بـيـن اذرع الـمـاضـي

البارت الاول

#بَـيـن أذرعَ الـمَـاضـِي
     #الكتابة ملاك دليمي
٠مساء الخير  متابعيني الكرام 🖤

‏لم تكُن امرأةً قاسية
هي فقط
كانت مَجْبُورة
على صُنع درع حِماية
بعدما تعرضت
لهجومٍ مُدّمي
تِلك الحدّة، والشَراسَة والقُوَّة
تُخفي خلفها
إمرأةٌ مفطورة على الحنيّة والرحمة.
 
تعالوا معنا نفتح لكم بيبان احد البيوت العراقيه باباً لطالما حلفوا بيه وبلذين يقنطون خلفه متناسين بل متجاهلين مايحدث داخله من ظلم وجور وحقد وضغينه
________________________________________
بغداد الساعة 7:00 صباحا
ملاك:  كاعده على رصيف الجو بارد. جان نهاية شهر الواحد احس رجلي مجاي احس بيهه من البروده الجو رغم صبح بس جو مظلم وكئيب 
اتنفستت بقوةةة وباوعت على ايدي بيهن تراجي الذهب مالتي ادور على صايغ اريد اروح ابيعهنن حته اخلص امي من هل عذاب الي عاشته وعيشتنه بي
بيني وبين نفسي كلت مراح تخلصين ياملاك متخلصينن ابدا رفعت راسي والدخان يطلع من اتنفس وخشمي كمت مااحس بي
ربي كافي من هاذا الامتحان تعبت  اريد ارتاح والله مو كد الحمل اني كل عمري ١٥ الي بعمري مرتاحات وعايشات مراهقتهن اله اني ربي مشلوع كلبي من عمر السبع سنين نزلت دمعتي متحملت باوعت روحي لابسه ملابس مدرسة وجنطه يمي
راح يفصلوني من كد الغيابات اباوع على ناس قليله تمر من هل دربونة صغيره تتوجه نحو الجامع

كمت نفضت ملابسي وتوجهت للسوگ طبيت الناس تباوع شسوي طالبة بهل وكت بسوگ
وهوه كم محل مفتح
دخلت الابو السمج رجال جبير
ملاك: السلام عليكم عمو
الرجال: وعليكم السلام بنتي تفضلي يابه
ملاك: عمو بلازحمه تعرف صايغ هنا هيج وكت يفتح؟
الرجال: والله بنيتي هسه دنيا بارده وظلمه محد يفتح بس احنه اهل السمج دجاج اهل الخضره وام الكيمر اكو واحد هنا بس يفتح ب ٩
ملاك: حتاريت حيل باوعت للساعه شفته صارت ب 8 لازم انتظر ساعه كتله تمام عمو رحمه الله والديك مقصرت والله يرزقك
الرجال: رحم الله والديج بنتي تعاي بويه طبي جو الخيمه باردتلج اكعدي هنا وانتظري لاتضلين واكفه الوليدات يضلون يباوعن الج
ملاك:  ابتسمت على طريقه كلامه طبيت يمه بلخيمه هيه مثل السقيفه حاطه فوگ البسطيه وجوه مشغل صوبه يدفي نفسه
طبيت كعدت على كرسي اريد ابجي حيل محتاجه ابجي  ربع دينار ماكو بجيبي حته اشتري كيكه متت جوع ممتعشيه من البارحه من ورا العركه الي سوووهه علينه حسبي الله ونعم الوكيل
ضليت انتظر بالي يم اخواني منو كعد منو جوعان حيره اكلتني اكل
اجه رجال وكف يمي كال: 
اسف على تدخل بنتي بس الوكت هسه المفروض انتي بلمدرسة
شعندج هنا خما محتاجه شي اني هم مثل ابوج عمج اعتبريني

باوعت علي رجال جبير كلش تجاعيد. مليانه وجه ابتسامته الي تحسسك بل امان ايده الي مليانه تجاعيد وشراين دشداشته القديمه والغتره لافه على راسه كفيله تحسسك بل امان والحب

ملاك:  لاوالله عمو متقصر بس امي محتاجه فلوس مريضه واجيت ابيع ذني تراجي
الرجال: لااله الاالله مابيه غير العافيه رجعيهن بنتي تراجيج اني ادفع العلاج هل الاكدر علي
ملاك:  مستحيل عمو تسلم والله بس مااكدر اخذ شي اترجاك لاتحرجني عمو
الرجال:  هز راسه بأسف وكال بويه انطيج نصيحه حطيه بأذننج ترجيه وكل ما تذكريه ادعيلي برحمه
___
(صلاتج. صلاتج. صلاتج.  اكدت عليج ثلاث مرات بويه ذبي حملج على الله واهل البيت وتوجهي للصلاة ديربالج تعوفيه هاي تكون رابط بينج وبين ربج بوية ناس تغيرت ناس كامت متتمنه الخير الاحد الناس كامت تنافق بسبيل خراب البيوت الناس ايمانهم ضعفف وناس صارت تطمع يكتل اخو علمود فلس فيابنتي انتي مبينه متعوبه بس حشى للميعوضجج راح يعوضج بس تقربيله وخلي حملج علي واني ابوج وعمج يمته تريدين تعاي هاي بسطيتي افتح من غبشه واعزل المسيه)
___
عيوني دمعت لان فعلا جنت محتاجه هيج كلامم هزيت راسي وكلت تسلم عمو رحم الله والديك على هل نصيحه والله يرزقك
كمت نفضت ملابسي وتشكرت من رجال ورحت امشي لابو الذهب
هستوه ديفتح سلام عليكم
_وعليكم السلام تفضلي
_اريد ابيع هاي تراجي
_صفن عليه ورجع باوع على تراجي كال: 
_عندج ورقة البيع مالته او شي
_لاماعندي لانو ضايعات
_كال تمام
_راح يوزن الذهب كال هاي اخذه منج ب ٩٠ الف
_اباوع على تراجي هوه احنه اشتريناها ١٦٠ وثكيله
_كتله ١٠٠ انطيني واخذه
_لالا مستحيل هيج ينكسر محلي شنو ١٠٠
ملاك: كتله شبيك شينكسر قابل كتلك انطيني مليون  اني اشتريته ب ١٦٠ ومرتين لابسته دباوع شون ثكيله شنو ب ٩٠ تقفص عليه انته  جيب مااريد
كال: تمام تمام انطيج ١٠٠ واخذيه
ملاك:  اي استعجل يلا
حسب فلوس وطلعت تفلت على المحل ومشيت نصابه حراميه يقفصون على العالم زباله ماكو رحمة

رجعت مشي بس سريع اريد اطب اشووف اخواني كعدوووا
وصلت الفرعنه اجت غصه بكلبي شكد اكره هل فرع احس هنا كبري  مشيتتت اباوع على بيت جدو كلت بكلبي اي ناموووا شعرفكم شديصير بينه اجيتو سألتوا كلتوا وعود هاي احنه بنفس الفرع  مشيييت ليكدام بيت عمي وبصفه عمتي حته انتوا زباله  رحت البيتنه فتتت اتنفست بقوووة مستعدة للي راح يصير

فتحت باب المطبخ بيت هدوء طبيت نزعت ورحت للهول امي هناك نامت يمنه ويم اخواني اباوع الاخواني نايمن رحت بستهم وغطيتهم رحت الامي ندسته حته تكعد
ماما:  ها ملاك
ملاك:  تعاي بسرعة للمطبخ احجي بهمس
رحت قبله اخذت بطل مي وكلاص كعدت اشرب اجت فوك راسي تعيط ساعه ب ١٠ شعنددددج وليش مو بلمدرسة
كملت شرب مي وكلت (السلام عليك يا ابا عبدالله وعلى عطاشة كربلاء)  جان اجت يمي وجرتني مو احجي وياج
واني جنت اصلي على اهل البيت همه يفيدوني مو انتوو
طلعت الفلوس من جيبي حطيته ب ايده ومشيت
اجت سحبتني حيل من جتفي
_اخخخخ شبيججج
_منين ذني الفلوووس احجي
_مومهم منين المهم انطيهن الرجلج وسدي حلكه وبطلوا مشاكل لااحرك البيت واحرككم ويا واخو زينب
_ضربتني راشدي احس اذني صوفرت باوعتله بنضرات بارده
_ احجي منين الفلوس احجي
_بعت تراجي مالتي ارتاحيتي هسه
عفته وصعدت ابدل
خرب ساعه سودة الي اجيت بيه للدنياااا شهل عذااااب ربي متتتت اباوع على جسمي مليان حروق وجرح ومليان تشوهات بسسب تعذيب جريت نفس طوووويل حكمتك ربي بسس هاهيه تعبت والحسين.....

غمضت عيوني اريد ارجع للماضي واشوف شون جانت حياتي:

اني ملاك بنيه مواليد١٩٩٧من بغداد
عايشه ويه اهلي المتكونين من اب وام واخوان ثنين وثلاث خوات اني البنت الجبيره
اني المسؤؤله عن اهلي وعن اخواني
اني الي اي شي يصير يوجهن علي اصبع الاتهام
اني بنيه معشت حالي حال الاطفال بطفولتي
طفولتي جانت عباره شي متعب ومراهقتي اتعس وشبابي جحيم
اني البنيه الوحيده الي قصته مابيه نهاية
اني الي حتقرون قصته وتتصدمون من حتسمعونه
اني بنيه الي حاربت دنيا حته تعيش
اني بنيه وكفت على رجله وكسرووه الهم
اني الملاك الي كسروا اجنحته ومنعوا من طيران........

حتشوووفون بل بارتات المقبله حياتي من اني وطفلة لحد مصرت شابه
اتمنى منكم تصوتون على القصة من فضلكم 🥺❤