودخلت شوفتك حسيت انك تخصينى وانك مش هتعرفى تروحى فين والدينا ليل والشوارع وحشه والناس اوحش
شغف : شكرا لحضرتك انا مش محتاجه شفقه من حد تقدر تنزلنى هنا
بدر : بطل جنان انتى عارفه لو سبتك هنا ممكن ايه يحصلك؟
ثم ان حضرتك متعرضه لتعذيب وتقريباً كنتى مخطوفه ده اللى فهمته من الدكتور ومن الحاله اللى كنتى فيها لما خبطك بالعربية
شغف : بس انا مش هينفع اكون مع حضرتك في بيت واحد
بدر : متقلقيش انا مش عايش لوحدي معايا اهلي وهتكونى فى امان وسطهم لحد لما ترجعلك الذاكره
شغف : بس انت مش مجبر تعمل كده
بدر : انزلى وصلنا
بتوقف العربية فى منطقه راقيه قدام برج فخم بيطلعو الاسانسير مع بعض، وبيفتح باب  الشقة
بدر : اتفضلى
بتوقف شغف على الباب خايفه تدخل فعرف بدر بخوفها
بدر : دادة فاطمة
دادة فاطمة : نعم يابنى
بدر : هى ماما فريدة فين
دادة فاطمة : فى اوضتها يابنى
بدر : حمزة وغنوة فين
بتطلع غنوة تجرى تحتضن بدر  وحمزة بيجرى وراها
غنوة : ابية شوفت حمزة عايز يضربنى
حمزة : مين المزه الجامده دي
بدر : حمزة هو انا مش قولتلك بلاش تمد ايدك على اختك حتى لو بتهزرو مع بعض، ومن امتى بتتعامل مع الضيوف بقلة ادب كده اعتذر فوراً
حمزة : اسف
غنوة : اتاخرت ليه ياابيه انا هموت من الجوع
بدر : دادة حضرى العشا وانتو اتعرفو عليها وانا هروح اشوف ماما فريده ، شغف هتنام معاكى فى الاوضه ياغنوة خديها ترتاح شويه
غنوة : اسمك حلو اوى ياشغف
شغف : هو مش اسمى اوى يعنى
حمزة وغنوة : ازاى يعنى
شغف : اول لما افهم هفهمكم بس يعني لو ينفع اخد شاور
غنوة : اه طبعاً تعالى معايا نطلع اوضتى
ـــــــــــــــــــــــــــ
فى الاوضه
شغف : بس انا مش معايا هدوم وانتى اقصر وارفع منى
غنوة : استنى دقيقتين
وبعدين رجعت معاها ترنج شبابى
شغف : ايه ده؟ ده كبير اوى
غنوة : ده بتاع ابيه البسيه دلوقتي بعد ما ابيه يخرج من عند ماما  هجبلك حاجه من عندها انتي تقريبا نفس طول ماما
بس اوعى ابيه يشوفك بهدومه علشان مش بيحب حد يقرب على حاجته
بتدخل شغف الحمام وغنوة تنزل عند حمزة
ــــــــــــــــــــ
شغف طلعت من الحمام وكانت تعبانه سرحت شعرها ونامت
ـــــــــــــــــ
بدر : غنوة روحى نادى شغف علشان العشا
بعد وقت قصير
غنوة: نامت شكلها تعبانه علشان كده مرضيتش اصحيها
بعد الاكل كل واحد كان راح اوضته علشان الوقت اتاخر
ــــــــــــــــــــــ
الساعه 3 الفجر
بتحس شغف بالجوع والعطش بتقوم من النوم وتقرر تنزل تدور على المطبخ
شغف وهى بتدور على المطبخ : بسمالله ماشالله الشقه واسعه اوى دى شقه ولا قصر  ده تقريبا المطبخ اللى هناك
فتحت التلاجه طلعت اكل وفضلت تاكل الاكل وهو ساقع علشان مش عارفه تشغل البوتجاز بسبب ان ايدها مكسورة وشربت وطلعت علشان تكمل نوم
فى اوضتين جنب بعض بقيت محتاره اى اوضه بتاعت غنوة
شغف لنفسها : هى دى الاوضه هو انا هبله حتى البت غنوة نايمه اهى راحت علشان تنامت جنبها
ــــــــ
فريدة حست بحركه في الاوضه وافتكرت ان فى حرامى قامت مسكت فازة ونزلت على دماغه بيها وفضلت تصوت والبيت كله صحى من النوم
فريدة :  الحق يابدر فى حرامى فى البيت
بدر : حرام عليكي ياامى حرامى ايه دى شغف اللى حكيتلك عليها من فترة انى خبطها بالعربيه وقولتلك امبارح انى جبتها معايا البيت عشان مش فاكره حاجه وانتى متعرفتش عليها علشان كانت نايمه وقت العشا
بدر : بيحاول يفوقها مفيش فايده حتى كب ميه عليها برضو مش بتفوق
حمزة : يعنى انت تخبط البت بالعربية وماما قتلتها بالفازه ده انتو مجرمين وفضل يصوت زى الستات ما كان يومك ياصغيرة ياختى ياعينى عليكي ياحبيبتي
بدر : اخرس ياحيوان واطلع بره ، وانتى ياغنوة هاتى ليها طرحه ولبسهالها
ـــــــــــــــــــــــ
خلص فصلنا استنونى في حلقة جديدة باحداث ومفاجات جديدة
وعايزة توقعتكم للاحداث الجايه
دى اول رواية ليا عايزة رايكم اكمل ولا لا
رواية شغف البدر بقلم الكاتبه : هدى كامل (دودى)
اتمنى انها تعجبكم وياريت تدعمونى