أكلما اقتربت منك تذهب بعيدا ؟!
أكلما اقتربت تبتعد ؟ لا والله
فقد حان الان وقتي ستخضع عاجلا ام آجلا .
............
في أحد قري محافظة المنوفية ، في منتصف يوم شديد الحرارة ، كانت تقف أمام الموقد فتاة ذات عيون عسلية مطعمة بخيوط ذهبية ،كأنك تنظر إلي بحر من العسل الصافي، ذهب يلمع تحت بريق بؤبؤ عينيها فيختفي في ظل أهدابها الطويلة.
فتسمع صوت صياح صغير قادم من الخارج ،
:-يا مهرة يا مهرة نتيجة الثانوية بانت
:- يا عم محمد النتيجة بانت يا عم محمد
انها مهرة محمد البدري فتاة ذات التسعة عشر ربيعا ،ذات وجه ملائكي وملامح بسيطة ولكنها تمتلك من الذهب الخالص ف عينيها ما يجعلك تقف صامت أمام هذا الجمال ، من أسرة بسيطة لا تمتلك غير أخيها زين وأبيها الأستاذ محمد البدري مدرس اللغة العربية ف المدرسة الابتدائية ، وامها نعمات
:- بتقول اي يا زين النتيجة بانت فين ؟
:- بانت علي النت بسرعة يا مهرة بسرعة .
الحاجة نعمات :- براحة يا ولاد كل اللي يجيبه ربنا كويس يالا يا مهرة روحي شوفيها وان شاء الله ربنا هيريح قلبك .
فخرجت مهرة تجري وهي ترتدي زيها المحتشم وخمار رأسها الطويل ، لتصتدم بوالدها
:- اااااه يا دماغي
:- بتجري كدة لي يا دكتورة هانم ؟
احلي دكتورة صيدلانيه عندنا
ليتوقف قلبها عند سماع تلك الجملة خارجة من فم والدها
فتسمع صوت الزغاريد من الحاجة نعمات .
ويأتي الجيران والاحباب مهرولين الي باب الدار لتهنئة الاستاذ محمد علي نجاح صغيرته .
في المساء .
:- هههههههههه شوفتي يا مهرة عمك احمد وهو جايب ازازة بيبسي لتر وجاي يفرقها علي البيت 😂😂
:- ولا بنته سوكة اللي عاملة شبه أنبوبة البوتجاز شربت نص الازازة لوحدها ، وهو شرب الباقي ،هههههههه راجل جلدة
:- اتلم يا زين ابوك لو سمعك بتتكلم كدة هيعلقك من قفاك علي باب البيت ومش هنعرف نلحقك
:- اااااه اسكوتي يا مهرة دة كل ما افتكرها اموت من الضحك من كتر اللي شربته لو حد زقها هتفور ف وشنا ، اه سوكة الكلب لما اشوفها أما فسيتها مبقاش انا زين البدري 😂😂😂
وفي الناحية الأخري ف محافظة الإسكندرية في منزل كبير اقرب للفيلا يمتلكه الحاج مرشدي صاحب شركة المرشدي الرائدة في مجال الأدوية ف مصر ومن أكبر الشركات حاليا
ينهض ذلك النائم عاريا من الفراش جسده الرياضي المنحوت طويل القامة وشعره شديد السواد يماثل عينية، ليل حالك ورعب يدب في ثنايا روحك إذا نظرت إليه الآن، لينظر الي اوراق المكتب المنظمة
:- يا فاتن يااااافاااااتن
:- تحت امرك يا أدهم بيه
:- انااا قولت اي قبل كدة ؟
:-ما هو ...ما هوو....
:-انطقي انتي جاية تهوهوي هنااا
ليأتي طوق نجاتها ف صوت الحاج مرشدي جد أدهم وهو يقول
:- روحي انتي يا فاتن
:-وبعدين يا بيه مش هتبطل العصبية دي
:- صباح الخير يا جدي
:- رد عليا زي ما بكلمك
هتفضل كاره كل البنات حتي الشغالين يا أدهم
:- ليتركه ويذهب الي الحمام ويضع رأسه تحت المياه الباردة لعلها تسكن الم تفكيره الان . ....
.؟...
استوب
دي اول مرة اكتب رواية .
اتمني تنال اعجابكم ، واتمني تسامحو أخطائي لو مطلعتش بالشكل المطلوب .
مستنية تعليقاتكم .
أنت تقرأ
مهرة الأدهم
ChickLitعاشت بنصف قلب و أنصاف القلوب مؤلمة . هي لا تملك من الدنيا غير نصف قلب وهو لا يملك غير القسوة والجحود .. فتتلاقي الأقدار ليجعل منها نصف انسان . مهرة الأدهم .
