خرجت الجوهره من غرفته و سالم الي حس ان روحه راحت ولا بترجع ..
قفل سالم باب الغرفه وكان يحاول يستوعب ان خلاص الجوهره راحت من يدينه و صارت لغيره
-
ام سلطان : الله يتمم ل الجوهره و ذياب على خير
ام فراس : امين يارب
ام فراس : ماشاء الله بيان بتسافر بكره؟
ام عامر : ايوا
ام خلف : اي بيروحون بكره مساكين م راحوا شهر عسل يعوضوها
ام فراس : اي زين حلو
-
وعنـد العيال :
عبدالله : هاه خليف شالاخبار معك انت و بيان
خلف ب ابتسامه : الحمدالله زينه
عامر بضحك : وينها خلها تجي نبي نشوفها
رفع خلف عاجبه بِتعجب : رح لها م بتجي هنا عند العيال !
ضرب عبدالله كتفه بهدوء : محد غريب
سعود : يوه ابلشتونا يبوي تبي اختك اذلف لها
وليد : وش بك معصب هدي
خلف : خلني اروح اشوف سلوم
سعود بنبرة قهر : ي هذا السلوم الي م خلصنا منه
ناظره خلف ب ابتسامه وهو يشوفه يغار : بجيك اصبر يخوك اصبر
طلع خلف من الصاله و م كمل طريقه الا و تناديه ام فهد : ي الخلف بتروح ل سالم؟
خلف : ايوا ليه
ام فهد : اسمع ي وليدي سالم م يرتاح الا لك شف وش فيه يقول تعبان
خلف : ان شاء الله ابشري
ام فهد : م تقصر
طلع خلف مسرع ل سالم : سلووممم
سمع سالم صوته ولاكن كان يستعبط ولا يفتح
خلف : ابك افتح الباب وش بك انا خلف
فتح سالم الباب بعد معاناة : هاه شتبي
خلف : اسمعني لحينن زين طيب
سالم : وش؟
خلف : انت اذا بتسوي بنفسك كذا بتتعب ترا خلاص يخوك انسى و اطلع ارتاح خلاص الدنيا م وقفت عليها اذا لقينا الحل لقيناه م لقينا بتجي مليون غيرها
نزل سالم راسه بضيقه : طيب
خلف : اللبس و غسل وجهك و اطلع
سالم : ابشر
خرج خلف من عنده : ي خاله كلمته م فيه الا العافيه و هالحين بيجي
ام فهد : تمام مشكور م تقصر
خلف : ابد م سويت شي
خلف : بيان تعالي شوي
قامت بيان و اتجهت له : سم
خلف : عدوتس يسم اقولتس خوانتس يبون يشوفونتس اصبري زين
فزت بيان ب فرح : تم تم
خلف : عبود و عامر تعالوو
خرجوا بكل فرح و شوق ل اختهم الوحيده و ضموها بكل قوهه
عبدالله : يحما.ره اشتقنا لتسس
بيان : انككثررر
عامر : وناا
بيان : اخخ انت اكثرر
ابتسم خلف وقال بغِيره و ضحك : وخروا عنها خلاص
عبدالله : تلحق عليها خلنا نضمها شوي
ضمها خلف بقوه بضحك عشان يقهرهم : بيانتي حقتي م راح تاخذونها مني
كانت بيان ضامته بقوه وهي تشم عطره و قالت بخجل : انتم الثلاث ذبحتوني خلاص
عبدالله : اي زين خلاص روحي للبنات
عامر بضحك : مشكور ي الخلف خليتنا نشوفها
خلف : العفو العفو
-
وعند البنات ...
اميره : شصار؟
بيان : ابد والله رحت اشوف خواني
اميره : عواش؟
عائشه : والله انا كنت عند اخوي يبيني
اميره : جوجو؟
الجوهره : م سويت شي
اميره : طيب
ام سلطان : تعالوا تعالوا الحوش اطلعوا
ردوا عليها : ان شاء الله
تجمعوا كلهمم ف الحوش بعد م جاء ذياب وكانوا جالسين يباركون له ... جلس ذياب ب ابتسامه جمب الجوهره : شخباركم عساكم بخير وصحة وسلامة
ام فهد : الحمدالله ونت
ذياب : الحمدالله بخير دامكم بخير
وعند العيال الي كانو قدام ذياب بضبط و سالم الي يحاول يلهي نفسه ب الجوال
ام سلطان : سلوم ي وليدي طف الفون مهوب زين واجد تقعد عليه
رفع سالم اناظره الي طاحت على الجوهره و ذياب وهو يقول بصوت مليان حزن و قهر : ابشري
ام خلف : مبروك مبروك
ذياب : الله يبارك فيتس
حط سالم ايده على راسه وهو مصدع مرههه
ذياب : عسى ما شر ي سالم وش بك
سالم بنبرة ثقيله : مصدع
عبدالرحمن : سلامتك
همست ام سلطان ل انفال : قومي جيبي حبة بندول و ماء
انفال : ان شاء الله
ام فهد : م جاك الصداع الا من ذا الجوال
سالم : يمه انا عارف نفسي شقاعد اسوي مانيب بزر
ام الهنوف : الله يهديهم بس
انفال : هذا هو يمه العلاج
قربت ام سلطان ل سالم : خذ ي ولدي يهديك من الصداع
سالم : ي جدتي والله م فيني شي عادي
ام سلطان : خخذ لا اهفك بكفف
ضحك سالم وقال : ابشري
فهد : ايوا اضحك من زمان م ضحكت هههههههههههههههههههههههههههههههههههههههههههههههههه
ضحك خلف وهو يضرب كتف سعود : وش به الحلو زعلان
ناظره سعود نظرات حاده وكان كاتم ضحكته بداخله : م فيني شي رح ل سالم ابرك لك
فتح خلف عيونه بصدمه و ابتسامه : افاا اخلي سعوديي و اروح ل سالم م يصير ابد
ضحك سعود : اي احسب بعد
خلف : افا تحسب بعد والله م أغلي احد كثرك
سعود : ي بعد حيي والله
عبدالرحمن : خفوا عليناا
اميره : انتم حالة خاصه قسم بالله
فهد : وش عليتس فينا انتي
ام فهد : اقول ي فهيدان ابوك وينه مختفي
فهد : والله طالع مع عمي سلطان و جدي
ام خلف : ماشاء الله عليهم متى لحقوا يطلعون
فهد : قبل شوي
سالم : يوهه تكفون نبي نطلع نشم هواء
اميره : والله اني رايحه معكم
ضحك خلف : تم مشينا
بيان : منجدكم ؟
ام سلطان : وحنا طيب
عامر : انا اخذكم انتم و الباقي مع خليف
سالم : م تبون نروح المخيم والله الجو حلو
فهد : بسم الله عليك وش غير مزاجك تبي تطلع
سعود : اوه ي فهيد منت بسهل خله يغير جو
ذياب : اجل انا باخذ الجوهره معي
فراس : ونا مع خلوف
خلف : مشينااا
ركبوا كلهم بكل حماسسس و تقسموا كل منهم على سياره
سعود : ي بياننن وخري مناك انا بقعد قدام
بيان : والله م تقعد اذلف
خلف : استحوا على اعماركم منتم بزران
سُميه : بيون تعالي هنا عندنا
بيان : ايوا احسن من القعده مع بعض الناس
ناظرها خلف ب ضحك : بعض الناس اجل
سعود : امشي امشي
خلف : يالله بسم الله توكلنا على الله
بيان : خليف ترا وراءنا مشوار بكره
خلف : م عليتس انتي
وعند سيارة ذياب : الجوهره اقعدي وش فيتس تجمدتي؟
جلست الجوهره وحطت رأسها على الدريشه وكان ذياب الي بكل م يملك يحاول يسعدها
ذياب : ي الجوهره الله يهداتس ارفع راستس اضحكي م يصير كليوم على ذا الحال
الجوهره : وش تبيني اسوي م عندي حل غير كذا
ذياب : شوفيه الولد مستانس و تغير موده انتي بتسوين كذا تزيدين عليه رح يتعود خلاص امهلي عليه
الجوهره : طيب طيب
-
بعد وصولهم إلى المخيم ...
خلف : اقول ترا م بنطول حنا وراءنا سفره
ام خلف : زين يمه م بنطول لا تخافون
فهد : هذانا جينا يلا وش بتسوون
سالم : فهود تكفى لا تخرب مزاجي جيت مروق خلني مروق
سعود : اي زين اجلسوا سولفوا نشوف وش وراكم
وصلوا ذياب و الجوهره
همس خلف ل سالم : انشهد انك كفو خلها ولا تهتم خلك كذا
ابتسم سالم وهو يناظره و جلسوا سولفوا و كلهم مستغربين من سالم وش به فجأه صار كذا؟
ضحكت اميره : الله يديم الضحكه عليك
ام فهد : امميينن امميين
الجوهره : وش فيه كذا مستانس؟
سُميه : بسم الله ماشاء الله على اخوي وش تبينه يسوي يموت عشانس تزوجتي ولا وشو
الجوهره : لا وين اسأل بس مزاجه تغير بسرعه
انفال : بعدين نعرف
بعد سوالف و هواشات و ضحك
خلف : يالله امشوا نرجع
ام عامر : بدري يوليدي
خلف : اجل انا و بيان رايحين وراءنا سفره من الصباح
انتم اجلسوا و بعدين ارجعوا
ام خلف : الله يحفظكم
بيان : يالله يمه تامرون على شي؟
ام عامر : سلامتس يمه
ركبوا السياره
بيان : يوهه ي الحماس الي فينيي
ضحك خلف و هو يسمع لها و سوالفها
بيان : الا بسألك شي
خلف : اسألي يعيني اسألي
ابتسمت بيان و قالت بكل هدوء : وش فيه سالم ماشاء الله مستانس اليوم
خلف : والله مدري به
بيان : اي زين
بعد وصولهم للبيت دخلوا الغرفه وهم يرتبون الأغراض
بيان : خليف تكفى تعبت رتب ذا بدالي
ضحك خلف : ابشري روحي نامي بس
-
و اليوم الثاني تحديدا فـ بيت ابو سلطان و ف غرفة خلف و بيان قام خلف مستعجل بعد م راحت عليهم نومه : بييانن اصحييي اصحىيي تأخررناا
فزت بيان : يمه وش
خلف : قوومي بسرعه تأخرنا تراا
قامت بيان و علطول ركضت للحمام ( يُكرم القارئ ) وهي تاخذ شور و تبدل ملابسها و خلف راح لحمام الي خارج الغرفه ( يُكرم القارئ )
ام سلطان : عسى م شر وش بهم كذا يركضون
ضحك ابو فهد و قال : تأخروا
ام سلطان : يلحقوا م صار شي عادي
بعد م خلصوا اتجهوا الصاله يسلموا على أهلهم ..
ابو خلف : يالله الله يحفظكم انتبهوا لنفسكم
ام خلف : اي انتبهوا زين و طمنونا يوم توصلون
خلف : ابشري
تقدم خلف يسلم على جده
ابو سلطان : بارك الله فيك انتبه لنفسك ياولدي وحط بيان بعيونك
تقدم سعود و ضم خلف بقوه : يولد انتبه لنفسك هاه
ابتسم خلف وهو يضم سعود : ان شاء الله وأنتم انتبهوا لكم
م كملوا كلامهم الا و أهل بيان داخلين
عبدالله : ببييون تعالي
فزت بيان الا وهي ضامه عبدالله بكل قوه و دموعها تنزل
عبدالله : يعين اخوتس انتبهي لنفسس زين
بيان : ان شاء الله
ضحك عامر و قال : لا نوصيك عليها هااه
خلف : ابشروواا
طلعوا بيان و خلف و هم ب السياره اتجهوا للمطار..
-
فـ الليل و فبيت ابو سلطان عند العيال ب المجلس
ضحك فهد و قال : ايوا م علمتنا وش سبب الفرح ذا كله هاه
ناظرهم سالم و ضحك : مراح اقول لكم
وليد : تكفى
سالم : امم بفكر
وقف وليد بضحك و قال : ععششاان خاطر خلفف
لف عليهم سعود : حتى وهو مب موجود حشرتوه ب السالفه
سالم : والله م فيه شي بس اقتنعت بكلام خلف وهو صادق م راح ينفع الزعل و مدري وشو و غير كذا تعرفون خويي صلاح ؟
فهد : اي شفيه ؟
سالم : بعد قطعه سنتين بيرجع و اخيرا
وليد : يي سلااام الله يرجعه ب السلامه
سالم : امين امين
سعود : اخ بس لو خليف موجود
وليد : بسم الله عليه اليوم راح من الحين قاعد تتحطم
سعود : والله ي وليدوو راح قلبي معه
سالم : أووفف لذي الدرجه ي سعيدان
فهد : والله م توقعناها منك تغليه اكثر عننا
سعود : انت من يغليك اسكت بس
فهد : م تحترمني ونا اخوك الكبير
وليد : اقول والله و ام مالك صادقه متى تتزوج و تفكنا
فهد : اعوذ بالله منكم
وفجأه يدخل عليهم ابو فهد : وش ذي السوالف اذلفوا بس
فهد : سم
دخلوا كلاََ منهم ل غرفته ..
-
اليوم الثاني و ف بيت ابو سلطان :
ام سلطان : وينهم ذول ورررااهم دراسههه
ابو فهد : اخ يمه بنجلط انا
سالم : ججيت جيت
ابو فهد : سلااماتت وين الباقي
سُميه : هنا هنا
اميره : الإنسان يقوم يقول أصبحنا وأصبح الملك لله و حنا نقول أعوذ بالله من الشيطان الرجيم
ضربها ابو فهد ف كتفها : ورا م تسكتين انتي
انفال : يالله امشي خلصنا
ابو فهد : ليتهم يتعلمون السنع منتس
ام سلطان : ي مشاري الوقت خلوا السوالف يلاا
و عنـد خلف و بيان الي سافروا لندن :
كانوا ب غرفتهم ب الفندق و كان خلف قاعد ب الصاله يطقطق ف جواله و كانت بيان ب الغرفه تعدل نفسها وهي لابسه الفستان الأزرق القصير و شعرها الحرير و حاطه مكياج خفيف طلعت وهي تلف : شرايك
فز خلف بعد م طاحت عيونه عليها و ضاااع مخهه
بيان : خليف وينك
خلف : وش ذا الزين كله تراني م اتححمملل
ابتسمت بيان : صدق حلو؟
وقف خلف : الا حلووو و يجننن كلشي عليتس ححلوو يعيون خليف
فزت بيان و ضمته بكل حُب : يحظي فييكك والله
شدها خلف عليه وهو يقول : ي بعدي والله يحظي انا
و فـ بيت ابو ذياب :
ذياب : يالله يمه رايحين حنا
ام ذياب : تمام ي حبيبي انتبهوا لنفسكم و البنت امانتك بعيونك تحطها
تقدمت الجوهره وهي تسلم على أهل ذياب
ابو ذياب : بارك الله فيتس ي بنيتي الله يهنيكم ويسعدكم
ابتسمت الجوهره وقالت بهدوء : امين
و فـ بيت ابو سلطان ف الحوش متجمعين :
ام سلطان : ماشاء الله الجوهره و ذياب هاليوم رايحين
اميره بتعجب : وين ؟
ام فهد : يقولون بيسافرو شهر عسل
ضرب سعود كتف سالم : اسمع اسمع
اخذ سالم نفس : محد مهتم
فهد : سعود انت حمار ولا حمار ؟ الولد م صدقنا ذي الايام مروق م نبي نخرب مزاجه
م كملوا كلامهم الا و الباب يدق ...
ام خلف : قم ي فهد شف من جاء
قام فهد و فتح الباب : يههلاااا و يمرححبباا
ليث : البقى يخوك
سعود : ارحبب ترااححيببب المططرررر
اميره بصوت خفيف : من ذا؟
سعود : ذا ليث خوي خلف او بالاساس مديرهم
ضحك ليث : وش مديرهم الله يهداك
سعود : وهذا الصدق
ام سلطان : ياحي و يامسهلا ي وليدي اقلط
ليث : لا والله م تقصرون جيت اسأل تبون شي ناقصكم شي
ام سلطان : لا والله م تقصر ي وليدي جعلني فداك
ليث : ابد والله اي شي تبونه اعتبروني زي خلف ولدكم
ام خلف : م عليك عندنا فهيدان و العيال م يقصرون
ابتسم ليث : تمام اجل استأذنكم
رمت ديم رأسها على كتف اميره و قالت : واهه جاني هبوط شوفي ابتسامته ماشاء الله يهبلل
فتحت اميره عيونها بصدمه : اثقلي يبنت وش ذا
سُميه : لا يصيدتس محمد اخوتس
ديم : لاحول محد يقول شي الا و كليتوه
و عنـد بيان و خلف ..
خلف : خلصتي؟؟
بيان : اي يالله مشينا
طلعوا من الفندق و راحوا يتمشون في شوارع لندن
و عنـد ذياب و الجوهره بعد م وصلوا لـ تُركيا
ذياب : اللبسي وخلصي نفسس شويات و جاي لتس
الجوهره : تعبانه مالي حيل اروح
ذياب : منجدتس انتي؟
الجوهره : اي منجدي
ذياب : تمام براحتس
حست الجوهره انها كسرت خاطره وهو الي يحاول بقدر الإمكان يسعدها قالت بهددوء : ولا اقولك خلاص زين
ذياب : اي زين تم شويات وجاي خلصي نفسس
دخلت الجوهره تختار ملابسها و تحط لها مكياج خفيف
لبست الجوهره بلوفر ابيض مع بنطلون و جاكيت يدفيها و فتحت شعرها و اخذت لها شنطه و حطت مكياج خفيف و جلست تنتظر ذياب .... بعد م جاء ذياب دخل للغرفه يشوف الجوهره : خلصتي؟
الجوهره : ايه ادخل
دخل ذياب وهو يشوف الجوهره وقال بصوت خفيف و ابتسامه : ماشاء الله عليتس
ابتسمت الجوهره وقالت : مشينا؟
ذياب : مشيناا
طلعوا من غرفتهم وكانت الجوهره محاوطه يدها على يد ذياب
و فبيت ابو سلطان تحديدا عند ام فهد و عيالها :
ام فهد : ي فهد
فهد : هاه يمه
ام فهد : لقينا لك البنت الي تناسبك
اخذ نفس عميق وقال : من هي
ام فهد : ريهام آل محمد عمرها 22 ماشاء الله أخلاق و احترام و جمال كلشي
فهد : يصير خير ان شاء الله
ام فهد : والله لو تلف وتدور م تلقى زيها
سالم : حالف انه يقعد ب كبودنا
فهد : طيب يمه يمكن البنت م تبيني وش فيكم كذا مستعجلين
ام فهد : زين بشوف الوضع
طلعت ام فهد و اتجهت للحوش : السلام
ام سلطان : يهلا و مرحبا
ام فهد : يخاله اسمعي
ام سلطان : وشو
ام فهد : شرايتس نعزم ليلى
ام سلطان : بسم الله وليه
ضحكت ام فهد و قالت : ودي اسألها عن بنتها ابي اخطبها ل فهيدان
ام سلطان : دام كذا اجل تم
ام عبدالرحمن : بتخطبون لمين
ام فهد : فهيدان منن غيره
ام خلف : ماشاء الله لقيتو
ام سلطان : لقينا لقينا
ام خلف : الحمدلله
ام سلطان : علمي البنات يلبسون و يكشخون
اتجهت ام عبدالرحمن للغرفه تعلم البنات : ي بنات بدلوا ملابسكم و تكشخو زين بيجونا ضيوف مو اي ضيوف
عائشه : منو جاي ؟
ام عبدالرحمن : بعدين تعرفون اللبسوا و خلصوا
انفال : تمام
خرجت ام عبدالرحمن و البنات يخططون وش يلبسون
بعد المــغـرب :
ام سلطان : يهلا و مرحبا تو م نور البيت
ام سعد : يهلا فيتس
ام فهد : اجلسي اجلسي
ام خلف : يهلا والله ي بنيتي البنات تلقينهم ب المجلس
ريهام : تمام
اميره : ي مررححبا ي مرحبا
ريهام : البقى البقى
و عند الحريم بعد سوالف
ام فهد : اسمعي ي ليلى
ام سعد : عسى ما شر؟
ام فهد : نبي نخطب بنتس ل ولدنا فهد
ام سعد : والله أبركها من ساعه بس الشور شور ابوها نقوله و نعطيكم العلم
ام فهد : تمام
بعد سوالف و ضحك و غيره رجعت ام سعد و بنتها ..
فهد : شصار؟
ام فهد : يشوفون ابو البنت
ام سلطان : يالله عسى يوافقون و تتهنون
سعود : مستحيل أصدق فهود بيتزوج
سالم : وش بك مستعجل عليه بعده م وافقوا الناس
ضحك فهد وقال : بقعد على قلوبكم هههههههههههههههههههههههههههههههههههههههههههههههه
ام فهد : ان شاء الله ازوجكم كلكم و افتك
ضحك سالم وقال : شكله امي ب تزوجنا كل مره واحد
ام فهد : اي بدور لك انت و سعيدان اصبروا بس
سعود : بسم الله يمه خليني اخلص نفسي بنلحق بعدين
ام فهد : يحظتس انتي بس خلصتي من خليف
ضحكت ام خلف : الله يخلي بيان بس هههههههههههههههههههههههههههههههههههههههههههههههههههههههه
ام سلطان : ان شاء الله كلكم جايكم الدور و بنفتك منكم
فهد : كذا ولا كذا بنقعد هنا يعني م ورانا شي ههههههههه
سالم : صحح
-
يُتبع ..
ارحببواا ي الشيوخ شدوواا الدعم عشان ينزل الي بعده و هل تتوقعون اهل ريهام بيوافقون على فهد ؟ 🤎🔥🤎🔥.
أنت تقرأ
كل الامان في حُبك وكل الاماني قربك
Randomرواية كل الامان في حُبك وكل الاماني قربك للكاتبة : رهف القحطاني ✍🏻 - ثاني إنطلاقه لي 🤎. - ترقبوا معنا الروايه ✨.
