ما اشوفك الا قمر ساطع ولمعة نجم

تعريف الشخصيات

نبداها مع بطلنا سلطان عمره ٣٢ سنه
عصبي بشكل محد يتصوره اذا عصب كل ينحاش منه
عنده هيبه  عاليه  وكل شي يبيه يمشي بسرعه مايحب الغلط بذات في شغل بنفس وقت طيب مافي اطيب من قلبه بس ذا جانب ما يوريه  للكل  و يموت ويحيى بحب البر و الخيول عنده خيل اسمه برق   لكن سلطان مو مثل باقية اخوانه تعرفون ليه مع الاحداث
عائلة (سلطان )
عبدالله  ابو سلطان : عمره  ٦٤ سنه شديد ومعروف عنه كريم وخيره يغطي على الكل  يملك  دكاكين ذهب و بشوت  و يملك مزرعة و اسطبل الخيول و له كلمته انقالت تتنفذ بدون نقاش
هند ام سلطان: عمرها  ٥١سنه مافي اطيب من قلبها هي الام الي كل يتمناها
صقر : عمره ٢٣ سنه بارد وبنفس وقت عنيد والي براسه يسويه مهما كان صح ولا غلط ونيس
لين :  عمرها ٢٠ سنه حنونه طالعه على امها دامها اخر العنقود طلبتها اوامر
(العيال ماعندهم شغل غير حلال ابوهم )
.
.
٠
اعمام ( سلطان )
احمد ابو معن : عمره ٦١ سنه قاسي وعصبي ماعنده تفاهم  كلمته هي الي تمشي والحنية عنده نادر ما يطلعها
مها ام معن : عمرها ٥٢ سنه هاديه  و حافظه بيتها و عياله
معن (احد الابطال )عمره ٣٠ سنه يشتغل محامي الصديق الصدوق ل سلطان  والي يغلط على سلطان كانه غلط عليه اكثر انسان يحب سلطان ويفهمه بدون مايتكلم حبيب والي على قلبه على لسانه رجال واعي و رجال عن الف رجال ان بغيته احتزم فيه
تركي : عمره  ٢٨ سنه يشتغل مع عيال عمه و فيه خباثه مو طبيعيه  يكره سلطان كره العمى بس مايبين ذا شي لاحد
سعد   : عمره ٢٤سنه فاتح له مشروع صغير يشتغل فيه  ماخذ شوي من طبع امه و بنفس وقت ابوه هادي وعصبي بس روحه حلوه ينحط على الجرح يبرى
ترف : عمرها ٢٢ سنه ذكيه كل شي يصير في البيت و برا البيت هي لازم اول وحده تعرفه ما يفوتها شي
.
.
.
نمر ابو ثامر: عمره ٥٩ سنه على رغم سنه الا انه قوي متعافي وحنين
همس  ام ثامر: عمرها ٥٠ سنه  ونيسه توسع الصدر 
حنين : عمرها ٢٦ سنه تحب ترسم أي شي يخطر على بالها جريئه تسوي الي تبيه
خلود : عمرها ٢٤ سنه متقلبة مزاج  مافي زي قلبها صوتها حلو دايم تطرب خواتها
ثامر : للحين ماعنده شغل محبوب بين خواته يحب يسوي مقالب بالكل دايم هو خلود هواش بسبب مقالبه سخيفه
العمه جمانه عمرها  ٥٢ سنه حكيمه فيها اتزان الكل يجيها و يشاورها  بعض الامور عندها بنت اسمها اشواق وحيدتها عمرها ٢٢ سنه : طيوبه ولينه بتعامل
.
.
.
بطلتنا الهنوف
تنطبق عليها مقولة الكامل و كامل الله تاخذ العقل بجمالها و اخلاقها عذوبه صوتها الي يسحر تحب الكل لكن اذا كرهت كرهت عمرها ٢٤ سنه
ابو الهنوف محمد : عمره ٦٦ سنه الله مارزقه بعيال لكن ربي عوضه ٣ بنات يشوفهم الحياه ومافيها
ام الهنوف  رهف : عمرها ٤٩ سنه حليله حالها حال نفسها
نوف : عمرها ٢٢ سنه اذا حطت شي براسها تسويه  تحب ترقص كل ما زانت جلسه سحبت فضه ترقص معها
فضه عمرها ٢٠ سنه :  ماخذ من اسمها نصيب فيه من العصبيه بس تطخ بسرعه روحها مرحه هي مسويه جو بالبيت
معلومة بسيطه ابو الهنوف و ابو سلطان اصدقاء روح بروح بس فرقتهم مشاغل الدنيا